Connect with us

Uncategorized

Fjala e Kryeministrit Edi Rama në nënshkrimin e Memorandumit të Bashkëpunimit Ekonomik mes Shqipërisë dhe SHBA-së

Mirëdita!
Kjo është një ditë e shënuar në marrëdhëniet e miqësisë së posaçme dhe të partneritetit të paçmueshëm me Shtetet e Bashkuara të Amerikës, që hap një kapitull të ri në rrugën e bashkëpunimit dhe të mbështetjes së SHBA-së për Shqipërinë.
Ne jemi thellësisht mirënjohës SHBA-së për mbështetjen e palëkundur që i kanë dhënë Shqipërisë që në ditën e parë të daljes nga errësira e komunizimt në rrugën e reformave dhe të përpjekjeve për të ndërtuar një shtet funksional demokratik dhe për të konsoliduar shtetin e së drejtës.
Ne i jemi mirënjohës Shteteve të Bashkuara për kontributin e tyre të paçmueshëm në rajonin tone, ku falë SHBA-së, në radhë të pare, sot jemi në  një realitet tërësisht të ndryshëm nga ai i jo shumë viteve më parë.
Sot flasim për bashkëpunim dhe për paqe të qëndrueshme, të gjithë rreth një tryeze, ndërkohë që deri dje dëgjoheshin vetëm bombat, krismat dhe klithmat e vuajtjeve të shumë popullsive, të ngërthyera në një konflikt të pafund.
Dhe unë dua ta falenderoj megjithë zemër Nënsekretarin për ardhjen e tij këtu, personalisht, për të kurorëzuar një proces të nisur dhe përgatitur falë përfshirjes së drejtëpërdrejtë dhe vendosmërisë e vullnetit të ambasadores, duke nëshkruar një marrëveshje, e cila fillon konkretizimin e atyre që janë pikat kyçe të Dokumentit të  Partneritetit Strategjik mes vendeve tona, nënshkruar pak vite më parë.
Po ashtu, pëmes Sekretarit, unë dëshiroj që edhe publikisht t’i përcjell Presidentit Trump urimin më të sinqertë për një shërim sa më të shpejtë dhe po ashtu të shpreh falenderimin për të, për administratën e tij, si dhe për vëmendjen dhe besnikërinë me të cilën Shtetet e Bashkuara e kanë shoqëruar Shqipërinë në këto vite, si dhe padyshim për një pikë kyçe në historine  këtij rajoni, që ishte  nënshkrimi i Marrëveshjes mes Serbisë dhe Kosovës, në Shtëpinë e Bardhë, jo thjeshtë si një konfirmim përfundimtar i një procesi të nisur më parë për bashkëpunim dhe normalizim të marrëdhënieve, në rrafshin e bashkëpunimit ekonomik, por edhe për shtysën e fortë që i dha një njohjeje të paimagjinueshme deri para këtij takimi, nga ana e Izraelit, të Kosovës, një njohje, e cila hap pa diskutim një perspektivë të re në procesin drejt njohjes përfundimtare të Kosovës.
Memorandumi që nënshkruajmë sot për Bashkëpunimin Ekonomik mes Shqipërisë dhe SHBA-së faktikisht do të ndikojë ndjeshëm në hapjen e nje kapitulli të ri për investimet e drejtëpërdrejta, jo vetëm amerikane, por në tërësi të huaja në Shqipëri. Do të rrisë eksportet shqiptare, duke përmirësuar ndjeshëm bilancin tregtar dhe do të fusë në rrugën përfundimtare të realizimit një ëndërr 50 vjeçare, që është ndërtimi i HEC-it të Skavicës. Gjë që e kthen Shqipërinë nga një vend i pasur në burime hidroenergjitike, por i varur në vijimësi nga moti dhe nga importi, në një vend sovran në aspektin e prodhimit të energjisë.
Memorandumi po ashtu do të nxisë – dhe e falenderoj Nënsekretarin për bisedën shumë interesante që kemi zhvilluar dhe për angazhimin e tij personal për të nxitur bizneset që të vazhdojnë në këtë proces, ku qeveria amerikane hedh hapin e parë, duke u futur vetë përmes këtij Memorandumi dhe duke u angazhuar vetë për të mbështetur me ekspertizësn e vet, me teknologjinë amerikane dhe patjetër për financimin, gjë për të cilën do të punojmë bashkërisht, – ndërtimin e  Skavicës, në mënyrë që të tjerët të vazhdojnë të ndjekin këtë shembull.
E kur thashë investimet amerikane dhe jo vetëm, kam parasysh impaktin e madh që do të ketë ky hap dhe hapa të tjerë që do të hidhen nga kompani amerikane, mbi kompani të tjera europiane apo përtej Europës nga vende mike.
Ne kemi të përcaktuar vijën tonë. Për ne, paraja që vjen për t’u investuar në Shqipëri nuk është një para që vlen njësoj, sikur vjen nga një vend mik, sikur vjen nga vende që nuk hynë ndër miqtë tanë më të preferuar dhe nuk janë aleatë strategjikë dhe partnerë strategjikë të Shqipërisë. Në këtë rast, ne jemi posaçërisht të kujdeshëm. Ndërkohë do të bëjmë çmos në vijim, siç kemi bërë deri më tani, që paraja që vjen nga vendet mike të mos ketë pengesa dhe të përkthehet në rritje ekonomike, të përkthehet në punësim, të përkthehet në përfitim reciprok.
Aspekti tjetër i rëndësihem është ajo çka Memorandimi ofron për të patur një udhërrëfyes në sektorë strategjikë. E këtu kam parasysh që nga burimet energjitike, tek infrastruktura e turizmit dhe energjia dhe posaçërisht kam parasysh konfirmimin e qëndrimit tonë të kahershëm që Shqipërisë dhe rajonit i duhet një qasje strategjike, për të patur një rrjet të sigurtë në procesin e kalimit në nivele të tjera të digjitalizmit dhe të transferimit të të dhënave.
Në këtë kontekst, unë dua t’i rikthehem letrës shumë dashamirëse që mora nga Presidenti Trump dhe dua të rikonfirmoj atë që kam thënë në mënyrë të përsëritur që Shqipëria e shikon rolin e saj në rajon, jo thjeshtë si një rol konstruktiv në ndërtimin e paqes dhe fuqizimin e dialogut, por si një rol proaktiv për rrugët e pastra të teknologjisë 5G.
Rrugët e pastra të teknologjisë 5G, në këndvështrimin tim janë rrugët e pastra për fëmijët tanë, për fëmijët e fëmijëve tanë dhe fëmijët e fëmijëve të fëmijëve tanë. Ne në asnjë mënyrë nuk mund të lejojmë që një ditë të bukur, fëmijët tanë të zgjohen e të jetë shumë vonë. E në këtë aspekt, ne jemi absolutisht të lumtur që nuk jemi vetëm dhe që jemi në krahun e atyre që janë miqtë tanë më besnikë dhe më të besueshëm dhe që nuk kanë për ne ndonjë nevojë që t’i detyrojë të jenë miqtë tanë, por shohin tek ne pikërisht atë që ne shohim tek ata; Partnerë të besueshëm dhe miq të mirë në ditë të vështira, siç thotë populli shqiptar.
Edhe një herë falënderime Zoti Nënsekretar për vizitën tuaj, sidomos në këtë kohë të vështirë, edhe pse më vjen mirë që kemi një gjë të përbashkët, shqiptarë e amerikanë, këto kohë, që në Europë e kemi të ndaluar të hymë. Ne kemi qenë mësuar me këtë, por fakti që ju kemi dhe ju tani, bashkë me ne, që nuk na lënë të shkojmë në Europë se kanë hall se u çojmë COVID-in, është kënaqësi e madhe që takohemi në Tiranë. Koha do ta tregojë që ky është vendi i duhur për të qenë sëbashku e nuk ka vend më të bukur se ky në mes të Europës. Kështu që shpresoj që ju ta ndjeni e ta prekni këtë gjë edhe vetë, siç jam i bindur, e ndjen dhe e prek ambasadorja çdo ditë, që nuk e vuan fare këtë izolim nga Europa këtu në mes të Shqipërisë. Ju faleminderit!
Advertisement
Click to comment

Leave a Reply

Your email address will not be published. Required fields are marked *

Uncategorized

Durrës, një 52 vjeçar prej 5 ditësh i humbur

Në Komisariatin e Policisë Durrës është bërë kallëzimi se një 52 vjecar me inicialet S.I rezulton prej 5 ditësh i humbur

Njoftimi i policisë

kallëzon shtetasi R. L., banues në Durrës, se më datë 16.08.2022, është larguar nga banesa kunati i tij, shtetasi S. I., 52 vjeç, i cili, sipas kallëzimit të shtetasit R. L. ka probleme të shëndetit mendor, dhe nuk është kthyer më. Vijon puna për gjetjen e tij.

Materialet i kaluan Prokurorisë, për veprime të mëtejshme.

Durrës/Vihen në pranga 3 shtetas, 2 prej tyre në kërkim, për vepra të ndryshme penale.

Specialistët për Hetimin e Krimeve të Komisariatit të Policisë Durrës ndaluan shtetasin M. M., 39 vjeç, banues në Sukth, Durrës, pasi Gjykata e Shkallës së Parë Tiranë e ka dënuar me 2 muaj burgim, për veprën penale “Dhuna në familje”.

Po nga këto struktura u ndalua shtetasi M. M., 27 vjeç, banues në Durrës, pasi Gjykata e Shkallës së Parë Tiranë, e ka dënuar me 1 muaj burgim, për veprën penale “Drejtimi i mjeteve në mënyrë të parregullt”.

Specialistët për Hetimin e Krimeve të Komisariatit të Policisë Shijak arrestuan në flagrancë shtetasin E. M., 34 vjeç, banues në Shijak, pasi u kap nga shërbimet e Policisë, në një lokal, në tentativë për të vjedhur portofolin e një shtetasi.

 

Continue Reading

Uncategorized

Mungesa e prodhimit çon në shtrenjtimin e vezës me 14%

Prej disa ditësh çmimi i vezës është rritur me rreth 14%. Në dyqanet e pakicës veza e hapur nga 22 lekë për kokërr që ishte po tregtohet 25 lekë për kokërr.

Çmimi i vezës ka tejkaluar pikun më të shtrenjtë që është shënuar në fund të muajit mars, ku për shkak të ngordhjes së pulave nga influenca aviare një kokërr vezë në dyqanet e pakicës arriti 24 lekë. Dyqanet ushqimore thonë se janë paralajmëruar nga furnitorët e tyre se çmimi i vezës pritet të arrijë në 40 lekë për kokërr, për shkak të mungesës së prodhimit.

Arsyet e rritjes së çmimit sipas ekspertëve të tregut janë mungesa e prodhimit për shkak të ngordhjes së pulave nga influenca aviare e muajit mars dhe pamundësisë financiare të operatorëve për të zëvendësuar pulat, si dhe të rritjes së çmimit të vezës së importit.

Edi Fero ekspert i menaxhimit blegtoral tha për “Monitor” se nga influenca aviare ngordhën 50% e shpendëve. “Dëmi i shkaktuar nga influenca është i dyfishtë në para edhe në kohë. Që të zëvendësohen krerët e ngordhur duhet një cikël 6 mujor. Kompanitë që pësuan dëmin ende nuk kanë dalë në treg me zogj të rinj. Për të përballuar kërkesën në këtë periudhë ka pasur import të lartë të vezëve kryesisht nga Serbia. Por edhe çmimi i vezës së importit është rritur. Për këto arsye çmimi i vezës ka shënuar sërish rritje në treg”, pohoi ai.

Për periudhën janar-qershor 2022 importet e vezëve arritën në shifra rekord. Rritja nisi në muajin mars ku shpendët u prekën nga influenca aviare, duke arritur pikun për muajt maj dhe qershor. Sipas të dhënave të doganave për periudhën janar-qershor importet e vezëve janë rreth 25 herë më të larta se e njëjta periudhë e 2021.

Në total në këtë periudhë janë importuar 380,7 mijë kg vezë nga 15,4 mijë kg vezë që u importuan vjet. Tendenca e lartë e importeve të vezëve është shënuar edhe në 2015. Në raport me këtë periudhë importet e janar-qershor 2022 janë rreth 2,5 herë më të larta.

Në këtë periudhë ka një boom kërkesash për këtë produkt ushqimor. Sipas ekspertit të menaxhimit blegtoral Edi Fero kërkesa është nxitur nga numri i lartë i dasmave të muajit gusht dhe nga fluksi i turizmit. “Deri në fund të muajit gusht kërkesa për vezë pritet të jetë e lartë”.

Sakaq operatorët pohuan se në muajin korrik nga fermat blegtorale çmimi i vezës me shumicë u ul 5%. Para valës së rritjes së çmimit të drithërave për shkak të luftës Rusi-Ukrainë, çmimi i vezës me shumicë ishte 13 lekë për kokërr.

Në mesin e muajit mars veza me shumicë nga fermat u shit me 18 lekë për kokërr (rritja 38%) nga 15 lekë për kokërr që ishte më parë, ndërsa në dyqanet e produkteve ushqimore çmimi i vezës arriti 19 lekë nga 17 lekë për kokërr që shitej më parë. Në fund të muajit mars çmimi i shitjes së vezës nga dyqanet e pakicës arriti në 24 lekë për kokërr. Arsyeja e shtrenjtimit të vezëve ishte mungesa e prodhimit ditor për shkak të ngordhjes të pulave nga influenca aviare./D.Azo

Continue Reading

Uncategorized

Chelsea refuzon të nënshkruajë me Wesley Fofana

Sipas informacioneve të TodoFichjes, Chelsea ka refuzuar përfundimisht t’i afrohet nënshkrimit me Wesley Fofana këtë verë.

Pavarësisht një marrëveshje me lojtari, tani për tani negociatat me Licesterin janë prishur totalisht.

“Dhelprat” aktualisht po kërkojnë një shifër afër 95 milion euro për të mbyllur marrëveshjen, një shumë që Londra e konsideron krejtësisht të tepruar.

Pavarësisht presionit që po ushtron lojtari, klubi nuk ka ndërmend të uli shifrën e kërkuar.

Kujtojmë që francezi rinovoi kontratën vetëm pak muaj më parë deri në vitin 2027

Continue Reading

Uncategorized

Plagosja e 45-vjeçarit në Kuçovë, u gjet nga kalimtarët

Detaje të reja kanë dalë në dritë nga atentati i djeshëm me armë në lagjen “1 Maji” në Kuçovë, ku mbeti i plagosur 46-vjeçari Admir Bejo.

Burimet policore bëjnë me dije se nga vëzhgimi i kamerave të sigurisë së bizneseve dhe banesave që ndodheshin në rrugën kryesore të lagjes “1 Maji”, është bërë e mundur zbulimi i kronologjisë së plagosjes.

Mësohet se plagosja e Bejos nuk ka lidhje me larje hesapesh për ngjarjen e ndodhur në vitin 2007, kur ai dhe vëllai i tij Ilija Bejo plagosën me armë duke dalë nga hyrja e pallatit dy vëllezërit Kundja.

Plagosja e djeshme ka ndodhur për motive të dobëta, pas një konflikti të çastit të Admir Bejos me një banor tjetër të lagjes “1 Maji”, që banonte shumë pranë banesës së tij, pikërisht 200 metër nga vendi ku Bejo u gjet i shtrirë nê rrugë.

 

 

Burimet policore konfirmojnë se konflikti mes Bejos dhe autorit ka ndodhur në banesës e këtij të fundit, ku pasi kanë debatuar me njëri-tjetrin komshiu i tij ka nxjerrë pistoletën dhe ka qëlluar 2 herë mbi 46-vjeçarin Admir Bejo.

Bejo ka bredhur me vrap për të dalë nga banesa e autorit dhe në dalje është qëlluar edhe dy herë të tjera po plumbat nuk e kanë zënë.

Pasi ka ecur disa mertra Bejo ka rënë në tokë, ku edhe është gjetur i shtrirë nga një kalimtar që ka njoftuar policinë.

Burimet policore bëjnë me dije se është identifikuar autori i plagosjes, shtetasi me inicialet E.R., 36 vjeç dhe po punohet për kapjen e tij, ndërkohë që emri i autorit nuk bëhet ende publik.

Policia konfirmon se nga kqyrja e vendit të ngjarjes janë gjetur 4 fishekë, të kalibrit 7.62 mm. Burime nga lagjia “1 Maji” ku ishte edhe zona ku kishte lindur i plagosuri konfirmojnë se Admir Bejo ishte përdorues i rregullt i lëndëve të forta narkotike dhe për këtë arsye mashtronte e u merrte lekë borxh njerëzve që njihte.

Sipas banorëve të lagjes, Bejo kishte degraduar dhe konfliktohet me këdo që i dilte para, edhe pa asnjë shkak.

Continue Reading

Uncategorized

Zhdukja e Ervis Martinajt, policia kthen sytë drejt…

Misteri i humbjes së kontakteve të Ervis Martinajt me familjen e tij ka vënë në vështirësi grupin e hetimit, pasi për herë të parë prokuroria ka çelur një hetim për rrëmbim personi, ndërkohë që 40-vjeçari ishte në kërkim ndërkombëtar mbi bazën e një urdhër arresti nga SPAK.

Prokuroria ka nisur përgjime e vëzhgime të personave që dyshohet se mund të kenë pasur kontakte me Martinaj.

Ndërkohë po ushtrohen kontrolle në disa vende që ka dyshime se Martinaj përdorte si baza për t’i shpëtuar policisë.

Hetuesit kanë kthyer sytë drejt Vlorës, qytet ku mendohet se Martinaj kishte lidhje dhe njohje të forta. Hetimet nisën pas kallëzimit të Faik Martinaj, xhaxhait të 40-vjeçarit të shumëkërkuar, i cili denoncoi humbjen e kontakteve me nipin dhe ngriti dyshime se mund t’i ketë ndodhur diçka e keqe për shkak të përplasjeve që ka me grupe kriminale që kanë interes ta eliminojnë.

Pistat e hetimit janë të hapura, nga njëra anë ka dyshime se ngjarja mund të jetë inskenuar nga vetë Martinaj për t’u shpëtuar kundërshtarëve dhe policisë, nga ana tjetër nuk rrezohen as dyshimet se mund të jenë përpara një ngjarje kriminale.

Continue Reading
Advertisement

TRENDING