Je më e rrezikshme, pse nuk hyn në kafaz ti/ Haxhiu debaton ashpër me Kryemadhin

Analisti Baton Haxhiu debatoi ashpër në emisionin “Të Paekspozuarit” me ish-kryetaren e LSI-së, Monika Kryemadhi për mbajtjen e ish-presidentit Ilir Meta në kafazin e qelqtë, gjatë seancës së parë në Gjykatën e Posaçme. Ai i bëri thirrje Kryemadhit që të hynte edhe ajo në kafaz në shenjë proteste ndaj mbajtjes së tij brenda kafazit të qelqtë.

Pjesë nga debati

Haxhiu: Unë do të them nëse më dëgjojnë të burgosurit, kafazin ta bojkotojnë se ky shtet nuk meriton të quhet shtet. Nëse një njeri dënohet brenda kafazit dhe të atëherë kemi problem s’ka demokraci brenda kafazit, s’ka të drejta, s’ka liri brenda kafazit, fjalë të lirë dhe e kam thënë edhe kur kam shkruar për kafazin e hekurt, duhet të jjesh një gjyqtar i turpshëm, frikacak, joprofesional që thërret 4 policë. Bëje gjyqin pa publikun, vetëm me gjyqtarët. Lëre kafazin se është turp, turp me e pa shteti si imazh dhe nuk më duhen as ndërtesat, as bregdeti, as turistët kur ka kafaz. Kjo është marre e Zotit.

Kryemadhi: Se e kanë kafazin në tru, Baton.

Haxhiu: Të dëgjova tre orë duke folur për një proces, nuk të dëgjova duke folur për një gjë shumë njerëzore: refuzimin e gjyqit brenda kafazit dhe kjo duhet të jetë shembull jo vetëm për ju dhe Ilir Metën dhe kjo duhet të jetë shembull. Monika mësohu të dëgjosh.

Kryemadhi: Baton, jo jo nuk më thua dot ti mua. E para procedurialisht nuk më takon mua. Ti po më akuzon mua.

Haxhiu: Po, pse nuk hyn në kafaz? Pse nuk hyn në kafaz ti?

Kryemadhi: I takon mediave të ngrejnë këtë ngjarje.

Haxhiu: Konsideroj që ti je më e rrezikshme se Ilir Meta.

Kryemadhi: Ore Baton, unë nuk kam instrument që të protestoj. E mblidhja partinë time para gjykatës. Ti ke shumë të drejtë. Nëse nuk ka zgjim të ndërgjegjes qytetare kombëtare, të gjithë ata që mendojnë se po shtypen, por unë nuk e kam instrumentin që të luftoj për një gjë që nuk e kam në dorë.

Haxhiu: Nuk më intereson kjo, unë po flas për diçka.

Kryemadhi: A, se mos del Ilir Meta nga burgu. Po unë nuk mund ta bojkotoj dhe Ilir Meta, babai i fëmijëve të mi të rrijë në burg. Nuk mund të jem unë shkaktare e gjithë kësaj.

Haxhiu: Pyetja ime është pse nuk je në kafaz?

Kryemadhi: O Baton e di ti që përveç Bujar Leskajt, asnjë deputet tjetër i PD-së nuk ishte në sallë?