Obeziteti i lidhur me 18 lloje të ndryshme kanceri

Për vite me radhë, mjekët kanë dhënë alarmin për lidhjen midis kancerit dhe obezitetit.

Të qenit mbipeshë ose obez rrit rrezikun e zhvillimit të disa llojeve të ndryshme të kancerit, duke përfshirë gjirin, zorrët, veshkat dhe pankreasin.

Në total, 13 lloje të sëmundjes dihej më parë se ishin të lidhura me mbipeshën por tani, ky numër është rritur në 18 lloje të ndryshme të kancerit.

Dhe rreziku i zhvillimit të kancerit fillon kur njerëzit janë të rinj midis moshës 18 dhe 40 vjeç.

Studiuesit panë të dhënat elektronike shëndetësore të më shumë se 2.6 milionë njerëzve në Katalonjë, Spanjë. Njerëzit ishin 40 vjeç e lart në vitin 2009 dhe ishin pa kancer. Por deri në vitin 2018 vetëm nëntë vjet më vonë mbi 225,000 nga pjesëmarrësit e studimit ishin diagnostikuar me kancer.

Rezultatet e studimit, të publikuara në Nature Communications, zbuluan se të paturit e një BMI(indeksi masës trupore) prej 25 ose më të lartë çon në një rrezik më të madh të zhvillimit të 18 llojeve të ndryshme të kancerit.

Në mënyrë të veçantë, studiuesit zbuluan se ata që ishin mbipeshë në moshën e hershme të rritur moshat 18 deri në 40 vjeç kishin një rrezik në rritje të kancerit. Dhe njerëzit që ishin mbipeshë ose obezë për një periudhë më të gjatë kohore kishin gjithashtu një rrezik më të lartë të zhvillimit të kancerit. Së fundi, ata me një shkallë shumë më të lartë të obezitetit në rininë e tyre kishin një rrezik më të madh të kancerit.