‘Po mundohemi…’/ Borrell: Incident me arrestimin e tre policëve

Përfaqësuesi i lartë i Bashkimit Evropian për politikë të jashtme, Josep Borrell, e ka quajtur arrestim kapjen e tre policëve të Kosovës nga forcat serbe brenda territorit të Kosovës të mërkurën.

Atje ka ndodhur një incident me arrestimin e tre policëve. Po mundohemi të kuptojmë çfarë ka ndodhur ekzaktësisht”, theksoi ai.

Në një deklaratë për media, të shpërndarë në faqen zyrtare të Bashkimit Europian, Borrel ka njoftuar se do t’i ftojë në një takim urgjent Kosovën dhe Serbinë javën e ardhshme në Bruksel.

Policia e Kosovës tha se mesditën e së mërkurës, tre policë kufitarë janë marrë gjatë një patrullimi në vendin e quajtur Tresave/Bare, në vijën kufitare në veri të Kosovës, në komunën e Leposaviqit.

Bëhet fjalë për Rifat Zekën, Beqir Sefin dhe Mustafa Shemin. Ata kanë publikuar foto dhe video ku shihen tre policët të çarmatosur të shtrirë në tokë, ndërsa më pas i marrin me makinat e tyre.