Connect with us

Bota

Fitoi 26 milionë në lotari dhe nuk i tregon familjes: Kam frikë se…

Një burrë në Kinë po e mban të fshehtë lotarinë fituese prej 219 milionë juanë (26 milionë £) nga gruaja dhe fëmija i tij, sepse ka frikë se ata do të bëhen dembelë.

Për të mbrojtur anonimitetin e tij, burri, i cili e identifikoi veten vetëm me pseudonimin ‘Mr Li’, u vesh me një kostum të verdhë të personazheve vizatimorë për të marrë fitimet e tij në zyrën e lotarisë në Nanning, në rajonin jugor të Guangxi.

‘Li’ tha se ishte i emocionuar për fitoren, por donte të fshihte identitetin e tij dhe ta mbante jackpot-in sekret nga gruaja dhe fëmija i tij.

Nuk i thashë gruas dhe fëmijës sime nga frika se ata do të ishin shumë të vetëkënaqur dhe nuk do të punonin shumë në të ardhmen.

‘Li’ bleu 40 bileta për shortin e lotarisë në dyqanin në Litang, një qytet në lindje të kryeqytetit rajonal të Nanning. Pasi kuptoi se mbante numrat fitues 2, 15, 19, 26, 27, 29 dhe 2, burri tha se mori një tren për në kryeqytetin e shtetit të premten më 21 tetor për të marrë fitimet e tij.

‘Li’ më pas qëndroi në një hotel gjatë fundjavës përpara se të merrte çmimin e tij të hënën.

Nuk dola nga hoteli sepse kisha frikë të dilja dhe të humbisja biletën e lotarisë.

Pas tatimeve ai mori 171.6 milionë juanë dhe i dhuroi 5 milionë juanë për bamirësi ndërsa tha se ende nuk kishte vendosur se çfarë të bënte me pjesën tjetër të pasurisë së tij të sapogjetur.

Bota

Athina paralajmëron aksion diplomatik për “provokimet nacionaliste” në Ballkan

Mbrëmjen e djeshme në versionin anglisht të gazetës konservatore greke, “Kathimerini” është shfaqur një editorial i shkurtër nën titullin: Roli i Perëndimit. Teksa vë në dukje faktin se aderimi në “familjen perëndimore” ka disa kërkesa specifike, drejtuesit e gazetës nënvizojnë se i takon liderëve europianë dhe të SHBA që: “të bëjnë këto terma të qartë për ata që ende peshkojnë në ujërat e turbullta të nacionalizmit të shekullit të shkuar”

Sipas të njëjtit editorial Ballkani mbetet një çështje që e shqetëson Perëndimin për faktin se ndodhet në kryqëzimin e një lufte në Europë.

Mesazhi shkon patjetër për Shkupin zyrtar dhe lodrat e presidentes së re që nuk pranon të përmendë emrin kushtetues të vendit të vet, që u korrektua pas Marrëveshjes së Prespës. Por nuk mund të mos ketë aty edhe një paralajmërim për Shqipërinë, që ka ngritur një Flamur nacionalizmi së fundmi duke provokuar diçka që nuk gjen shpjegim racional në marrëdhëniet mes dy vendeve.

A do të mundet Greqia të ngrejë një ndjeshmëri diplomatike në Perëndim për shqetësimet e veta me dy fqinjët e vet? Kjo mbetet ende për t’u parë, por nga një optikë strikt e taktikës, qëndrimet e presidentes maqedonase japin material që të dyja çështjet të bashkohen nën emëruesin e nacionalizmit për të kërkuar mandej shqyrtimin e tyre si çështje europiane.

Deri më tani çështja “Beleri” është cilësuar si dypalëshe nga Shqipëria dhe BE, por nëse ai fiton mandatin e europarlamentarit ndërkohë që është në burg, është e qartë se retorika e Athinës ka më shumë elementë në favor. Sikundër është e qartë se relacionet me Shkupin nuk mund të jenë dypalëshe për çështjen e emrit.
Continue Reading

Bota

Një burrë plagos me thikë disa kalimtarë, policia rrethon zonën, panik te qytetarët

Një burrë me thikë sulmoi kalimtarët në qytetin zviceran të Zoffingen të mërkurën.

Bëhet me dije se të paktën dy persona janë lënduar. Siç raportohet mes të plagosurve është dhe një grua shtatzënë, e cila ndodhet jashtë rrezikut për jetën. Gjithashtu raportohet se shkolla është evakuar si masë paraprake dhe fëmijët janë të gjithë të sigurt. Ndërkohë i dyshuari ndaj sulmit me thikë është arrestua.

Continue Reading

Bota

“Nuk ka asnjë justifikim për këtë krim”/ Reagon Putin për atentatin ndaj kryeministrit sllovak

Presidenti rus Vladimir Putin e përshkroi tentativën për vrasjen e kryeministrit sllovak Robert Fico mesditën e së mërkurës si një krim monstruoz. Gjithashtu Putin tha se e njeh kryeministrin sllovak si në njeri të guximshëm dhe me mendime të fuqishme dhe shpreson që këto cilësi ta ndihmojnë atë të mbijetojë në këtë situatë të vështirë.

“Nuk ka asnjë justifikim për këtë krim monstruoz. Unë e njoh Robert Fico-n si një njeri të guximshëm dhe me mendim të fuqishëm. Shpresoj shumë që këto cilësi do ta ndihmojnë atë të mbijetojë në këtë situatë të vështirë”, tha Putin.

Kryeministri sllovak Robert Fico ka rënë pre e një atentati ditën e sotme në Bratislavë. Gjithsej ishin 5 të shtëna që u qëlluan drejt tij, nga të cilat tre janë raportuar se e kanë kapur. Fico momentalisht ndodhet në duart e mjekëve në gjendje të rëndë shëndetësore.

Continue Reading

Bota

Hapi zjarr drejt kryeministrit Fico, autori identifikohet si shkrimtari i njohur sllovak

Një shkrimtar 71-vjeçar sllovak i quajtur Juraj Tsintula është, sipas mediave sllovake, njeriu që tentoi të vriste kryeministrin Robert Fico në qytetin Hadlova mesditën e së mërkurës.

Sipas informacioneve, Tsintula ka bërtitur në drejtim të Ficos teksa ky i fundit po bisedonte me mbështetësit e tij dhe kur i është afruar, ka hapur zjarr.

Të njëjtat burime thonë se 71-vjeçari është një nga themeluesit e klubit letrar DÚHA, në vitin 2005. Deri në vitin 2016 ka qenë kryetar i klubit dhe ka shkruar tre përmbledhje me poezi.

Që nga viti 2015 është anëtar i Shoqatës së Shkrimtarëve Sllovakë. Sipas informacioneve, në vitin 2016 ai punonte si shofer në një qendër tregtare në Levice, vendlindja e tij.

Continue Reading

Bota

Atentati/ Presidenti i zgjedhur sllovak: I tmerruar nga sulmi ndaj kryeministrit Fico

Presidenti i zgjedhur sllovak Peter Pellegrini thotë se është i tmerruar nga atentati ndaj kryeministrit. Pellegrini tha se ishte i tmerruar kur dëgjoi se Fico ishte shënjestra e një atentati.

” Unë jam i tmerruar se ku mund të çojë urrejtja për një opinion tjetër politik. Ne nuk duhet të pajtohemi me gjithçka, por ka shumë mënyra për të shprehur mosmarrëveshjen tuaj në mënyrë demokratike dhe ligjore,” tha ai.

Ai gjithashtu shtoi se mendimet e ndryshme politike duhet të shprehen në qendrat e votimit dhe jo me armë.

Continue Reading
Advertisement

TRENDING