Shpërthen bombola e gazit, përfshihet nga zjarri një shtëpi në Tiranë

Një banesë është përfshirë nga flakët në Tiranë pasditen e sotme. Ngjarja ka ndodhur në zonën e Qytet ‘Studenti’.  Nuk dihen rrethanat e ngjarjes, por fatmirësisht nuk ka persona të lënduar.  Drejt vendit të ngjarjes janë nisur 3 mjete zjarrfikëse, 15 forca.

Sakaq, theksojmë se një ditë më parë qendra tregtare ‘Metropol’ u përfshi nga flakët e më pas zjarri u përhap edhe në banesat në pallatet ngjitur. Për më shumë se 10 orë, forcat zjarrfikëse, të Lushnjës, Fierit, Tiranës, Elbasanit, Vlorës e Beratit, luftuan për të shuar flakët dhe për të bërë të mundur evakuimin e qytetarëve, ku disa prej tyre përfunduan në spital.

Rreth 42 persona u shtruan në spital pasi kishin probleme me frymëmarrjen mes tyre dhe 8 persona personel zjarrfikës. Zona është rrethuar me shiritin e sigurisë dhe pritet që të kryhet ekspertiza për të përcaktuar shkaqet e zjarrit si dhe dëmet e shkaktuara nga flakët