Rubio: E shpallën edhe Trump spiun rus, kanë angazhuar dhe vendet aleate te NATO-s

SEKRETARI RUBIO: Po. Ne i dhamë fund censurës së sponsorizuar nga qeveria në Shtetet e Bashkuara përmes Departamentit të Shtetit. Dhe le të shpjegoj si arritëm deri këtu. Kjo nisi 15, 10 vite më parë me një përpjekje për të luftuar propagandën që Al-Kaeda, ISIS dhe të tjerë përhapnin për të radikalizuar njerëzit. Dhe kush do të ishte kundër kësaj? Tingëllon normale. Pastaj, në 2016, pas ndërhyrjes së huaj në zgjedhje, nisëm të synojmë ato përmbajtje. Deri në 2020, kjo ishte kthyer në një lëvizje për të ndjekur individë amerikanë.

Pra, në thelb, taksapaguesit amerikanë përmes Departamentit të Shtetit po financonin grupe që sulmonin amerikanët dhe përpiqeshin të heshtnin zërat e tyre. Dhe kishte pasoja. Nuk ishte thjesht një etiketë. Disa nga këta njerëz u hoqën nga platformat, u ndalua komunikimi i tyre. Ishte skandaloze.

Para se Presidenti Trump të merrte detyrën, ata e shpërbënë këtë njësi. E ribranduan dhe e transferuan diku tjetër. Por muajt e fundit kemi punuar për ta mbyllur përfundimisht. Nëse do të shpenzojmë para për komunikim, do të jetë për mesazhe pro-amerikane, për të mbrojtur dhe nxitur lirinë e fjalës, që është e kërcënuar në mbarë botën, madje edhe në vende aleate.

Mënyra më e mirë për të luftuar dezinformimin – nëse njerëzit mendojnë se ai ekziston – është liria e fjalës. Që e vërteta të ketë mundësi të barabartë ose më të madhe për t’u dëgjuar sesa gënjeshtra. E kemi mësuar në mënyrë të dhimbshme. Por kur e përdor etiketën “dezinformim” si armë politike për të sulmuar njerëz që nuk i pëlqen, atëherë është e rrezikshme.

Dhe kjo po ndodh në vende perëndimore, ku njerëzit arrestohen për postime online. Në një konferencë në Mynih, Zëvendëspresidenti foli për këtë – dhe me të drejtë. Ka ende shumë punë për të bërë, por prioriteti është që komunikimi ynë ndaj botës të jetë pro-Amerikë, jo sulme ndaj qytetarëve amerikanë që ushtrojnë të drejtën e fjalës