Kosova
Konstituimi i Kuvendit të Kosovës/ Osmani kërkon që procesi të përmbyllet sa më shpejt
Presidentja e Kosovës, Vjosa Osmani, në një reagim pas seancës së sotme parlamentare, thotë se mirëpret hapjen e rrugës për zhbllokimin e procesit të konstituimit të Kuvendit të Kosovës, duke e cilësuar si një zhvillim të rëndësishëm në drejtim të rikthimit të funksionalitetit institucional në vend.
Osmani kërkoi që ky proces të përmbyllet sa më shpejt, në përputhje me Kushtetutën e Republikës së Kosovës dhe normat demokratike.
Ajo uroi kryetarin e ri të Kuvendit, Dimal Basha, si dhe nënkryetarët e zgjedhur: Albulena Haxhiu, Vlora Çitaku, Kujtim Shala dhe Emilija Rexhepi, duke theksuar se pret nga udhëheqja e re e Kuvendit që të punojë në interes të qytetarëve dhe forcimit të institucioneve demokratike.
Presidentja bëri thirrje që Kuvendi të vijojë me hapat e radhës kushtetues dhe të procedojë me votimin e qeverisë së re të dalë nga zgjedhjet parlamentare të mbajtura më 9 shkurt.
“Respektimi i vullnetit të qytetarëve dhe përmbushja e detyrimeve kushtetuese janë thelbësore për stabilitetin dhe funksionimin demokratik të vendit”, tha Osmani.
Trump mesazh Kinës: Duhet të na japin magnete, ndryshe do vendosim tarifa 200%
Zj’arret në vend/ Ministria e Mbrojtjes: 4 vatra aktive, flakët jashtë kontrollit në…
“Do të doja ta ktheja kohën pas”/ Vrau gruan, shqiptari në gjykatë: Kishim një jetë perfekte
Kërkesa e pazakontë e Trump: Të vendoset dënimi me vdekje në Uashington
Marrëveshja sekrete e energjisë mes Trump dhe Putin për Ukrainën, në “tavolinë” janë disa plane
Konstituimi i Kuvendit të Kosovës/ Osmani kërkon që procesi të përmbyllet sa më shpejt
BE ndalon thonjtë me xhel: Ka përmbajtje kancerogjene
