HUAZIMI/ SPALLETI ZGJAT DOREN TE MAN.CITY, KERKON PERFORCIM PER JUVENTUSIN

Juventus-i pritet të rikthejë në janar interesimin për Rayan Ait-Nouri, mbrojtësin e majtë të Manchester City-t, të cilin tentoi ta afronte edhe gjatë merkatos së verës.

Algjeriani nuk është alternativa e vetme që klubi torinez po shqyrton për përforcimin e krahut të majtë të mbrojtjes.

Situata e futbollistit ka ndryshuar ndjeshëm në muajt e fundit. Ait-Nouri ka regjistruar vetëm katër paraqitje këtë sezon, të gjitha në Champions League dhe në Carabao Cup. Pavarësisht se ka dhënë tri asistime në vetëm 168 minuta lojë, ai nuk ka luajtur asnjë minutë në Premier League.

Manchester City shpenzoi 36.8 milionë euro, plus bonuse, për ta transferuar nga Wolverhampton në verën e vitit 2025. Megjithatë, mbrojtësi algjerian nuk duket se bën pjesë në planet e trajnerit Enzo Maresca, çka mund t’i hapë rrugën një largimi të përkohshëm në merkaton e dimrit.

Juventus-i shpreson të arrijë një marrëveshje huazimi, pasi ka mundësi të kufizuara financiare për shkak të marrëveshjes me UEFA-n. Kjo formulë do t’i lejonte klubit italian të përforconte skuadrën pa kryer një investim të madh në janar.

Sipas raportimit të “La Gazzetta dello Sport”, në listën e alternativave të bardhezinjve janë edhe Nicolas Tagliafico i Lyon-it dhe Maxi Araujo i Sporting CP. Të dy mund të konsiderohen si opsione për një huazim, në rast se negociatat për Ait-Nouri nuk japin rezultat.