Apeli i dha vulën Alibeajt, Berisha akuza Yuri Kim dhe Erion Veliajt

Një ditë pasi Gjykata e Apelit i dha vulën e Partisë Demokratike, grupit të Enklejd Alibeajt, Sali Berisha ka hedhur akuza në drejtim të ambasadores Yuri Kim. Berisha thotë se Kim dhe Veliaj kanë ndërhyrë në vendimin e gjykatës.

Një rol jashtëzakonisht të dorës parë ka luajtur Yuri Kim që ka ndërhyrë më mënyrën më brutale të gjykatësja me Erion Velinë dhe këto janë të faktuara. Vendimi i djeshëm është një histori turpi faqezezë për të gjithë ata të cilët mbajnë autorësinë e tij. Vendimi u shkrua në zyrat e Ramës dhe u dërgua në gjykata nga Relira Kokona, ndihmësja e Don Agacios, e shquar për veprime mafioze korruptive dhe u lexua. Unë me këtë rast u them demokratëve, sigurisht që Rama mendoi të na e japë një goditje por na dha një kushtrim. Në të vërtetë nxori fytyrën e tij siç e ka, i aftë të marrë çdo vendim, çdo qëndrim të çfarëdo natyre për interesat e pushtetit të tij. I tillë ishte edhe mcgonigal, tradhtoi flamurin, betimin, vendimin e tij për të mbushur xhepat me paratë  e Ramës dhe luftuar opozitën. Të gjithë ata që janë angazhuar në luftën kundër opozitës janë në llojin e tyre ‘McGonigal’.

Berisha: Rama është i tmerruar! Bashkë me guvernatoren Kim u përpoqën t’i japin PD goditje fatale duke mbajtur në krye të saj kufomë politike

Njësoj si Ilir Meta, edhe Sali Berisha thotë se vendimi që dha dje Apeli për vulën e PD tregon se Edi Rama është i tmerruar por demokratët janë të pamposhtur.

“Ky moment është dëhsmia më flagrante e tmerrit dhe ferrit që ka kapur Edi Ramën, mafien shqiptare të tij por e vërteta është edhe segmentet e mafies ndërkombëtare. Ata e shohin se demokratët janë të pamposhtur, ata u përpoqën t’i japin PD goditje fatale duke i mbajtur një kufomë politike në krye të saj që e akuzonin publikisht dhe ligjërisht si një kukull të financuar nga rusët dhe sipas tyre, sipas Edi Ramës dhe guvernatores Yuri Kim, ky ishte i përshtatshëm për të drejtuar forcën politike kryesore opozitare. Ky është paradoksi më i madh, jo për Edi Ramën se është me origjinë xhelatësh, por që përfaqësuesuesja e vendit të madh të lirisë të përpiqet me të gjitha mënyrat në shkelje më flagrante të Kushtetutës që opozita shqiptare të drejtohet nga një person i financuar nga rusët, nuk ka paradoks më të madh se ky”, tha Berisha.