I riu vrau babain në Durrës, fqinjët: Viktima jetonte me një grua tjetër, 25 vjeçari sapo ishte kthyer në Shqipëri

Një ngjarje e rëndë ndodhi sot në Durrës, ku një djalë ka vrarë babanë e tij me thikë. Fqinjtë e familjes tregojnë për mediat se autori sapo ishte kthyer nga jashtë vendit.

“Djali ka qenë jashtë. Ne s’kemi qenë në shtëpi. Këta janë nga Mirdita. Ka 6 fëmijë. Ai ka qenë jashtë shtetit, e ëma i kishte vdekur pasi i ra një tjegull në kokë. Po kanë qenë familje e mirë. Po janë jashtë shtetit të gjithë,” tha një fqinj.

Fqinjtë shtojnë se familja dukej e qetë dhe se viktima jetonte me një grua tjetër në banesë, çka sipas tyre nuk krijonte konflikte të dukshme në komunitet.