Shkatërrohet banda e trafikut të emigrantëve, sa para fitonin

Një organizatë kriminale që vepronte në trafikimin e emigrantëve të paligjshëm nga Turqia në Greqi dhe më pas kalimin e tyre në vende të tjera të Evropës është shkatërruar nga Prokuroria e Krimeve të Pronës pranë Drejtorisë së Sigurisë së Atikës.

Në operacion morën pjesë edhe Drejtoria e të huajve të Atikës, Drejtoria e Sigurimit të Selanikut dhe Drejtoria e të huajve të Selanikut.

Në kuadër të një operacioni të zhvilluar në orët e mëngjesit të datës 19 tetor në zonën e gjerë të Athinës dhe Selanikut, janë arrestuar 3 shtetas grekë dhe 6 të huaj, anëtarë të organizatës kriminale, ndërsa janë identifikuar 14 anëtarë të tjerë dhe janë shpallur në kërkim.

Siç u konstatua gjatë hetimeve paraprake, bëhet fjalë për një organizatë kriminale me strukturë hierarike dhe mënyrë specifike të veprimit, me role të dallueshme mes anëtarëve të saj.

Anëtarët e organizatës vodhën makina, të cilat i përdornin për të transportuar emigrantë.

Ata në shumicën e rasteve zgjidhnin automjete me të cilat mund të transportonin sa më shumë emigrant.

Nga Atika ata niseshin drejt Selanikut. Më pas anëtarët e organizatës merrnin automjetet dhe shkonin në kufi (Evros), kryesisht në zona të pyllëzuara, nga ku merrnin emigrantët.

Pasi mbushnin automjete, ndiqnin rrugën e kundërt dhe shkonin në Selanik, ku përdornin dhoma me qira për qëndrimin e tyre.

Pas përfundimit të pagesës, anëtarët e organizatës kriminale ose i siguronin të huajve dokumente të falsifikuara për të udhëtuar në destinacionin e tyre përfundimtar, ose i rregullonin transportin e tyre në rrugë, në magazina brenda kamionëve, të cilët transportonin edhe produkte të tjera.

Organizata kriminale kishte një strukturë të tillë që të siguronte funksionimin e saj të vazhdueshëm, pavarësisht nga arrestimi i ndonjë prej anëtarëve të saj.

Shumat e parave të nevojshme për transportin dhe akomodimin e çdo të huaji ishin: -6000- euro për transferimin nga Turqia në Greqi, 1500 euro për transferimin nga Greqia në Maqedoninë e Veriut, 3000 euro për transferimin nga Greqia në Maqedoni.

Vendet e Europës Qendrore 800 deri në 1600 euro për lëshimin e një pasaporte false, në varësi të vendit 100 deri në 300 euro për lëshimin e patentës, në varësi të vendit.

Për transaksionet e tyre financiare përdornin ose para të gatshme në takime personale, ose transferta parash duke përdorur metodën “HAWALA”.

Në kuadër të të njëjtit operacion, në shtëpi në Athinë dhe Selanik u gjetën gjithsej 25 të huaj, të cilëve u mungonin dokumentet ligjore për të qëndruar në Greqi  dhe kishin hyrë ditë më parë nga Turqia.