Skuqet ‘Deti i Zi’/ Flota në hije e Putinit goditet nga dronët, shpërthejnë anijet çisternë

Dy anije cisterna të sanksionuara nga Perëndimi u dëmtuan nga shpërthimet në Detin e Zi të premten, thanë zyrtarët turq.

Kairos, një anije me flamur gambian që po shkonte drejt portit rus të Novorossiysk, u përfshi nga flakët 28 milje detare (51 km) larg bregdetit të Turqisë për shkak të “faktorëve të jashtëm” të paspecifikuar, tha Drejtoria e Përgjithshme Turke për Çështjet Detare më vonë të premten në mbrëmje.

Të 25 anëtarët e ekuipazhit, shumica prej tyre shtetas kinezë, janë shpëtuar nga Roja Bregdetare Turke.

Pamjet e publikuara nga zyrtarët tregojnë anijen e përfshirë nga flakët.

Ministri turk i Transportit Abdulkadir Uraloglu tha se informacioni i marrë nga anija “tregon një goditje të mundshme në minë”. Ai konfirmoi se vlerësimi fillestar sugjeronte “ndikim të jashtëm”.

Anija e dytë, cisterna Virat me flamur gambian, raportoi një “sulm” 35 milje detare (65 km) larg bregdetit turk. Sipas mediave lokale, anija kishte njoftuar se ishte sulmuar nga dronë. Uraloglu tha se anijet e shpëtimit u dërguan për të evakuuar ekuipazhin prej 20 personash të Virat. 

Fotot e publikuara nga zyrtarët tregojnë një vrimë në trupin e anijes.

Të dy tankerët ishin sanksionuar nga shtetet perëndimore për transportimin e naftës në shkelje të kufizimeve të vendosura ndaj Rusisë për shkak të konfliktit në Ukrainë. Moska ka mohuar të ketë operuar një “flotë në hije”.

Deti i Zi ka mbetur skenë tensionesh që nga shkurti, pasi Rusia dhe Ukraina kanë sulmuar asetet detare të njëra-tjetrës. Minat lundruese janë larguar larg bregdetit ukrainas gjatë gjithë konfliktit, duke arritur madje deri në Bosfor.