Alcatraz/ Histori të vërteta dhe mite rreth burgut famëkeq të Amerikës

I vendosur në qendër të Gjirit të San Franciskos, Kaliforni, Ishulli Alcatraz njihet në mbarë botën si një burg federal i sigurisë maksimale midis 1934 dhe 1963.

Aq sa që nga viti 1972 është konsideruar si park kombëtar dhe është i hapur për vizita turistike.

Për të arritur në ishullin Alcatraz, duhet të merrni tragetin nga Pier 33, shumë afër Skelës së Fisherman’s, në San Francisko.

E për ata që nuk do të shkojnë, ja disa fakte interesante për burgun e famshëm…

Kurioziteti i parë për këtë burg të vjetër të çon në Spanjë, vendi i origjinës së eksploruesit Juan Manuel Ayala, i cili rizbuloi ishullin në 1775.

I njohur si “Shkëmbi”, legjenda tregon për një burg nga i cili askush nuk shpëtoi për shkak të masave të sigurisë, pasi ishte i rrethuar nga ujërat e akullta të Paqësorit (rreth 10 gradë) dhe për shkak të rrezikut të rrymave të forta.

Nga 14 tentativat në historinë e burgut, u regjistrua vetëm një arratisje e suksesshme, ajo e vëllezërve John dhe Clarence Anglin dhe Frank Morris në vitin 1962, për të cilët nuk ka pasur asnjë lajm që atëherë.

Megjithatë, 61 vjet më parë, në natën midis 11 dhe 12 qershorit 1962, tre të burgosur, Frank Morris, John Anglin dhe Clarence Anglin, arritën të mashtrojnë rojet, të arratisen nga qelitë e tyre dhe u nisën me një gomone drejt lirisë.

Në vitin 1979, pas 17 vjet hetimi, FBI arriti në përfundimin se të arratisurit me shumë gjasa ishin mbytur përpara se të arrinin në tokë. Megjithatë, sherifët federalë amerikanë ende e konsiderojnë çështjen të hapur dhe Morris dhe vëllezërit Anglin janë në listën e më të kërkuarve.

Ata që janë rrugës për në San Francisko dhe duan të vizitojnë këtë burg, çmimi i një vizite gjatë ditës është 49 dollarë dhe natën 56,40 dollarë.

Në të dyja rastet, vizita zgjat rreth dy orë e gjysmë.

“Ikja nga Alcatraz” me Clint Eastwood

Filmi i famshëm “Escape from Alcatraz” me Clint Eastwood, në rolin e Frank Morris, e portretizoi realisht këtë kriminel.

“Nëse ka pasur ndonjëherë një të burgosur që ishte i destinuar të arratisej nga Alcatraz, ai ishte Morris. Ai e kaloi jetën e tij në burgje para se të përfundonte në Alcatraz”, shkruante Michael Salinger në librin “Alcatraz: Historia e burgut”.