‘Boll patë krevatet e të tjerëve’/ Shpërthen Egla Ceno: Shikoni kush ju ka ulur pantallonat

Aktorja dhe regjisorja Egla Ceno ka reaguar për skandalin e videove intime të publikuara në rrjet, duke dënuar ashpër regjistrimin dhe shpërndarjen e materialeve private pa pëlqim.

Përmes një reagimi në rrjetet sociale, Ceno shprehet kundër asaj që e cilëson si poshtërim dhe dhunë publike ndaj grave të përfshira në këtë situatë. Ajo tregon se ka komunikuar privatisht me njërën prej tyre për t’i ofruar mbështetje dhe se vajza i ka shprehur shqetësimin për gjendjen e saj emocionale.

Aktorja ka kritikuar gjithashtu komentet në rrjetet sociale që, sipas saj, fajësojnë apo stigmatizojnë vajzat e ekranit për shkak të materialeve të publikuara. Ceno argumenton se fokusi duhet të jetë te personat që regjistrojnë dhe shpërndajnë materiale intime pa autorizim dhe te përgjegjësia që duhet të mbahet për këto veprime.

Në reagimin e saj, ajo ka ngritur edhe shqetësimin për problematika të tjera sociale dhe ekonomike, duke u bërë thirrje qytetarëve të mos fokusohen te jeta private e personave të tjerë, por te çështjet që prekin shoqërinë.