E trishtë/ Bullizohej nga bashkëmoshatarët, 15-vjeçarja tenton të vrasë veten, hidhet nga kati i katërt

Një ngjarje e rëndë ka ndodhur gjatë ditës së djeshme në Sarandë, ku një 15-vjeçare ka tentuar që ti japë fund jetës, duke u vetëhedhur nga kati i katërt i banesës. Dyshohet se shkak për ngjarjen është bërë bullizimi që ajo ka ndjesë në shkollë nga bashkëmoshatarët e saj. E mitura është dërguar në spitalin e Traumës në Tiranë ku ndodhet jashtë rrezikut për jetën. Ajo ‘është shpëtuar’ nga tenda e banesës që ndodhej në katin poshtë saj, duke shmangur ngjarjen fatale.

“Po këta specialistë u referuan materiale për vlerësim pasi, më datë 23.09.2025, ka mbetur e dëmtuar dhe ndodhet nën kujdesin e mjekëve në spital, një shtetase e mitur 15 vjeçe, e cila dyshohet se është vetëhedhur nga kati i katërt i banesës së saj në Sarandë. 15-vjeçarja aktulisht ndodhet jashtë rrezikut për jetën“, thuhet në njoftimin e policisë.

Grupi hetimor ka marrë në pyetje familjarët e saj, si dhe persona që mund të kenë pasur dijeni mbi gjendjen psikologjike të së miturës.