Fatbardh Kadilli: As Enver Hoxha nuk vuri fëmijët në krye siç bën Berisha

Anëtari i Këshillit Kombëtar të Partisë Demokratike, Fatbardh Kadilli komentoi Kuvendin e Rithemelimit, i organizuar një ditë më parë.

Sipas tij, promovimi që ju bë në Kuvend vajzës së Sali Berishës, Argita Malltezi tregon më së miri se kemi të bëjmë me një projekt politik familjar.

Ndër të tjera, Kadilli shtoi se Berisha në tre dekada e ka përdorur Partinë Demokratike për interesat e tij dhe të familjarëve.

”Kuvendi  i Rithemelimit, provoi dhe bëri të dukshme për këdo faktin që ai që u nis si projekt politik e emërtuar si Rithemelim, përfundoi në një gërmadhë politike. Si sjellja e Berishës dhe si hapsira dhe promovimi i vajzës së tij, provojnë katërcipërisht që kemi të bëjmë më projekt familjar.

Ka qenë e qartë për këdo që ka ndjekur politikën, që në 3 dekada Berisha e ka përdorur PD për interesat e tij dhe të familjes, interesa përmes të cilave ka siguruar pushtet dhe pasuri.

As Enver Hoxha që edhe ai i kishte fëmijët anëtar të Partisë së Punës nuk guxoi ta bënte këtë, që ti vinte në krye fëmijët e tij, pra kemi të bëjmë qartazi me një projekt politik.

Formalizmi është apo s’ është antare e PD  zonja Malltezi është një formalitet që nuk i hyn në punë askujt. Ajo që sot shqiptarët kanë provë është projekt politik familjar, interesa familjera që mbrohen nëpërmjet intrumenteve dhe institucioneve politike’’, tha Kadilli ndër të tjera për Euronews Albania.