Prokuroria e Hagës kërkon 45 vite burg/ Bosch: Absurde, nuk ka prova për dënimin e Thaçit dhe të tjerët

Ish-ambasadori i Holandës në Kosovë, Robert Bosch e ka cilësuar si absurde kërkesën e Prokurorisë për dënim me burgim nga 45 vjet për 4 ish-krerët eUshtrisë Çlirimtare të Kosovës.
Ai tha se nuk ka prova që argumentojnë pretendimet e Hages për krime lufte ndaj Hashim Thaçit, Kadri Veselit, Rexhep Selimit e Jakup Krasniqit, dhe theksoi se pret nga trupi gjykues qe ti shpallë të pafajshëm dhe t’i lirojë në mungesë provash.
“Kjo është absurde sepse është e barabartë me dënim të përjetshëm. Nëse qëndrojnë 45 vite brenda ne burg, ata nuk do te mbijetojnë dot, do të vdesin në qeli. Pra është dënim i përjetshëm. Edhe nëse UÇK-ja do të ishte organizatë kriminale dhe Thaçi do të ishte kreu e do të jepte udhëzime – gjë që është provuar se nuk është e vërtetë – përsëri 45 vite është shumë. Sidoqoftë, unë duhet t’u besoj gjykatësve. Ajo që i frikësohem është se, nëse gjykatësit e bëjnë punën e tyre siç duhet (i lirojnë), prokuroria mund të apelojë vendimin, që do të thotë se procesi do të vazhdojë edhe për vite e vite të tëra” – theksoi ish-ambasadori i Holandës në Kosovë.