Berisha kritikon drejtuesit e PD: Nga sot, të gjithë duhet të riorganizojmë partinë

Berisha tha se kryefjala është organizimi i partisë, ndërsa tha se PD nuk është marrë në shkallën e duhur të organizimit të partisë.

“Kryefjala është organizimi dhe vetëm organizimi. Ne jemi parti e madhe. Ata që e vënë në dyshim këtë, gabojnë. Jemi parti e madhe, por kemi pasur një problem. Duhet ti njohim problemet tona. Nuk kemi marrë në shkallën e duhur me organizimin për një seri, ne nuk jemi ata që jemi përkushtuar në shkallën e duhur, energjitë për qëndrimin tone”-tha Berisha.

Nga sot dhe çdo ditë tha Berisha detyra e çdo funksionari të PD është të riorganizojë partinë.

“Sot dhe çdo ditë, kryetarë, anëtarët e kryesive, drejtues e qarqeve, koordinator, kryetarët e grup seksioneve kanë detyrën më të rëndësishme, riorganizmin e kësaj partie. Nga seksionet deri në drejtimet kryesore. Është e domosdoshme për tu përballur me situatën krijuar.  Edi Rama është në pozitë vështirë, del vetëm po pranuam ne”-përfundoi Berisha.