Erik Ten Hag presion Manchester United: E dua patjetër…

Manchester United, më saktë trajneri ten Hag, ka rritur presionin ndaj klubit të tij, për të sjellë në “Old Trafford” portierin e Inter-it, Andre Onana. Ai e njeh mjaft mirë portierin kamerunas, pasi e ka stërvitur disa vite më parë tek Ajax, ndaj kërkon ta sjellë në Premier League, për të zënë vendin e De Gea.Mediat britanike konfirmojnë se “djajtë e kuq” do të bëjnë gjithçka për të siguruar shërbimet e portierit, që verën e kaluar u transferua tek Inter. Ten Hag beson se portieri do të jetë një pjesë e rëndësishme e skuadrës dhe lojës së tij, ndaj dhe do të bëjë gjithçka për ta marrë Onana.Objektivi i Manchester United është që ta mbyllë këtë marrëveshje sa më shpejt, brenda javës së parë të korrikut. Në Ibiza të Spanjës ka patur një takim mes Piero Ausilio të Inter dhe David Harrison të Manchester United, që kanë diskutuar për të mbyllur këtë transferim sa më shpejt.Dëshira e Ten Hag është që Onana të jetë pjesë e skuadrës që kur të nisë faza përgatitore. Inter kërkon 60 milionë euro për portierin, në të cilën përfshihen edhe bonuse, ndërkohë që erdhi me parametrin zero një vit më parë. Skuadra e Premier League është gati të paguajë për të kënaqur trajnerin e saj.