E rëndë/ Një parakalim i gabuar shkakton aksident të trefishtë, makinat përplasen me njëra tjetrën

Një aksident i trefishtë ka ndodhur pasditen e kësaj të premte në aksin rrugor Peqin –Elbasan, në afërsi të fshatit Lolaj.

Tre makina janë përplasur me njëra tjetrën, dhe paraprakisht dyshohet se shkak është bërë një parakalim i gabuar i njërit prej mjeteve.

Fatmirësisht nuk ka patur persona me dëmtime serioze, ndërsa automjetet janë dëmtuar pjesërisht.

Pritet një njoftim nga ana e policisë për zbardhjen e plotë të rrethanave të ngjarjes.