Connect with us

Sport

Ndeshja Inter – Juventus, Allegri: Kërkojmë të ringrihemi

Inter dhe Juventus luajnë nesër në 20:45 për raundin e 27-të në Serie A. Dy skuadrat do përballen në “Derbin e Italisë” pas kalimit në çerekfinalet e Champions dhe Europa League. Në prag të duelit kanë folur edhe dy trajnerët.

Tekniku i Zonjës, Massimiliano Allegri ka thënë se skuadra e tij kërkon ringritjen në kampionat, teksa i janë hequr 15 pikë në renditje.

“Na duhet të luajmë një ndeshje të mirë kundër një ekipi shumë të fortë. Është gjithmonë një ndeshje e mrekullueshma para 70 mijë tifozëve. Është derbi i Italisë dhe do të jetë një ndeshje magjepsëse. Duhet të jemi të përgatitur. Di Maria? Do të shoh situatën përfundimtare. Di Maria duket mirë, Chiesa është në dispozicion. Po Locatelli? E shoh mirë. Në Freiburg e hoqa atë në fund, por ndeshja ishte e sigurt dhe thjesht doja ta kurseja”, tha Allegri.

Nga ana tjetër, trajneri i Inter, Simone Inzaghi kërkon që të qartësohet situata me pikët, pasi me dënimin e Juves, zikaltërit janë të dytët.

“Përgatitja mendore do të jetë thelbësore, e dimë se çfarë skuadre është Juventusi. Shoh renditjen e sotme, më pas u takon organeve kompetente që të vendosin. Skuadrat që luftojnë kanë nevojë për qartësi. Ndërkohë duhet të kemi respekt maksimal për kundërshtarin. Skriniar do të mungojë kundër bardhezinjve, ndërsa në lidhje me paraqitjet e Lukakut jam shumë i kënaqur”, tha Inzaghi.

Inter me 50 pikë mban vendin e dytë në Serie A, teksa Juventusi me 38 pikë qëndron në vendin e shtatë.

Related Topics:
Advertisement