Sulmi në Izrael/ OKB thirrje për paqe: Të shmanget gjakderdhja e mëtejshme

Komisioneri i Lartë i Kombeve të Bashkuara për të Drejtat e Njeriut, Volker Turk, bëri thirrje për përfundimin  e menjëhershëm të dhunës në Gaza pas sulmit të nisur nga organizata islamike palestineze Hamas kundër Izraelit. Turk u bën thirrje të dyja palëve për paqe ndërsa deklaron se është i tronditur nga informacioni se qindra raketa kanë goditur Izraelin dhe se civilët izraelitë janë kapur.

“Ky sulm ka një ndikim të tmerrshëm mbi civilët izraelitë. Civilët nuk duhet të jenë kurrë në shënjestër,” tha Turk.

Turk i bëri thirrje Izraelit të marrë masa paraprake për të shmangur viktimat civile.

“Unë bëj thirrje për një fund të menjëhershëm të dhunës dhe u bëj thirrje të gjitha palëve dhe vendeve të rëndësishme në rajon që të de-përshkallëzojnë për të shmangur gjakderdhjen e mëtejshme”, tha ai.