Aktualitet
Flakët përpijnë magazinën në autostradën Durrës-Tiranë
Një zjarr i përmasave të mëdha ka përfshirë një magazinë përgjatë autostradës Durrës-Tiranë.
Flakët janë përhapur me shpejtësi në ambientet e magazinës, duke shkaktuar një situatë shqetësuese. Pas njoftimit, në vendngjarje kanë mbërritur forcat zjarrfikëse, të cilat po punojnë për vënien e flakëve nën kontroll.
Deri më tani nuk ka informacion të konfirmuar për shkaqet e zjarrit apo për dëmet e shkaktuara. Policia po punon për të zbardhur rrethanat e ngjarjes.