Politike
Celibashi përjashton PD edhe nga koalicioni, pas kërkesës së Alibeajt
Partia Demokratike nuk është lejuar që të regjistrohet në zgjedhjet e 14 majit as si koalicion. • Pasi e përjashtuan PD-në të regjistrohej në zgjedhje si parti, komisioneri zgjedhor Ilirjan Celibashi nuk ka pranuar që PD-ja të regjistrohet si parti brenda koalicionit ‘Bashkë Fitojmë’. • Ky vendim i Celibashit ka ardhur pas kërkesës së Enkelejd Alibeajt për të penguar PD-në të futet në zgjedhje. • Koalicioni ‘Bashkë Fitojmë’ është regjistruar në zgjedhjet e 14 majit vetëm me 3 parti nga 4 që ishin pjesë e tij. • Në mbledhjen e sotme Komisioni Qëndror i Zgjedhjeve ka vendosur se ky koalicion mund të regjistrohet vetëm më partitë Partia e Lirisë, Partia Uniteti për të Drejtat e Njeriut si dhe Partia Demokristiane. • Nga ana tjetër Celibashi, ka respektuar vendimin e KAS për regjistrimin e PD-së së Alibeajt në zgjedhjet e 14 majit. • Po ashtu në mbledhjen e sotme është regjistruar për zgjedhjet e 14 majit dhe koalicioni “Aleanca Liberale e Djathtë”.
Celibashi respekton vendimin e KAS: PD e Alibeajt regjistohet në zgjedhje
TIRANË- Kryekomisioneri Ilirjan Celibashi ka respektuar vendimin e KAS për regjstrimin e Partisë Demokratike të Enkelejd Alibeajt. Por ky vendim u kundërshtua nga përfaqësuesi i Partisë së Lirisë Altin Kaziaj, i cili tha se vendimi i KAS do të ankimohet dhe duhet pritur vendimi i Kolegjit. Por kërkesa nuk u pranua nga Komisioneri Shtetëror.
“Ky vendim i KAS ngelet thjesht dhe vetëm teknikisht për tu zbatuar nga komisioneri Shtetëror. Është akti i një organi të parashikuar nga ligji për të vendosur për çështje të tilla. Për sa kohë ky organ ka vendosur regjistrimin si subjekt zgjedhor të PD-së, ngelet vetëm zbatimi i këtij vendimi. Vendos regjistrimin e PD-së me nënkryetar Enkelejd Alibeaj, në cilësinë e kryetarit të komanduar të PD-së për zgjedhjet e 14 majit”, tha Celibashi.
Celibashi: Regjistrohet koalicioni ‘Bashkë Fitojmë’ vetëm me 3 parti, Berisha jashtë
TIRANË- Komisioni Qëndror i Zgjedhjeve ka regjistruar koalicionin ‘Bashkë Fitojmë’ në zgjedhjet e 14 majit vetëm me 3 parti. Gjatë mbledhjes së KQZ-së, kryekomisioneri Ilirjan Celibashi ka deklaruar se pjesë e këtij koalicioni do të jenë partitë Partia e Lirisë, Partia Uniteti për të Drejtat e Njeriut si dhe Partia Demokristiane. Ndërkohë që jashtë është lënë Partia Demokratike e Shqipërisë. Celibashi u shpreh se PD-ja nuk ka shprehur vullnet për tu bërë pjesë e këtij koalicioni dhe se sigla PD-së së Berishës nuk mund të jetë pjesë e koalicionit “Bashkë fitojmë”.
Celibashi: Ajo që thotë përfaqësuesi i PD-së që nuk kemi bërë asnjë marrëveshje…
Kaziaj: Ju që thoni ‘përfaqësuesi i PD’ ende nuk e keni regjistruar PD-në në zgjedhje.
Celibashi: Indrit Sefa përfaqëson PD-në në KQZ. Prej gati 1 viti është përfaqësuesi i PD-së dhe sa kohë nuk ka një dokument që provon të kundërtën, vazhdon të jetë përfaqësuesi i PD-së në KQZ. Mungon vullneti i PD-së për të qenë pjesë e këtij koalicioni. E njëjta situatë ka qenë edhe në shkurt 2022. Në konkluzion dhe në analizë të të gjithë çfarë përmenda do regjistrojmë koalicionin “Bashkë Fitojmë” me 3 parti, PL, PBDNJ dhe PDK.
‘Bashkë Fitojmë’ në zgjedhje, Indrit Sefa: I paligjshëm, PD nuk ka koalicion. Kaziaj: Partia nuk është regjistruar
TIRANË- Regjistrimi i koalicionit ‘Bashkë Fitojmë’ në zgjedhjet e 14 majit ka sjell debate më mbledhjen e Komisionit Qëndror të Zgjedhjeve. Kjo pasi përfaqësuesi i Partisë Demokratike në KQZ, Indrit Sefa ka deklaruar se kjo pari nuk ka bërë asnjë koalicion me asnjë parti, por është përdorur logoja pa të drejtë. Nga ana tjetër, në emër të koalicionit “Bashkë fitojmë”, Altin Kaziaj, u shpreh se vendimi i KAS-it do të apelohet brenda pesë ditëve dhe se PD-ja e Alibeajt ende nuk është e regjistruar zyrtarisht në KQZ.
Altin Kaziaj: Kemi paraqitur kërkesën sipas asaj që është parashikuar në kod. Kërkesa mban të gjitha kërkesat e nevojshme për regjistrimin e koalicionit. Kërkojmë regjistrimin e koalicionit “Bashkë fitojmë”.
Indrit Sefa: Partia Demokratike nuk ka bërë asnjë koalicion. Është përdorur emri, karakteristikat dhe logo e Partisë Demokratike nga persona të paautorizuar dhe të palegjitimuar. Komisioneri duhet të konstatojë se kjo marrëveshje është bërë në mashtrim të ligjit dhe në mashtrim të zgjedhësve. Nuk e di kush është personi që i është drejtuar KQZ-së. Komisioneri ka të gjitha detyrimet ligjore për të marrë masa dhe për të vënë në vend këtë shkelje të dispozitave ligjore. Kërkesa duhet rrëzuar për sa kohë që marrëveshja është një dokument i domosdoshëm për regjistrimin në KQZ.
Altin Kaziaj: Kodi Zgjedhor flet për marrëveshje të dy a më shumë partive. Me shumë respekt për ju zoti Komisioner, të vazhdojmë më tej me kërkesën tonë.
Indrit Sefa: Nëse lexoni vendimin e KAS-it thotë që “vendimi hyn në fuqi menjëherë”. Unë jam përfaqësues i përhershëm i PD-së pranë KQZ-së. PD nuk ka bërë asnjë marrëveshje për lidhjen e koalicionit zgjedhor dhe nuk ka depozituar asnjë marrëveshje të tillë. Subjektet që kanë firmosur në emër të PD-së, nuk janë përfaqësues të Partisë Demokratike.
KQZ merr vendimin: Koalicioni “Aleanca Liberale e Djathtë” regjistrohet në zgjedhjet e 14 majit
TIRANË- Komisioni Qëndror i Zgjedhjeve ka regjistruar koalicionin “Aleanca Liberale e Djathtë” për zgjedhjet e 14 Majit. Koalicioni i përbërë nga tre parti, Partia Balli Kombëtar Demokrat, Bashkimi Liberal Demokrat dhe Partia Bashkimi Demokrat do të drejtohet nga Partia Balli Kombëtar Demokrat dhe do të ketë siglën ALD. Kryekomisioneri Ilirjan Celibashit gjatë mbledhjes së sotme ka deklaruar se kërkesa për regjistrimin e këtij koalicioni është në përputhje me Kolegjin Zgjedhor.
“Kërkesa është në përputhje me parashikimin e Kolegjit Zgjedhor. Në momentin që paraqitet kërkesa për regjistrimin e një koalicioni, e vetmja dispozitë që e rregullon është neni 65 i Kodit Zgjedhor dhe sipas tij, mundet të regjistrohen në KQZ si koalicion. Pra i vetmi kusht është që partitë që janë pjesë e koalicionit të jenë pjesë e KQZ dhe meqenëse këto parti janë të regjisatruara si subjekte zgjedhore për t’u regjistruar si koalicion dhe nga vlerësimi që i bëjmë, kërkesa është në përputhje me parashikimet e KQZ ndaj vendosim që ta regjistrojmë koalicionin “Aleanca Liberale e Djathtë”, tha Celibashi.
Politike
Kryesia e Partisë së Lirisë zgjedh dy Sekretarë dhe tre Kryetarë Komisionesh (EMRAT)
Në mbledhjen e sotme, Kryesia Politike e Partisë së Lirisë, ka zgjedhur dy Sekretarë dhe tre Kryetarë Komisionesh.
Përmes një njoftimi, PL bën me dije me qëllim vënien sa më parë në jetë të 5 prioriteteve për 4 milionë shqiptarë plus, në funksion të forcimit të mëtejshëm të strukturave, të hapjes së pandalshme dhe zgjerimit të mbështetjes qytetare, zgjodhi sot:
- Znj.Florida Ymeri – Kryetare e Komisionit për Shëndetësinë
- Znj.Silvana Bajrami – Kryetare e Komisionit për Bujqësinë
- Z. Fllohe Gojka – Sekretar për Sipërmarrjen
- Znj. Myrvete Asqeri – Sekretare Politike për Qarkun e Gjirokastrës
- Z. Besnik Jakaj – Sekretar për Diasporën
Politike
Kallëzimi i ri në SPAK/ Këlliçi: Veliaj ngriti skemën më të sofistikuar të vjedhjes
Anëtari i Kryesisë në Partinë Demokratike, Belind Këlliçi ka treguar detaje më të qarta në lidhje me kallëzimin e tij të ri në SPAK për lidhjet e Erion Veliajt me Ndranghetan.
Këlliçi tha se Veliaj ka marrë në dorë biznesin dhe dhe monopolin e përpunimit të e riciklimit të mbetjeve dhe e ka bashkëlidhur me Intergrated Energy, pa pyetur këshillin bashkiak
“Veliaj mori monopolin pa konkurs, pa prokurorim publik të riciklimit, dhe kjo është shkelje ligjore e hapur. Ka probleme me tokën, problem që e kemi adresuar në padi. Ka një shkelje tjetër të këshillit bashkiak sepse mesa duket kur Erion Veliaj është shpallur kryetar bashkie ka menduar se është zgjedhur edhe kryetar i këshillit bashkiak. Për çdo vendimmarrje që prek dhe tokën dhe truallin që zhvillohet kjo vendimmarrje do i duhej ti kishte marrë dakortësinë e këshillit të tij bashkiak. Të gjitha këto zbardhje janë depozituar në SPAK si një padi e re. Ne i kem i treguar me fakte dhe me kronoligji SPAK-ut të gjithë kronologjinë sesi Erion Veliaj ka marrë në fillim biznesin dhe monopolin e përpunimit të e riciklimit të mbetjeve dhe e ka bashkëlidhur me Intergrated Energy, vet me vendimmarrjet e tij personale.”
Këlliçi bëri me dije se nesër në një komunikim për shtyp do të tregojë në një panoramë më të qartë kallëzimin e tij në SPAK për Erion Veliajn
“Nesër do të kem një komunikim zyrtar për shtyp nga selia e partisë demokratike ku do të japë aq të dhëna sa edhe publiku të kuptojë këtë padi të re, në një farë mënyre tja zbërthejë. Në një farë mënyre kemi të bëjmë me një skemë shumë të sofistikuar vjedhjeje sepse kjo që ka ndodhur me inceneratorin e Tiranës është një skemë që filloi në Elbasan vazhdoi në Fier dhe erdhi në Tiranë, por nuk përfundon këtu. Kanë shkuar në Zimbabve, në Maltë, në Vienë, në Hungari, kanë shkuar në Nju Xhersi. Kanë ngritur skemën më të sofistikuar të vjedhjes në Shqipëri në historinë e shtetit shqiptar. “, tha Kellici per Syri tv.
Politike
Nga pasuritë natyrore te ushqimi e verërat, Rama ndan artikullin e “National Geographic” për Shqipërinë
Kryeministri Edi Rama ka shpërndarë në faqen e tij në “Facebook” shkrimin e “National Geographic”, e cila përshkruan me perlat që ofron peizazhi turistik i Shqipërisë.
“National Geographic” ka zbuluar në artikullin e saj pasuritë natyrore që ofron Shqipëria, duke theksuar mes tyre Vjosën, Beratin dhe Kanionet e Osumit.
“Shqipëria në artikullin e “National Geographic” zbulohet përmes përvojave të jashtëzakonshme të rafting në zemrën blu të Europës – Vjosën – për të shkuar në Beratin pasuri e UNESCO-s dhe drejt kanioneve madhështore të Osumit falë punës fantastike të “Albanian Rafting Group”, në një udhëtim me aromën e verërave nga varietetet autoktone shqiptare dhe ushqimin e shijuar pranë barinjve në peizazhet e paprekura bukolike”, shkroi Rama në Facebook.
Politike
PL mbledh Kryesinë/ Meta: Qëllimi ynë, të çlirojmë administratën nga korrupsioni
Presidenti i Partisë së Lirisë, Ilir Meta, gjatë fjalës së tij në mbledhjen e Kryesisë sot, është ndalur te 5 prioritetet e kësaj force politike, duke thënë se ka shpërthyer një krijimtari e paparë për t’i bërë sa më të prekshme për qytetarët.
“Kënaqësi të zhvillojmë këtë mbledhje të dytë në zbatim të vendimeve të Konventës së PL-së. Ka shpërthyer një krijimtari e paparë për të bërë të prekshëm secilin prej 5 prioriteteve që ka të bëjë me sigurinë e të ardhmen e të gjithëve në këtë vend.
Të gjithë e dimë se dhe bebeja porsa lind, nuk ka vetëm atë 50 mijë lekëshin, por ka 4 mijë e 600 euro nga Rilindja për të paguar, që është dyfishi para se të vinte Rilindja në pushtet”, tha Meta.
Kreu i PL foli dhe për nepotizimin, duke thënë se 500 raste janë të dogana dhe tatime, duke e cilësuar situatën si “katastrofë”.
“Qëllimi final i programit tonë, Shqipëria fuqi eksportuese. Në mënyrë që ne të mbështetim në gjithçka, të çlirojmë administratën nga korrupsion e sidomos nga nepotizmi. 500 raste nepotizmi në dogana e tatime. Mendojeni se çfarë katastrofe është, sesi vidhen miliarda euro. Në mënyrë që të investohet fuqishëm për kualifikimin e fuqisë punëtore dhe përjashtimin e mjeteve e prodhimit nga detyrimet fiskale, pra gjithçka për ta kthyer vendin në fuqi eksportuese”, tha Meta.
Politike
“Drejtësia e kapur nga qeveria”/ Gjokutaj: Irena Gjoka ka pasur mbrojtje të fortë politike
Avokati Genc Gjokutaj, ka komentuar ditën e sotme zhvillimet e fundit që kanë prekur drejtësinë për gjyqtaren Irena Gjoka, e cila akuzohet se është dënuar në Greqi për falsifikim dokumentash.
Gjokutaj është shprehur se drejtësia është kapur nga qeveria ndërsa shtoi se gjyqtarja Gjoka ka pasur një mbrojtje të fort politike pasi në dorë ka pasur çështjet e Berishës dhe Belerit.
“Këtu të gjitha institucionet që kishin për detyrë të kontrollonin figurën e gjyqtares Gjoka kanë korrupsion moral hallkat e një zinxhiri të kapura fort nga qeveria pasi nuk ka arsyetim që përballë fakteve që kemi parashtruar të mos veprohet. Drejtuesja e GJKKO është trupa elitë e drejtësisë dhe të përfshihet nga ky skandal i madh nuk është parë as në kohën e diktaturës. Ne kemi bërë kallëzim ndaj gjyqtares Irena Gjoka ka qene në një mbrojtje të hekurt pavarësisht fakteve dhe provave që e bëjnë përgjegjëse penale vetëm se ka pasur në dorë çështjen e Berishës dhe Belerit. Të gjitha gjyqet e opozitës që kjo gjyqtare i ka marrë përsipër pasi ka pasur një mbrojte të fortë pasi nis edo të kishte deklaruar këto shkelje që ka bërë nuk do të ishte pjesë e drejtësisë. Ajo është futur në sistem me mision të qartë”,- tha Gjokutaj.
-
Pinknews12 hours ago
“S’të nxorra unë finalist, ishte vendim i Vëllait të Madh” / Eglës i shpëton goja, ia thotë troç Romeos
-
Pinknews8 hours ago
Hapet KUTIA E PANDORËS/ Cili banor do bëjë kthesën e madhe në lojë?
-
Pinknews12 hours ago
Vetëvrasja e nënës me 3 fëmijët në lumin Bunë, Luiz Ejlli reagon pas ngjarjes së rëndë
-
Aktualitet13 hours ago
“Mesazhe ofenduese dhe tradhti”/ Çfarë u gjet në celularin e Erdgys Arrazit?
-
Aktualitet13 hours ago
Gjetja e katër trupave të nënës me fëmijët/ Agjencia Kombëtare e Mbrojtjes Civile jep detaje nga operacioni
-
Politike12 hours ago
Këshilli Europian miraton Planin e Rritjes për Ballkanin Perëndimor/ Rama: Jemi plotësisht të përgatitur
-
Bota19 hours ago
Moska bën paralajmërimin e fortë: Do godasim objektivat ushtarake britanike nëse…
-
Aktualitet12 hours ago
‘Motra u tërbua kur pa videon e të dashurës 18-vjeçare’/ Trondit vëllai i Alma Arrazit