Menjëherë pas shpalljes së çmimit, Egla Ceno tha për “Shqipëria live’’ se nuk e kishte menduar kurrë që do fitonte, madje kishte menduar se ndoshta do të qëndronte në shtëpi 3-4 javë.

‘’Nuk e besoj, është uaaauuu. S’prisja as të rrija ndoshta as 3-4 javë’’ – tha Egla e pyetur për emocionet e para pas fitores.

E pyetur për garën me Julin, ajo tha se dalëngadalë e kishte kuptuar që me Julin do të shkonte deri në fund: “Avash-avash duke u afruar fundit, po. Nuhasja gjëra, mesazhe, publiku, po nuhasja mesazhe që na vinin nga “Big Love”, reagime” – tha ajo.

Po me 100 mijë euro çfarë do të bëjë?

“S’e di. Do mbyll ca vrima, do ndihmoj kauzën që kam nisur në Big Brother dhe të shoh, nuk e di ça do bëj pastaj”.

Lori Hoxha ka reaguar për herë të parë pas festës që u zhvillua një natë më parë me banorët e “Big Brother Vip Albania 3”. Producentja e “BBV” shkruan se festat që realizohen për show të tilla vlejnë për të gjithë, edhe për ata që duan dhe shijojnë më shumë “gjuetinë”.

“Jam e rrethuar nga njerëz që e duan dhe shijojnë më shumë gjuetinë se sa gostinë, duke bërë që rezultati të jetë akoma më i mirë dhe festa në fund të vlejë vërtetë për të gjithë”- shkruan ajo.

Kujtojmë se festa e mbrëmjes së kaluar mblodhi ish-banorët së bashku, mirëpo u vu re edhe munges e Romeo Veshajt, i cili mesa duket ka pasur hatërmbetjet e tij me produksionin.

Finalja e emisionit më të përfolur shqiptar momentalisht, “Big Brother VIP 3” dhe rrugëtimit të pesë finalistëve u mbajt me 25 Maj në Top Channel. Një reality-show i mbushur me lot, surpriza, dashuri, arritje, çmenduri, por mbi të gjitha transparencë. Edicionin e tretë të “Big Brother Vip”  fituese u shpall Egla Ceno.

Ish-banorja e shtëpisë më të famshme në Shqipëri, Heidi Baci ishte mbrëmë pjesë e “After Party-t” të zhvilluar nga Top Channel, ku u shfaq me syze dielli. Përveç kësaj Heidi nuk ka qenë aktive në rrjete sociale dhe as në intervista, për këto ish-banorja vetëm pak më parë ka postuar një video ku shpjegon gjithçka

E para ju falenderoj për suportin e vlerësoj, më vjen keq që nuk kam postuar po kam pasur disa probleme shëndetësore me syrin dhe prandaj mbaj syze dhe kam mbajtur syze dhe në party-n dje mund të jetë infeksion ose nga stresi se di po do kthehem së shpejti

Jul Deda u shpall i dyti në garën e ‘Big Brother VIP Albania 3’.

Aktori ishte një nga pretendentët për fitore, por Egla Ceno zuri vendin e parë. Miqtë, familjarët dhe kolegët nuk e pritën mirë këtë renditje. Në mesin e tyre ishte dhe aktorja Rudina Dembacaj e cila ka reaguar në rrjetet sociale për renditjen që u bë në natën finale të “BBV”.

”Si ka mundësi nuk e di. E ka vendos sovrani, nuk merrem fare me këto unë. Une doja me gjithë shpirt që ta fitonte shoku im Jul Deda. Kam votuar çdo ditë dhe nuk ishte në dorën timë mi motrani dhe nuk e di fare si ka mundësi. Nuk ja di mendjen popullit as nuk kam mik produksionin. This is Albania”- thotë Rudina në një video në ‘instastory’, teksa e kanë pyetur për finalen e “BBV”.

Reperi i njohur francez Maître Gims, po bën xhiro e rrjetit pasi është shfaqur me flamurin kuq e zi.

Video, ku ai bën përshëndetjen për të gjithë shqiptarët duke kënduar këngën e tij me flamurin shqiptar në sfond dhe shqiponjën që e realizon me duar është bërë virale në rrjet

Ai ka marrë mijëra komente nga të cilët e quajnë reperin francez si një ‘shqiptar i vërtetë’.

Kujtojmë se Gims ka sjellë hite në tregun muzikor botëror, ka patur një bashkëpunim me Dhurata Dorën e duket se ndoshta po na paralajmëron ndonjë projekt të ri në Shqipëri ose një koncert.

Mbetet të shihet në ditët në vijim!