E rëndë në Durrës/ 10-vjeçari bie nga lartësia e një pallati te ‘Shkëmbi i Kavajës’, humb jetën

Një ngjarje tragjike ka ndodhur sot rreth orës 09:00, te ‘Shkëmbi i Kavajës’ në Durrës.

Një fëmijë 10 vjeç, dyshohet se aksidentalisht ka rënë nga lartësia e një pallati dhe për pasojë ka humbur jetën. Lajmin e konfirmoi edhe Policia e Durrësit.

Grupi hetimor ka shkuar në vendngjarje për të nisur verifikimet dhe zbardhur rrethanat dhe shkaqet. Paraprakisht mësohet se njoftimin e kanë bërë banorët e pallatit dhe fëmija mbetet i paidentifikuar ende.

Nuk dihet ende nëse vogëlushi është banor i atij apartamenti nga ra, por mësohet se në momentin e ngjarjes tragjike ndodhej i vetëm.

(Lajmi ne perditesim…)