Shkrime
Fantazmat që riktheu Samiti europian i Tiranës
Nga Ylli Pata
Ka nisur tashmë, e do të vijojë edhe nesër debate politik për impaktin e Samitit të Berlinit në Tiranë, ku për të dytën herë brenda dy vitesh, krerët e Europës vijnë në kryeqytetin shqiptar. Edhe sikur të ketë vetëm aspekt ceremonial apo protokollar, Shqipëria nuk humb asgjë, përkundrazi fiton pikë jo thjesht në politikën e saj të jashtme e të integrimit europian, por edhe në siguri, imazh-i cili është direkt një pikë e madhe për industrinë e turizmit dhe e mikpritjes, që siç u pan ë verë po po përjeton një rritje galopante. Pra një impakt direkt ekonomi. Shto këtu edhe angazhimin publik që u shpall nga “kryeministrja” e BE-së, Ursula Von der Leyen për të dyfishuar ekonominë e Shqipërisë për një periudhë 2 vjeçare nëpërmjet mbështetjes financiare për projektet infrastrukturore të mëdha. Gjithsesi, impakti më direkt e që do të ketë padyshim pasoja të rëndësishme është ai politik. PD e Bashës e ka përshëndetur politikisht zhvillimin e samitit të Tiranës, ku përfaqësues të saj kanë folur edhe në skeletet e tij, siç është rasti i Jorida Tabakut në takimin e Parlamenteve në fundjavë, apo prezenca e Majlinda Bregut, e cila prej dy mandatesh drejton një strukturë të rëndësishme të Bashkimit Europian, siç është Regional Coorperation Council, një organizatë ndërqeveritare me zyrat qendrore në Sarajevë. Një prezencë sa më e madhe e aktiviteteve institucionale të BE-së në Tiranë, institucionalizon gjithnjë e më shumë politikën shqiptare në standarde e debate më me logjikë, edhe pse shpesh të mërzitshme. Megjithatë, ky samit, ka sjellë disa sinjale që nuk dihet pse nuk kanë hasur qasjen e opinionit publik, por që duket nuk kanë qenë fare rastësi. Janë nga ato sinjale që nëse vihen re me kujdes, kanë peshën e tyre të rëndësishme, pikërisht në logjikën që BE synon t’i japë vendeve si Shqipëria, të cilat jo thjesht janë të vogla e me rëndësi relative, por që marrin e kanë marrë prej vitesh miliarda euro nga BE dhe vendet anëtare. E në këtë prizëm, nuk është aspak rastësi që BE, pra krerët e saj Von der Leyen e Josep Borrell, risollën në Tiranë për të përgatitur samitin e Berlinit, një ambasador që e kishte mbyllur mandatin, madje edhe ishte caktuar me një detyrë të lartë në Bruksel. Bëhet fjalë për Luigi Soreca-n, ish-prokurorin e antimafia-s italiane, por që tashmë ka një përvojë më të gjatë si diplomat i BE-së. Soreca u soll për të zëvendësuar Christiane Hohmannin, e cila u thirr nga ministria e Jashtme për një detyrë paralele. Mund të ishin gjetur edhe diplomatë të tjerë, por duket se Soreca, u soll si një symbol politik i vendimit të BE-së për t’i vënë notë pozitive në sjellje Tiranës, pasi ajo kreu një detyrë të rëndësishme të BE-së, reformën në drejtësi. E Luigi Soreca është një nga simbolet e kësaj “detyre shtëpie”, jo thjesht si ish-prokuror i antimafia-s, por sepse është një nga personat që ka vuajtur më shumë egërsinë e rezistencës së reformës në Tiranë. Ku e kanë sulmuar me të gjitha mjetet, deeri edhe nga kreu i shtetit, duke e kërcënuar me video erotike. Pikërisht për këtë, Brukseli e solli në Tiranë, si “fantazëm” për të treguar se gjërat e rënda, atje nuk harrohen. E mbani mend Federica Mogherinin? Një tjetër italiane, që kur nisi reforma në drejtësi ishte Shefe e diplomacisë së BE-së, e enturazhi i Sali Berishës dhe Ilir Metën e quajtën një terroriste palestineze dhe trafikante droge së bashku me Edi Ramën. E pra Mogherini erdhi në Tiranë, si titullare e Kolegjit të Lartë Europian që hapi degën e saj në Tiranë. Po nuk ka mbaruar me kaq, erdhi edhe ajo, kroatja që solli madje edhe prokurorin që arrestoi Ivo Sanaderin në Tiranë. Romana Vlahutin, e cila u kthye në një mankth politik për dyshen anti “Ramaformë” siç e quajnë reformën në drejtësi Berisha e Rama. Vlahutin, erdhi në Tiranë për Samitin, si nëj zyrtare e një organizmi amerikan, Fondin Marshall, i cili selinë e ka në VVashington. Natyrisht që nuk pati as fanfare, e as daulle, por ambasadorja Romana Vlahutin, e dha atë që duhet të thoshte. “Prej miqve dhe disa kolegëve më është treguar se kreu i ri i SPAK është duke bërë një punë të mirë. Më në fund fara e mbjellë e Reformës në Drejtësi disa vite më parë po bëhet realitet dhe po kthehet në diçka që njerëzit e shikojnë dhe ata mund të dëshmojnë se e gjitha ajo përpjekje ishte për një arsye të mire”.
Shkrime
Beogradi dhe Prishtina mirëpresin zbutje në kufi
Profesori amerikan Daniel Serwer, i cili njeh mjaftë mirë zhvillimet në rajon dhe procesin e dialogut në mes Kosovës dhe Serbisë ka shkruar rreth takimit të lamtumirës në Uashington në mes të dy emisarëve, Gabriel Escobar dhe Miroslav Lajcak.
Serwer ka thënë se të dy janë diplomatë me përvojë që e njohin mirë rajonin dhe që kanë bashkëpunuar pa shumë fërkime. Ai kujtoi se një prej çështjeve ku ka pasur mospajtim ka qenë Ballkani i Hapur, me SHBA-në që ka pasur qëndrim përkrahës ndërkohë që BE-ja e ka konsideruar si të panevojshëm dhe dyfishim i Procesit të Berlinit.
Serwer shkruan se megjithatë Escobar dhe Lajcak nuk arritën të prodhonin normalizim politik në mes të Kosovës dhe Serbisë, synim ky që ishte prioritet i tyre kryesor.
Profesori amerikan u shpreh se të dy e kishin nisur keq dhe përfunduan edhe më keq.
“Ata i premtuan Beogradit se do kenë prioritet krijimin e Asociacionit të Komunave me shumicë serbe brenda Kosovës. Përfunduan pa përparim të rëndësishëm në atë prioritet të gabuar” – ka theksuar Serwer.
Profesori amerikan duke rikujtuar gjithë ngjarjet që kanë ndodhur përgjatë këtyre tri viteve potencoi se politika ndërkombëtare ka nevojë për një rivendosje. Sipas tij, është e qartë që politika perëndimore ndaj Serbisë nuk është duke funksionuar dhe se Uashingtoni e Berlini s’janë duke bërë shumë mirë në Kosovë.
“Prishtina ka refuzuar të lëvizë drejt Asociacionit, megjithë “pasojat” e kushtueshme evropiane dhe denoncimet e ashpra amerikane. Vetëm nëse Beogradi zbaton dispozitat e tjera të marrëveshjes së Brukselit të vitit 2013, Prishtina do të përgjigjet në mënyrë të njëjtë. Vuçiç nuk është në gjendje ta bëjë këtë” – ka shkruar profesori amerikan.
Sipas tij, suksesi në negociata kërkon ndryshim të politikës. Serwer tha se dialogu për çështje teknike në të kaluarën ka qenë më i suksesshëm, duke qenë se ishte fokusuar në çështje që prodhonin përfitime të dukshme për qytetarët e të dy shtete…………………………….
“Pavarësisht zbatimit të ndotur, rezultatet ishin thelbësore. Edhe sot, Prishtina dhe Beogradi kanë bërë më mirë me çështje praktike si targat dhe dokumentet e identitetit, sesa me normalizimin politik”, potencoi profesori amerikan duke theksuar se kjo është rruga e duhur për të ardhmen, duke qenë se normalizimi politik duket shumë larg.
“Serbia nuk do të jetë e interesuar të dorëzojë pretendimet e saj për sovranitet në Kosovë derisa lufta në Ukrainë t’i japë fund aneksimeve ruse atje. Kosova nuk do të jetë e interesuar për formimin e Asociacionit derisa të ketë besim se Serbia pranon sovranitetin dhe integritetin e saj territorial. Por si Beogradi ashtu edhe Prishtina mund të mirëpresin zbutje përmes kufijve të tyre të ndërsjellë dhe duke mundësuar më shumë tregti të ligjshme”- ka deklaruar Daniel Serwer.
Shkrime
Sebastian Zonja: Llafet e Ramës dhe projektet e Vuçiçit
Një shpjegim i shkurtër për vizitën e liderit kinez Shi Xhinping në Hungari dhe Serbi:
Një ndër projektet e mëdha që po financon Kina është Rruga e Mëndafshit. Duke ndërtuar hekurudha, porte dhe autostrada, gjiganti aziatik synon të vijë në zemër të tregut të madh evropian, Berlinit. Një nga rrugët në këtë pjesën tonë të Evropës është me anë të Danubit. Rruga ujore Danub -Moravë – Vardar – Deti Egje faktorizon Serbinë dhe Hungarinë, sepse të dy nuk kanë dalje në det.
Serbët e kanë si projekt gati. Ndërtimi i rrugës ujore të lundrueshme nga Danubi në Selanik konkuron me itinerarin Danub, Deti i Zi deri në detin Egje, teksa transporti lumor ka më shumë përparësi ndaj atij hekurudhor dhe rrugor, sepse ul kostot dhe ka avantazhe të mëdha në ngarkim dhe shkarkim, magazinim dhe mirëmbajtje të llojeve të ndryshme të mallrave si dhe sigurinë e tyre në tranzit. Po të lidhet me rrjetin evropian të kanaleve ujore dhe arterien Rin – Main – Danub, kanali Moravë – Vardar do të sjellë faktorizim të Serbisë dhe Hungarisë si dhe rritje të madhe të përfitimit ekonomik të Evropës Lindore dhe Perëndimore me fokus Greqinë, Serbinë dhe Hungarinë.
Nëse do të kishte sadopak strategji, qeveria shqiptare do të kishte përfunduar ndërtimin e Korridorit 8, autostradës dhe hekurudhës deri më Nish dhe portin e madh të Durrësit. Të gjitha këto janë konform strategjisë evropiane dhe amerikane që e cilësojnë Kinën kundërshtar tregtar. Faktorizimi i portit të Durrësit vjen si konkurencë me portin e Pireut në Greqi që kanë blerë kinezët. Me anë të autostradës dhe hekurudhës deri më Nish dhe më tej, çelësin në dorë për tregtinë ballkanike do të kishte Tirana, ndaj Serbia dhe Hungaria do detyroheshin të dilnin nga Durrësi, jo nga Greqia. Vendi ynë do të fitonte peshë të re gjeostrategjike në rajon. Kroacia, strategjikisht është pro një projekti të këtillë. BE-ja po ashtu. Amerikanët kanë dhënë sinjale pozitive. Ndërkohë, të gjitha këto mbeten në letër sepse kemi pasur kryeministër Sali Berishën dhe sot kemi Edi Ramën.
Shkrime
Valvula e sigurisë për Kosovën, nga Shqiprim Pula
Shkrime
Analizë: A po e humb Perëndimi betejën me Kinën për zemrën e Serbisë?
Vizita e presidentit kinez Xi Jinping në Serbi këtë javë nxorri në rrugë një numër të madh njerëzish që mbanin flamujt serbë dhe kinezë dhe thekson miqësinë e “çeliktë” të të dy vendeve. Në Perëndim, kjo ngriti shumë pikëpyetje për rolin e ardhshëm të Serbisë në Evropë.
Analistët thonë se ky ishte pikërisht qëllimi. Në një kohë rivaliteti global midis Pekinit dhe Uashingtonit, mesazhet që Presidenti Xi dha në Beograd dukeshin se synonin një audiencë shumë më të gjerë.
Presidenti Xi dhe presidenti serb Aleksandar Vuçiç nënshkruan një sërë marrëveshjesh dypalëshe të mërkurën. Ato u nënshkruan në 25 vjetorin e bombardimit të NATO-s ndaj ambasadës Kineze në Beograd në vitin 1999 për të ndaluar spastrimin etnik të shqiptarëve në Kosovë. Shtetet e Bashkuara kërkuan falje për këtë veprim, duke e quajtur atë “një gabim”.
David Shullman, ekspert mbi Kinën në Këshillin Atlantik me bazë në Uashington, i tha Zërit të Amerikës se mbërritja e Presidentit Xi në Beograd në këtë përvjetor kishte për qëllim dërgimin e një mesazhi më të gjerë në kontekstin e luftës në Ukrainë: se Kina nuk është një “nxitëse e luftës” si Shtetet e Bashkuara dhe NATO-ja.
“Ekziston një bindje në sistemin kinez se kjo është një pikë me rëndësi që lidh Kinën dhe Serbinë. Kjo përshtatet edhe me mesazhin që Kina ka dhënë për NATO-n dhe Shtetet e Bashkuara”.
Paul McCarthy, drejtor për Evropën në Institutin Ndërkombëtar Republikan në Uashington, bie dakord se koha e vizitës së Presidentit Xi nuk ishte një rastësi.
“Unë mendoj se e gjithë vizita e Presidentit Xi në Evropë u organizua rreth 25 vjetorit të bombardimeve të NATO-s”, thotë ai. “Kjo ishte një mundësi e rëndësishme që kinezët të mos e humbisnin dhe që thekson pozicionin e Serbisë dhe mosmarrëveshjen strategjike me Perëndimin prej 25 vjetësh.
Presidentët Xi dhe Vuçiç nënshkruan një deklaratë për “të ardhmen e përbashkët” të të dy vendeve, të cilën presidenti serb e përshkroi si një nivel mbi Partneritetin Strategjik Gjithëpërfshirës për të cilën të dy vendet ranë dakord në vitin 2016.
Sipas analistit të Këshillit Atlantik, Shullman – Presidenti Xi ka përdorur shpesh fjalinë “e ardhmja e përbashkët” për të treguar se ai dëshiron një ekuilibër të ri të fuqisë në botë.
“Historia e kësaj të ardhmeje të përbashkët është se Kina dëshiron të krijojë një rend global që është më pak i udhëhequr nga Shtetet e Bashkuara, që është shumëpolar, një rend ndërkombëtar më ‘demokratik’ – siç shprehen kinezët”, tha ai.
“Në thelb, është një rend botëror që nuk udhëhiqet më nga Shtetet e Bashkuara dhe në të cilin Kina luan një rol më domethënës”, thotë zoti Shullman.
Ai shton: “Fakti që flitet për Serbinë si vendi i parë evropian që do të jetë pjesë e këtij komuniteti dhe ‘të ardhmen e përbashkët’, kjo tregon se për udhëheqësit kinezë, veçanërisht Presidentin Xi, Serbia ka një rëndësi të madhe … si partner ekonomik dhe si një vend kandidat për në BE”.
Për më tepër, vizita e Presidentit Xi në Serbi i tregoi Uashingtonit se Kina ka partnerë të besueshëm në Evropë dhe se Shtetet e Bashkuara “nuk do të jenë në gjendje ta mbajnë Evropën në tërësi në anën e saj”.
Kina zotëron miniera dhe fabrika në të gjithë Serbinë dhe ka ofruar financime me vlerë prej miliarda dollarësh për rrugë, ura dhe objekte të ndryshme, duke u bërë partneri kryesor i Serbisë në zhvillimin e infrastrukturës shumë të nevojshme.
Megjithatë, disa ekspertë thonë se e ardhmja e bashkëpunimit midis Beogradit dhe Pekinit është e pasigurt, duke pasur parasysh marrëdhëniet e ndërlikuara midis Shteteve të Bashkuara dhe Kinës.
Vuk Vuksanoviç, studiues në Qendrën e Beogradit për Politikat e Sigurisë, i tha Zërit të Amerikës se zgjerimi i bashkëpunimit midis Serbisë dhe Kinës nga një partneritet strategjik në nivelin e “ndërtimit të një komuniteti të Serbisë dhe Kinës me një të ardhme të përbashkët” është pak më shumë se një lojë diplomatike që i përshtatet të dyja qeverive momentalisht.
Ai shtoi se marrëdhënia e ardhshme varet shumë më tepër nga Pekini sesa nga Beogradi.
“Marrëveshja e mëparshme e partneritetit strategjik ishte një deklaratë e përbashkët e vitit 2009 që kishte retorikë të ngrohtë, por në fakt nuk solli ndonjë transformim monumental të marrëdhënieve”, tha ai.
“Kështu ishte deri në kohën kur Kina tregoi interes më të madh për Ballkanin për shkak të Iniciativës “Një brez, një rrugë”, një strategji masive e zhvillimit të infrastrukturës globale e udhëhequr nga Kina. Unë mendoj se pyetja kryesore për Shtetet e Bashkuara do të jetë nëse ky bashkëpunim do të përfshijë ndonjë projekt madhor në fushën e mbrojtjes dhe teknologjisë së lartë”.
Zoti McCarthy nga Instituti Republikan Ndërkombëtar thotë se është e paqartë se si marrëveshjet midis Serbisë dhe Kinës dhe planet për një “të ardhme të përbashkët” do të ndikojnë në marrëdhëniet e Serbisë me Perëndimin.
Megjithatë, vë në dukje ai, një marrëveshje e tregtisë së lirë midis Kinës dhe Serbisë që hyn në fuqi në korrik “e kthen Serbinë më shumë drejt Lindjes”, duke ngritur pyetjen se “sa serioze është Serbia në rrugën e saj evropiane”.
Ai shton se “nga këndvështrimi i Uashingtonit, ata mund të ndihen sikur po humbasin betejën për zemrën e Serbisë”.
Shkrime
Inceneratori i Gent Sejkos në Bankën e Shqipërisë dhe opozita që si rruhet fare
Nga Klodian Tomorri
Shikoni ca vendi eshte ky.
Cohen dy mashtrues, me historik problematik te faktuar dhe marrin nje licence ne Banken e Shqiperise. Me kete licencen ngrene nje skeme kombetare mashtrimi.
Skema eshte njesoj si inceneratori, identik. Beri qeveria, incenerator? Beri dhe Banka e Shqiperise inceneratorin e vet. Por me nje ndryshim. Ai i qeverise vidhte leket e buxhetit. Ky inceneratori i Bankes se Shqiperise, vjedh direkt leket dhe pronat e qytetareve.
Publikohen raste me kartela te tjetersuara pronesie. Opozita prape hic.
Ngaqe ujrat e zeza jane bere kavalete, institucionet fillojne ping pongun per t’i ngecur fajin njera tjetres. Ministria e Drejtesise i thote Bankes se Shqiperise nderhyr ti se po behet masaker. Banka e Shqiperise thote, une vetem licencoj, bej rregulla dhe mbikqyr, por nuk kam pergjegjesi kur ata qe licencoj une vjedhin.
Zakonisht keta, keto lloj prapesirash i fshehin. Fakti qe po mundohen ti ngecin fajin njeri tjetrit tani do te thote se zarari i bere eshte shume i madh. Por opozita prape nuk do t’ia dije hic.
Tani, shkon ministri i drejtesise ne Parlament. E dini kush e ngre problemin e skemes se mashtrimit? Damian Gjiknuri.
Nje deputet i maxhorances, i cili e di qe skema ka prekur dhe qytetaret e zones se vete elektorale. Ndersa opozites nuk i rruhet fare. Po fare.
Hajde shpjegoje ti tani ca lloj vendi eshte ketu.
Ne 100 mije veta te prekur, mos te tentosh te marresh asnje vote!!!! Varja qe te mbrosh miletin se kjo eshte bere luks. Por bej lufte te marresh dy vota te pakten.
-
Kronike12 hours ago
E FUNDIT/ Të shtëna me armë zjarri në Shkodër, dyshohet për të…
-
Pinknews10 hours ago
Sfidojnë Romeon? Një helikopter sipër ‘BBV’ suprizon me trëndafila blu këtë banor
-
Pinknews12 hours ago
“Ti mendon se do të lutem?”/ Egla acaron Romeon, ja çfarë i mori
-
Aktualitet9 hours ago
Bombardohet Konsullata Shqiptare në Ukrainë, qeveria interesohet për provat
-
Horoskopi23 hours ago
Sjellja juaj kundrejt partnerit do lere shume për te dëshiruar gjate kësaj dite
-
Pinknews8 hours ago
Fotot e Besa Kokëdhimës në Eurovision pushtojnë rrjetin, fustani i nxjerr zbuluar pjesën intime
-
Pinknews14 hours ago
E vërteta e flirtit të Erjolës dhe Romeos/ Çfarë ka ndodhur mes dy kolegëve në koridoret e ‘Top Channel’
-
Shkrime19 hours ago
Sebastian Zonja: Llafet e Ramës dhe projektet e Vuçiçit