Eli Fara rrëfen për jetën e saj private, ndarja nga ish-bashkëshorti dhe sakrificat që e kanë bërë më të fortë.

Këngëtarja e njohur Eli Fara ka rrëfyer më tepër rreth jetës së saj private në të shkuarën. E ftuar së fundmi në rubrikën “Tani mund të këndosh” tek E Diela Shqiptare ajo tregoi për ndarjen nga ish-bashkëshorti dhe sakrificat që është përballur në jetë.

‘’Realisht ka qenë me debate sepse brenda meje fillova të hap sytë për çfarë kisha bërë dhe në të njëjtën kohë prisja shumë edhe nga pala tjetër që të ndërgjegjësohej, prisja shumë nga ai. Kemi pasur debate të shumta siç mund të ketë çdo çift. Nuk ishin të këndshme shumë raste dhe ato raste shpesh më çonin në mendimin që nëse nuk do shkonte, unë do ndahesha edhe pse isha bërë me fëmijë.

Jo ka ato kujtimet e veta nga fëmijëria. Gjyqet vazhduan goxha nja 1 vit e gjysmë dhe mbasi u bënë të gjitha përpjekjet dhe për të ulur dënimin, derisa u dha dënimi i fundit dhe e përcaktuan dhe burgun ku do vuante dënimin, atje kam shkuar me vajzën dhe i kam thënë që unë do të bëj ndarjen. Nuk ka pasur ndonjë kundërshtim dhe unë kam parë jetën time. Vazhdoja punën si mësuese në fshat, vajzën e kisha në çerdhe, kisha probleme financiare sepse mora dhe një apartament’’ është shprehur këngëtarja.