Një shqiptar me iniciale E.K tentoi ti jepte ryshfet zyrtari të Drejtorisë së Policisë në Mal të Zi. Por Prokurori i shtetit në Prokurorinë Themelore të Shtetit në Nikshiq në Mal të Zi ka dorëzuar aktakuzë në Gjykatën Themelore në atë qytet kundër shtetasi shqiptar për veprën penale.

“Nga provat e grumbulluara në zbulim dhe hetim, ekziston dyshimi i bazuar se më 6 prill 2024 në Nikshiq, E.K i ka dhënë ryshfet një zyrtari të Drejtorisë së Policisë – Departamentit të Sigurisë Nikshiq që të mos kryejë vepër zyrtare – nxjerrjen e Urdhër kundërvajtje nga për shkeljen e kryer”, thotë prokuroria.

Qytetarët e Maqedonisë së Veriut sot votuan për të zgjedhur presidentin e ardhshëm të vendit.

Kutitë e votimit, të cilat u hapën në orën 7:00 u mbyllën zyrtarisht në orën 19:00 për t’i hapur rrugën nisjes së procesit të numërimit të votave.

Të drejtë vote kishin 1.814.317 persona ndërsa deri në or£n 17:00 u raportua një pjesëmarrje rreth 43% në procesin zgjedhor, rreth 6% më shumë se në vitin 2019.

Në garë janë 7 kandidatë mes tyre dy me origjinë shqiptare, Bujar Osmani dhe Arben Taravari, ndërsa pritet që rezultatet të shpallen rreth mesnatës.

Presidenti i Republikës Srpska Milorad Dodik tha se populli serb “kurrë nuk do të pajtohet me narrativën e Sarajevës politike dhe një pjesë të komunitetit ndërkombëtar rreth gjenocidit të supozuar në Srebrenicë”.

Ai deklaroi nga Shën Petersburgu, teksa ndodhet per një vizitë në Rusi, se shtytja e rezolutës për Srebrenicën në Asamblenë e Përgjithshme të OKB-së “po e shtyn Bosnjën dhe Hercegovinën drejt një ndarjeje paqësore”.

“Është gënjeshtër e neveritshme se rezoluta do përshpejtojë pajtimin. Është sajesë që tregon qëllime propagandistike dhe asgjë tjetër. Kërkojmë vetëm që të respektohet letra e Dejtonit dhe letra e Kushtetutës” – deklaroi Dodik dhe vuri në dukje se “Republika Srpska nuk do pranojë shkeljet e vazhdueshme të rregulloreve”.

“Ju pëlqen apo jo, situate do të ndryshojë në mënyrë dramatike pas 2 majit. Në marrëdhëniet tona të ndërsjella do të jetë Muri i Madh Kinez. Ne nuk duam të ndajmë ajër me boshnjakët, e lëre më vlera të tjera.” –  deklaroi Dodik.

Teksa presidenti serb, Aleksandër Vuçiç ka paralajmëruar, si shumë herë më parë, se ‘Serbinë e presin ditë të vështira’, dhe se ‘Perëndimi po kërcënon drejtpërdrejt interesat jetike kombëtare të Serbisë’, Ivana Stradner, nga Fondacioni për Mbrojtjen e Demokracisë në Washington, ka thënë se “dita më interesante do të jetë 5 maji, kur Dodik dhe Vuçiç do  përgatisin një event për të shpallur zyrtarisht ‘Botën Serbe’, ku të gjithë serbët do të jetojnë në të njëjtin kuadër kulturor të quajtur, njëjtë si fjalimi i Millosheviçit në vitin 1989.

Sipas Stradner, pas deklarimit të presidentit serb, shumë njerëz u trembën, duke menduar se do ishte ndonjë provokim lufte, pasi Ballkani sot është kthyer në vatër të teorive konspiracioniste që po i mbjell Moska për të shkaktuar edhe më shumë kaos.

Teoria më e zakonshme që po qarkullon, theksoi Stradner, është se deklarata e Vuçiçit lidhet me vendimin e Përfaqësuesit të Lartë gjerman në Bosnje dhe Hercegovinë, Christian Shmit, për ndryshimin e ligjit zgjedhor

Brukseli i ka vënë Beogradit një dilemë: Ose ndaloni pengimin e futjes së Kosovës në organizatat kryesore ndërkombëtare ose aspiratat e Serbisë për në BE do të ngrihen

“Rruga e Serbisë drejt anëtarësimit në BE tani varet nga pëlqimi i saj i heshtur për anëtarësimin e Kosovës në organizatat ndërkombëtare, si OKB-ja dhe Këshilli i Europës” – komentoi mediumi ndërkombëtar Euronews.

Ministrat e Punëve të Jashtme të BE-së të mbledhur në Luksemburg më 22 prill ranë dakord te ndryshojnë një pjesë kyçe të dokumentit në lidhje me negociatat e Serbisë për t’u bashkuar me BE-në, i njohur si Kapitulli 35.

Ndryshimi do të thotë se Brukseli do ngrijë procesin e pranimit të Serbisë në bllok nëse nuk zbaton një nga marrëveshjet për normalizimin e marrëdhënieve të saj me Kosovën.

Kushti kryesor që Serbia duhet të përmbushë është se ajo duhet të ndalojë pengimin e përpjekjeve të Kosovës për t’u bashkuar me organizatat kryesore ndërkombëtare.

Kosova ka ndërmarrë hapa diplomatikë për t’u anëtarësuar në OKB, Këshillin e Europës, BE dhe NATO që nga shpallja e pavarësisë nga Serbia në vitin 2008.

Nga ana tjetër, Beogradi e kundërshton pavarësinë e Kosovës. Si anëtare e OKB-së, ajo ka frikë se pranimi i anëtarësimit të Kosovës në këto institucione do ta njohë në mënyrë implicite shtetësinë e saj.

Me arritjen e situatës në ngërç, ministrat e jashtëm të BE-së e shtuan të ashtuquajturën marrëveshje e Ohrit në Kapitullin 35, e cila synon t’i “normalizojë” marrëdhëniet e trazuara pothuajse prej dekadash mes  Serbisë dhe Kosovës.

Kjo marrëveshje e arritur ndërmjet Brukselit, Serbisë dhe Kosovës njohu autoritetin qeverisës të institucioneve kosovare.

Kjo është arsyeja pse ministrat e jashtëm të BE-së kanë vendosur dispozita në marrëveshjen e Ohrit, klauzola detyruese për Serbinë, si një lloj standardi “merre ose lëre”.

Serbia jo vetëm që do të duhet ta shmangë pengimin e aspiratave të Kosovës për t’u anëtarësuar në organizatat ndërkombëtare, por do t’i duhet te njohë edhe dokumentet zyrtare administrative të lëshuara nga administrata kosovare, si targat dhe pasaportat me simbolet shtetërore të Kosovës.

Çështje të tilla janë kundërshtuar sistematikisht nga qeveria serbe që nga lufta e vitit 1999 me NATO-n që imponoi ndarjen e Kosovës.

Kushtet e krijuara më 22 prill nga BE-ja krijojnë një bashkim pjesësh figura politike për Beogradin duke vënë lidershipin e tij politik dhe gjithë shoqërinë serbe përpara një dileme torturuese: ose të fillojë një proces të ngadalshëm dhe progresiv të njohjes së Kosovës ose duhet të harrojë ndonjë shpresë afatmesme për anëtarësim në BE.

Serbia deri më tani ka shmangur çdo hap që mund të identifikohet si njohje de facto e shtetësisë së Kosovës……….

Më 21 prill, serbët që jetojnë në Kosovë kryesisht, hoqën dorë nga një referendum i thirrur nga administrata kosovare, sipas qeverisë së Kosovës, për te zgjidhur çështjen e kryetarëve të komunave në komunat me shumicë serbe të Kosovës.

Çështja ka qenë në pritje që nga nëntori i vitit 2022, kur policët serbë, kryetarët e komunave dhe gjyqtarët e veriut të Kosovës dhanë dorëheqjen për të protestuar për atë që ata pretenduan se ishte “shkelje” e marrëveshjeve të ndërmjetësuara nga BE-ja nga autoritetet kosovare.

Kosova pretendon se Lsita Srpska është udhëzuar drejtpërdrejt nga Beogradi, veçanërisht nga presidenti nacionalist-konservator serb Vuçiç lidhur me bojkotin.

“Ne nuk duam që pjesa veriore e vendit tonë të shndërrohet në një lloj Republika Srpska” – ka deklaruar kryeministri i Kosovës Albin Kurti, duke iu referuar entitetit autonom serb në Bosnjë e Hercegovinë.

Kosova, sipas tij, nuk mund te pranojë një administratë të integruar dhe autonome serbe brenda territorit të saj përgjatë kufirit me Serbinë, teksa kjo e fundit nuk e njeh pavarësinë e saj.

Ndërkohë, serbët kanë frikë se duke i ndërprerë lidhjet me atdheun, mund të bëhen qytetarë të dorës së dytë në një vend që do t’i diskriminojë.