Kokainë dhe organizim i basteve sportive, arrestohen 2 persona

Dy persona janë arrestuar ditën e sotme në Korçë për vepra të ndryshme penale. Një i ri është arrestuar pasi gjatë një kontrolli në lokalin e tij janë gjetur mbetje lëndë narkotike kokainë. Po ashtu është prangosur dhe një 36-vjeçar pasi në telefon kishte aplikacione për vendosjen e llotove online.

Njoftimi i Policisë:

Komisariati i Policisë Maliq arrestoi në flagrancë shtetasit: ▪︎ A. Z., banues në fshatin Vloçisht, Maliq, për veprën penale “Përshtatja e lokalit për përdorim droge”, pasi: Shërbimet e Policisë gjatë kontrollit të ushtuar në lokalin në pronësi të tij, në fshatin Vloçisht, gjetën mbetje të dyshuara lëndë narkotike kokainë dhe sende që shërbejnë për përdorim të lëndës narkotike.

▪︎ A. S, 36 vjeç, banues në fshatin Leminot, Maliq, për veprën penale “Organizimi I llotarive të palejuara”, pasi gjatë kontrollit në një lokal në fshatin Sovjan, Maliq, në celularin e tij u gjetën aplikacione që shërbenin për vendosjen e basteve sportive. Aparati celular u sekuestrua në cilësin e provës materiale.