Frikë nga tradhëtia në Kosovë/ Ja çfarë tregon Jolyon Naegele

Koordinatori i parë i dialogut ndërmjet Kosovës dhe Serbisë gjatë mandatit të UNMIK-ut në vitin 2003, Jolyon Naegele, gjatë një interviste,përballë komentit se “Kryeministri i Kosovës, Albin Kurti, në parim pranoi draft-statutin e Asociacionit të Komunave me Shumicë Serbe, i përgatitur nga komuniteti ndërkombëtar, në anën tjetër Presidentin i Serbisë, Aleksandër Vuçiç, po fajëson Kurtin duke thënë se po bën bllofe, pasi nuk do ta zbatojë këtë mekanizëm në terren, i pyetur nëse palët jantë te sinqerta në zbatimin e marrëveshjes, deklaroi:

“Asnjëra palë nuk është e sinqertë me njëra-tjetrën apo me komunitetin ndërkombëtar për një sërë faktorësh. Me disa përjashtime, kështu ka ndodhur të paktën që nga fillimi i dialogut të drejtpërdrejtë në Vjenë 20 vjet më parë nga Ibrahim Rugova dhe Vojislav Kostunica. Unë besoj se ekziston ende një frikë midis aktorëve politikë në Beograd dhe Prishtinë se kompromisi mund të perceptohet si i barabartë me tradhti dhe rrezikon të jetë, të paktën, politikisht fatal.  Arsye të tjera për mungesën e progresit përfshijnë asimetrinë legjislative/kushtetuese për Kosovën në krijimin e Asociacionit të Komunave me Shumicë Serbe, të ashtuquajturën Zajednica, si dhe garancitë që Beogradi dhe liderët serbë të Kosovës supozohet se kanë marrë të paktën që nga shkurti 2008. Ajo kohë ishte në anën e tyre, që brenda 20 viteve situata ndërkombëtare do të bëhej më e favorshme për interesat e tyre, derisa ndikimi i Rusisë po zgjerohet” – theksoi Jolyon Naegele

Duke iu përgjigjur pyetjes nëse ai beson se Bashkimi Europian i ka kapacitetet e duhura të mjaftueshme në dialogun Kosovë-Serbi, deklaroi:

“BE-së i mungon kapaciteti i mjaftueshëm për t’i zgjidhur problemet ndërmjet Kosovës dhe Serbisë, para së gjithash për shkak të mungesës së vullnetit të mirë ndërmjet Beogradit dhe Prishtinës dhe mungesës së vullnetit apo paaftësisë së tyre politike për të përmbushur ato marrëveshje të cilat i kanë arritur gjatë dhjetë viteve të fundit.  Për më tepër, mungesa e unitetit midis 27 shteteve anëtare të BE-së, pesë prej të cilave nuk e njohin Kosovën, dobëson edhe më tej pozitën e BE-së në trajtimin e Kosovës për një sërë çështjesh”