Lifestyle

8 këshilla se si të menaxhosh një miqësi të re

Tetë rregulla për të mbajtur dhe kultivuar një miqësi të re të shëndetshme, argëtuese dhe për të shmangur rrezikun që shoqja e re të bëhet kërcënimi kryesor për stabilitetin tënd psikik

Po e teprojmë dhe po bëjmë pak shaka, por jo shumë. Sepse e dimë që të gjitha miqësitë, janë një arkë pandore, ku gjen pak nga të gjitha dhe ku zhvillohen ndjenja dhe sjellje që nuk kanë asgjë të fisme.

Në fund të fundit mes femrave, ndjenja e rivalitetit nuk shmanget lehtë, ndonjëherë as në miqësitë e vjetra e jo më te të rejat. Flasim për rastet e rralla të vjedhjes së partnerit, por edhe sjellje më pak të rëndësishme që të mërzisin.

Një miqësi e re, gjithsesi, mund të sjellë shumë gjëra të mira, mjafton të dish ta menaxhosh dhe ta mbash në shinat e duhura. Nuk po flasim për miqësi të vërteta dhe të thella që u rezistojnë kohërave.

Ja disa rregulla, për të mundur të menaxhosh një miqësi të re dhe për të shmangur që të kthehet në një barrë, sidomos për të ditur të thuash mjaft kur nuk po funksionon.

1. Kurrë mos ia prezanto të dashurin një shoqeje të re nëse të ka thëndë diçka të tipit: “Sa zili të kam për historinë që ke, e ke fiks siç do e doja unë…” Shmang që ajo të ketë një marrëdhënie si jotja, me ishin tënd.

2. Mos u hap shumë. Mos fol për problemet e tua vetëm sepse keni dalë një mbrëmje bashkë ngaqë të dyja nuk kishit me çfarë të merreshti dhe nuk ju rrihej në shtëpi. Nesër është një ditë e re dhe afërsia e një mbrëmjeje mund të të kthehet në një boomerang në vendin e punës, në shkollë, apo në palestër.

3. Mos ia zbulo pasiguritë e tua. Nëse miqësia nuk do vazhdonte siç do doje, të gjitha ato që ke thënë do regjistrohen dhe katalogohen në trurin e ish-mikeshës potenciale dhe do të përdoren kundër teje. E sigurt…

4. Mos i trego vendet e tua sekrete ku bën blerje. Të gjitha kemi një apo dy vende që të gjithë na i kanë zili, ku gjejmë veshje dhe aksesorë që nuk i ka asnjë nga shoqet tona. Mos bjerë në tundimin për të qenë një shoqe e mirë duke i treguar sekretin tënd të vogël, nëse nuk do që ta shohësh të veshur si ty, me rrezikun që asaj t’i rrinë rrobat më mirë dhe që koleget dhe mikeshat t’jua vënë në dukje. Një detaj krejt vanitoz, por e dimë që disa prej jush e kanë të rëndësishëm.

5. Vendos menjëherë distancat. Ka mikesha që, që nga dita e parë mund të jetojnë në simbiozë, ose të paktën e provojnë. Bëji të kuptojë që kufirin mes jetës publike dhe asaj private e ke të përcaktuar qartë…

6. Mos e fut menjëherë në rrethin e mikeshave të vërteta. Nëse do bëhet një mikeshë e denjë për këtë emër nuk do kishte problem, por ta fusësh një të saponjohur në një rreth të rëndësishëm mikeshash mund të jetë e rrezikshme ndonjëherë. Ajo që ke treguar deri tani kujdes të ruash për veten, mund të rrëzohet në një mbrëmje të këndshme mes mikeshash.

7. Kurrë mos shko me pushime me një mikeshë të re vetëm sepse keni ngelur të dyja vetëm. Ka vajza që kanë vepruar kështu dhe që do kishin dashur të ktheheshin mbrapsht nëse do mundeshin, por udhëtimi ka qenë i parashikuar për dy javë. Ferri.

8. Ji e durueshme dhe e gatshme me mikeshën e re. Pas shumë këshillash që mendojnë anët negative, po e mbyllim me një pozitive. Një miqësi e re është një histori e re, duhet ta njohësh, ta kuptosh. Një miqësi nuk do bëhet kurrë e rëndësishme nëse nuk ekziston vullneti i duhur nga të dyja palët. Kur ta kuptosh që kjo predispozita për të qenë një miqësi e bukur, mund ta ulësh vigjilencën.

Një miqësi e vërtetë është gjëja më e bukur që mund të urohet. Thjesht duhet të jesh e kujdesshme.

Lifestyle

Pse duhet të konsumoni sa më shumë arra

Përfitimet shëndetësore të arrave janë mbresëlënëse. Ato kanë një mori lëndësh ushqyese, si yndyrna, omega-3, vitaminë E dhe magnez.

Disa nga arsyet pse duhet të hani arra rregullisht është sepse:

Arrat mund të ndihmojnë në uljen e presionit të gjakut.

Studimet kanë zbuluar se arrat janë në gjendje të ulin nivelin e kolesterolit.

Arrat mund të zvogëlojnë rrezikun e disa kancereve

Për shkak të shumë antioksidantëve dhe lëndëve ushqyese anti-inflamatore që gjenden te arrat, komuniteti shkencor ka zbuluar se arrat mund të zvogëlojnë rrezikun e disa llojeve të kancerit, duke përfshirë atë të gjirit, kolorektalin dhe prostatën.

Arrat mbështesin funksionin e mirë të trurit

Disa studime sugjerojnë se arrat janë të mira për trurin dhe kujtesën tuaj. Një studim zbuloi se arrat përmirësonin ndjeshëm aftësitë e të mësuarit, kujtesën dhe ankthin.

Arrat ju ndihmojnë të keni një plakje të shëndetshme

Arrat janë të mbushura me lëndë ushqyese të shëndetshme që përmirësojnë trurin tuaj dhe ju ndihmojnë të plakeni mirë.

Një studim vëzhgues i mbi 50,000 grave të moshuara tregoi se ato me dietat më të shëndetshme kishin një rrezik 13% më të ulët të problemeve shëndetësore dhe arrat ishin ndër ushqimet që dhanë kontributin më të fortë në një dietë të shëndetshme.

Lifestyle

Kjo është shenja më e zgjuar e Horoskopit

Ekzistojnë lloje të ndryshme të inteligjencës – disa janë të lindura, dhe disa i fitojmë gjatë jetës.

Disa njerëz instinktivisht dinë të reagojnë në situata të reja, dhe disa reagojnë bazuar në përvojat e kaluara. Këto janë të gjitha gjëra që përcaktojnë inteligjencën e dikujt, dhe ka faktorë të tjerë. Njëra prej tyre është astrologjia.

Çdo shenjë e zodiakut ka specifikat e veta dhe secila është e veçantë në diçka. Thuhet se Dashi është i pavarur, Akrepat janë besnikë dhe Virgjëreshat janë të organizuara.

Studiuesit britanikë u përpoqën të përcaktonin se cila ishte shenja më e zgjuar, dhe për ta bërë këtë, ata e bazuan kërkimin e tyre në numrin e çmimeve Nobel të dhëna që nga viti 1901.

Binjakët janë treguar të jenë shenja më e zgjuar e zodiakut.

Anëtarët e kësaj shenje morën 97 çmime Nobel në shekullin e kaluar, që është padyshim një arritje mbresëlënëse. Edhe pse mund të mos keni qenë nxënësi më i mirë në shkollën e mesme, tani mund të jetë koha për ta ndryshuar atë dhe për të përqafuar aftësitë tuaja.

Binjakët konsiderohen si shenja më e zgjuar sepse ata gjithmonë përpiqen të jenë më të mirët dhe u pëlqen të mësojnë gjëra të reja, shkruan Astrofame.

Kurioziteti i tyre natyror do të thotë që atyre u pëlqen të sfidojnë veten dhe të shkëlqejnë në gjithçka.

Lifestyle

Njerëzit inteligjentë e gjejnë më vështirë dashurinë e jetës

Njerëzit inteligjentë janë më analitikë kur është fjala për dashurinë. Kjo për shkak se njerëzit inteligjentë kanë tendenca të kenë parashikime më të mira sesa të tjerët.

Kur i përmendim ‘parashikimet’, fjala është për aftësinë e të analizuarit një situatë, të rikujtoni përvojat e kaluara relevante dhe t’i shikoni mundësitë adekuate për të ardhmen.

Nëse këtë mentalitet e aplikoni edhe në lidhje të dashurisë, njerëzit inteligjentë largohen më shpejt nga lidhja kur shfaqen shenjat e para të telasheve, transmeton Ekonomia Online. Pra, nëse përvoja është mësuesi më i mirë, atëherë njerëzit e mençur do të mbështeten në të për t’i marrë vendimet.

Inteligjentët “mbrohen”

Efekt tjetër anësorë i të mbështeturit në përvojë kur është fjala për dashurinë, është se inteligjentët kanë tendenca të mbrohen apo ruhen më shumë. Ata kanë më shumë problem të jenë më të hapur sepse truri i tyre analitik asnjëherë nuk ndalon së reflektuari në rrethanat e të kaluarës kur janë hapur me dikë tjetër dhe që janë lënduar nga ky proces.

Për këtë arsye, njerëzit tjerë mendojnë se personi është i ftohët – karakteristikë të cilën askush nuk e dëshiron te një partner.

Njerëzit inteligjentë duan vet të jenë beqarë

Njerëzit me inteligjencë të lartë mendojnë analitikisht, edhe kur vjen fjala për gjërat si lidhjet e dashurisë. Prandaj, njerëzit inteligjentë e kuptojnë se të qenit vetëm është më mirë sesa të qenit me personin e gabuar. Ky është vendim tejet i menduar dhe i arsyeshëm.

Pra, në esencë, njerëzit inteligjentë janë beqarë sepse duan të jenë beqarë.

Lifestyle

Pluhuri afrikan pritet të mbulojë Athinën dhe Kretën në Greqi

Autoritetet janë në alarm “të kuq” për shtatë ditët e ardhshme, pasi sipas parashikimeve të ekspertëve pritet të ketë një përqendrim të madh të pluhurit afrikan në atmosferë.

Nëse parashikimet vërtetohen, përqendrimi i pluhurit afrikan në atmosferë do të jetë veçanërisht i lartë dhe spitalet dhe autoritetet kompetente do të duhet të mobilizohen menjëherë, për grupet vulnerabël dhe qytetarët me probleme të frymëmarrjes.

Më konkretisht, nga dita e sotme, e premte, 17 maj, deri të enjten, 23 maj, pluhuri afrikan pritet të mbulojë vendin, ndërsa do të ketë edhe rritje të temperaturës.

Efektet do të intensifikohen gjatë fundjavës dhe do të zgjasin të paktën deri të enjten.

Deri më tani, ato pritet të tërhiqen gradualisht të premten.

Parashikimet tregojnë se zonat ku fenomeni do të jetë më intensiv janë Kreta dhe Athina.

Në këto dy zona pritet një përqendrim i lartë i pluhurit afrikan, por të dhënat e deritanishme nuk tregojnë se fenomeni do të ngjajë me pamjet e frikshme të ndodhura muajin e kaluar.

Efektet do të jenë më të dobëta në Peloponez, ndërsa Greqia e Veriut nuk duket të jetë prekur deri më tani.

Në të njëjtën kohë, në të njëjtat ditë merkuri do të rritet ndjeshëm dhe temperaturat do të lëvizin në kufijtë e valës së të nxehtit, por pa i tejkaluar ato.

Në Kretë temperaturat “do të arrijnë” deri në 35 gradë Celsius.

Harta tregon përqendrimet e vlerësuara të pluhurit pranë tokës për orët e mbrëmjes të së premtes 17/05 në të gjithë vendin, ndërsa grafikët e ngulitur paraqesin përqendrimet e pluhurit në lartësi në tre qytete të zgjedhura (Athinë, Kalamata, Heraklion).

Lifestyle

Gjërat për të cilat njerëzit ju gjykojnë më së shumti

Shoqëria sot përballet me një varg problemesh sociale e një ndër to është edhe paragjykimi. Madje, njerëzit shkojnë aq larg, duke bërë gjykime edhe për gjërat më të vogla që ndoshta ju nuk u kushtoni fare rëndësi.

Ngjyra e rrobave

“Psychology Today”, thotë se njerëzit gjykojnë në bazë të ngjyrave të rrobave tuaja. Nëse ju visheni më shumë me ngjyrë të zezë do të thotë se jeni person më serioz dhe më artistik, ndërsa personat që preferojnë ngjyrat si e kuqja, cilësohen më energjik dhe më të hapur.

Kafshimi i thonjve

Nga anketa të ndryshme është vërtetuar se personat të cilët hanë thonjtë e tyre ose lëvizin këmbët gjatë qëndrimit ulur janë më të stresuar.

Këpucët

Njerëzit kanë shkuar deri tek ky element. Psikologët kanë treguar se këpucët luajnë një rol të rëndësishëm në përshtypjen që njeriu krijon tek të tjerët. Për shembull, lloji i këpucëve tregon moshën, pjekurinë, personalitetin, gjininë, nivelin intelektual e gjëra të tjera.

Mënyra si ju i shtrëngoni duart

Për këtë mund të kemi dëgjuar edhe më parë. Shtrëngimi i duarve mund të tregojë vendosmëri, fuqi dhe guxim apo në anën tjetër, dobësi, frikë dhe vetë-dyshim.

Shkrimi juaj

Personat të cilët shkruajnë me shkronja të vogla janë më të ndrojtur dhe më të rezervuar përkundër personave që shkruajnë me shkronja të mëdha që mendohet të jenë më të hapur.