Kamaleoni Rama me 3500 muxhahedinë në Manzë e ka vënë vendin në shenjestër të Iranit

Diplomati Agim Nesho tha se vendimi i kryeministrit Edi Rama për të dëbuar ambasadorin iranian, si dhe politika e tij konfrontuese dhe “aventuriste” në marrëdhëniet ndërkombëtare, kanë ekspozuar Shqipërinë ndaj një regjimi të dëshpëruar dhe të paparashikueshëm.

Nesho paralajmëroi se prania e 3,500 anëtarëve të opozitës iraniane në vend, kombinuar me qëndrimet kameleoniste të Ramës, mund të vendosë Shqipërinë në shënjestër të sulmeve diplomatike, kibernetike dhe të tjera, duke rritur rrezikun për sigurinë kombëtare dhe stabilitetin e vendit.

Diplomati nënvizoi se regjimi iranian aktualisht po lufton për mbijetesë, i goditur nga pakënaqësia popullore dhe protestat e brendshme, duke e bërë veprimtarinë e tij edhe më të paparashikueshme dhe të rrezikshme për vendet që guxojnë të kundërshtojnë interesat e tij.

Nesho theksoi se politika e jashtme e Shqipërisë duhet të jetë e matur dhe e qëndrueshme, për të mos e ekspozuar vendin ndaj kërcënimeve të panevojshme.

Pjesë nga deklarata:

Duhet të themi që dihet se plani i Iranit ishte për të ndëshkuar vendet e Gjirit, duke ditur se kjo do të sensibilizonte Shtetet e Bashkuara të Amerikës, për shkak të presionit që do vinte nga këto vende dhe për arsye të burimeve të mëdha energjitike, të cilat Trumpi i ka patur gjithmonë në konsideratë. Ai e ka vonuar këtë sulm, ashtu siç dje komentonte New York Times, për arsye se kishte frikë nga rritja e inflacionit në vendin e tij, nga papunësia që mund të vinte nga ngritja e çmimit të naftës, e të tjera. Por kjo mori siguri nga vendet e Gjirit, dhe në këtë kuptim Irani e kupton që do të bëhet i rëndësishëm për të arritur një marrëveshje, sepse është në një moment të dobësisë së tij.

Janë goditur të gjitha, domethënë sajtet ushtarake të prodhimit të raketave, të prodhimit të energjisë atomike për raketat dhe të bazave logjistike të ushtrisë. Analizat e fundit, po, Jordani dhe Omani, tregojnë se Irani është në përpjekje si një “deri i goditur”, i vënë në qoshe dhe tani do të bëjë luftë për ekzistencë. Ndryshe nga të tjerët, regjimi teokratik ka ushtruar gjithmonë presion ideologjik ndaj një mase të madhe që e përkrah, dhe tani këta janë të dëshpëruar në luftën për jetën e tyre.

Së dyti, ne akoma nuk dimë se cila organizatë do të tentojë të krijojë një alternativë të besueshme brenda Iranit, dhe situata atje është shumë e tensionuar. BBC-ja dhe Fox News raportojnë se rreth 25,000 persona janë vrarë vetëm në demonstratat e fundit, ndërsa 50,000 përfshinin të gjithë gazetarët kryesorë. Çdo familje në Iran ka të afërm që kanë marrë pjesë në këto protesta, duke e bërë situatën të krahasueshme me rëniet e diktaturave të Europës Lindore.

Drejtimi i regjimit, i cili mund të quhet diktatorial, po shfaqet më shumë çdo ditë. Shqipëria është e rrezikuar për shkak të aventurizmit politik të Edi Ramës. Ai është i vetmi vend në botë që ka hequr ambasadorin për akte të ngjashme, ndërsa vende të tjera si Franca dhe Austria kanë marrë masa diplomatike ndaj diplomatëve të padëshiruar. Kjo aventurë e bëri Shqipërinë protagonist, duke synuar të shërbejë ndërkombëtarëve në mënyra spektakolare, por rrezikon sigurinë e vendit.

Shqipëria ka marrë 3,500 persona si refugjatë, siç ka bërë me afganët dhe të tjerët, duke ndihmuar për Lindjen e Mesme. Trumpi ishte përgatitur që kampet të siguronte për aleatët europianë, gjë që është gjithmonë një mënyrë për të shpëtuar interesat e tij.

Së fundi, një vit ose dy më parë, lideri i Iranit ka kërcënuar Shqipërinë me emër, duke theksuar rrezikshmërinë e veprimeve të vendit tonë. Shqipëria ndodhet brenda rrezes së veprimit të Iranit, ndërsa politika kameleoniste e Edi Ramës nuk siguron mbrojtjen e shqiptarëve. Ai ndryshon qëndrimet sipas rastit: herë bën thirrje ndaj Europës për të mos përfshirë SHBA-në, herë i kërkon asaj të ndjekë modelin e tij, ndërsa Gardën Kombëtare e paraqet si strukturë kriminale që duhet penalizuar. Ky aventurizëm mbetet shkaku kryesor që Iranit mund t’i japë mundësi të veprojë edhe ndaj Shqipërisë.