GJKKO lë në burg Fredi Belerin, Avokati: Mbahet në qeli me urdhër

GJKKO lë në burg Fredi Belerin duke mos rrëzuar kërkesën e kryetarit të zgjedhur të Himarës të lirohet për të bërë dhe betimin. Avokati deklaroi se Beleri mbahet në qeli me urdhër. Ndryshe nga herët e tjera ai ka preferuar të jetë vetë prezent në seancën gjyqësore ku kërkon ndryshimin e masës së sigurisë. Report TV siguron foton e Fredi Belerit në Gjykatë

Në këtë seancë është i pranishëm një avokat grek ndërsa nuk ka përfaqësues nga Ambasada greke siç ka ndodhur herët e tjera.

Avokatët e Fredi Belerit kanë depozituar në gjykatën e posaçme një kërkesë të re për lirimin e të zgjedhurit si kryebashkiak i Himarës. GJKKO i kërkohet ta zëvendësojë arrestin me burg me një masë tjetër sigurie, duke i mundësuar Fredi Belerit betimin si kryebashkiak i zgjedhur nga qytetarët e Himarës.

Sipas avokatëve, kjo e drejtë i mohohet Belerit nëse ai nuk lirohet deri në mesin e muajit shtator kur ai humb mandatin. Fredi Beleri mbahet në arrest prej 12 majit të këtij viti pasi u arrestua për blerjen e votave të 8 qytetarëve kundrejt 40 mijë lekëve. Gjykatat kanë refuzuar disa kërkesa të tij për lirim ndërsa autoritetet greke kanë dënuar arrestimin.

Në përditësim…

GJKKO rrëzon sërish Fredi Belerin, e lë në burg, avokati: Gjykata s’ka fuqi para pushtetarëve, kjo është bërë me urdhër të qeverisë

Avokati i çështjes, Fredi Beleri është lënë në burg nga GJKKO. Avokati i tij thotë se gjykata është e pafuqishme para pushtetit dhe ky vendim është bërë me urdhër të qeverisë.Avokati thotë se nuk ka pasur asnjëherë një përgjim.

“Jemi të bindur që ai po mbahet politikisht në burg. Kemi bëre kërkesën brenda 31 korrikut dhe ajo duhej bërë pas 5 ditësh. Nuk lënë asnjë shpresë thonë kur të vi çështja në themel.

Përmbajtja e atyre akteve na bëri që të bëjmë këtë kërkesë, sepse më 31 korrik na vunë në dispozicuion në seri provash që ne si dinim. Caktimi i prokurorit të shkallës së parë që janë marrë vendim një ditë më pas. Duke qenë se aktet ne gjetën në dosje që duheshin marrë qëndrimit me Gjykatën…

Nuk ka pasur asnjëherë përgjim. Kjo gjë është me urdhër, se këta s’kanë fuqi, s’janë të fortë para pushtetarëve. Beleri kërkoi të drejtën e tij siç e kërkon gjithmonë, kuptohet nga gjykata u shkruajt bukur arsyetimi ku thanë se nuk plotëson kushtet.”- tha avokati i Fredi Belerit