Vuçiç fut në grusht Podgoricën

“Vuçiç tashmë e ka marrë Malin e Zi. Ai ka përdorur mjete të zgjuara hibride me mbështetjen ruse për të zgjedhur një president të ri. Jakov Milatovic pretendon se është pro BE-së, por është më shumë se i dhënë pas Serbisë. Kisha Serbe, partitë politike pro-serbe dhe një mobilizim populist kundër korrupsionit, rrëzuan Milo Gjukanoviqin nga detyra. Në zgjedhjet e ardhshme parlamentare të 11 qershorit, partia e presidentit te sapozgjedhur do të fitojë një shumicë pro-serbe”

Keshtu ka deklaruar analisti amerikan Daniel Serwer, duke shtuar gjithashtu: Mali i Zi është anëtar i NATO-s. Serbia pretendon status ushtarakisht  neutral. Kjo duhet të jetë e mjaftueshme për të parandaluar një aneksim te mundshem, por gjithashtu e dobëson aleancën duke sjellë në mesin e saj një tjetër ‘djalë plangprishes si Hungaria”, shkruan Serwer

Më tej ai u shpreh se “nuk është rastësi që në të njëjtën kohë po bëhen përpjekje në tre shtete për të hequr serbët nga qeveritë jo-serbe”.

“Presidenti Vuçic aspiron ‘Botën serbe’, d.m.th. një shtet për të gjithë serbët, i cili përfshin edhe territor në vendet fqinje. Kjo është ‘Serbia e Madhe’, qëllimi i Millosheviqit, me një emër tjetër. Në Bosnje ai thjesht duhet të lejojë Dodik të bëjë gjënë e tij. Në Kosovë ai është duke shfrytëzuar hezitimin e kryeministrit Kurti për të filluar negociatat për një mekanizëm ‘vetëqeverisës’ për serbët në Kosovë. Në Mal të Zi zgjedhjet sollën atë që donte Vuçic” shkruan Serwer