Mos prisni qetësi/ Irani: Vetëm dhimbja ekonomike do t’i japë fund luftës, tërhiqu Trump

Irani është gati për një luftë të gjatë me Shtetet e Bashkuara dhe do të vazhdojë të sulmojë vendet e Gjirit në një përpjekje për t’i bindur ato që ta shtyjnë Presidentin Donald Trump të tërhiqet nga konflikti.
Paralajmerimi erdhi në një intervistë ekskluzive për CNN në Teheran me Kamal Kharazi, këshilltar për politikën e jashtme në Zyrën e Liderit Suprem, i cili përjashtoi diplomacinë për momentin dhe paralajmëroi se lufta do të përfundojë vetëm për shkak të vështirësive ekonomike, duke sinjalizuar një ngurtësim të pozicionit të qeverisë në ditën e dhjetë të konfliktit.
“Nuk shoh më vend për diplomaci. Sepse Donald Trump mashtroi të tjerët dhe nuk i mbajti premtimet e tij, dhe ne e përjetuam këtë në dy raste gjatë negociatave: ndërsa ishim të angazhuar në negociata, ata na goditën”, tha Kharazi për CNN.
“Nuk ka vend për të nëse presioni ekonomik nuk rritet deri në atë pikë sa vendet e tjera të ndërhyjnë për të siguruar fundin e agresionit amerikan dhe izraelit kundër Iranit”, tha Kharazi, duke sugjeruar që vendet arabe të Gjirit dhe më gjerë duhet të bëjnë presion mbi Uashingtonin që të ndërpresë armiqësitë.