Zbuluesi i vaksinës: Do bëhet më keq përpara se të bëhet më mirë…

Shkencëtari prapa vaksinës së BioNTech / Pfizer tha se njerëzit në Mbretërinë e Bashkuar mund të vaksinohen kundër koronavirusit deri në mes të muajit të ardhshëm.

Duke folur në intervistën e tij të parë për Sky News, Profesori Ugur Sahin, bashkëthemelues i firmës gjermane BioNTech, tha se vaksinat e para mund të shpërndahen për pacientët në të gjithë Britaninë në mes të dhjetorit.

Por ai tha se kjo do të varet nga fakti nëse rregullatori i Mbretërisë së Bashkuar e licenson atë në kohë, duke shtuar: “Koha më e hershme për furnizimin e vaksinave nuk do të jetë para mesit të dhjetorit. Dhe mesi i dhjetorit nuk do të thotë se situata do të ndryshojë në mënyrë dramatike. Ky do të jetë një dimër i vështirë. Do të bëhet më keq para se të bëhet më mirë.”

Por ai tha se me ndihmën e vaksinës, ne “mund të kthehemi në jetën normale nga mesi i vitit të ardhshëm”.

I pyetur nëse ndihej nën presion pasi provat zbuluan se vaksina është 90% efektive, ai tha: “Sigurisht. Por nuk është një garë kundër njëri-tjetrit, është një garë me kohën”.

Profesori Sahin tha se ndërsa bota pret kontrolle sigurie dhe autorizime qeveritare, gjëja më e mirë që njerëzit mund të bëjnë është të mbajnë një maskë dhe të mbajnë distancën shoqërore.

I pyetur nëse ai vetë do ta aplikonte vaksinën, ai tha: “Po sigurisht, do ta bëja ditën e parë që më lejohet.”

Profesori Sahin dhe gruaja e tij Ozlem Tureci, 53 vjeç, janë bashkëthemelues të firmës gjermane Biontech që punon me Pfizer në një nga 12 provat kryesore të vaksinave kundër koronavirusit.