Jo kokën në tepsi argjendi/ Vlora foli, tani varet kush e kuptoi mesazhin e saj te koduar

Nuk e njoh, nuk e kam takuar asnjёherё, nuk e kam bezdisur ndonjёherё, nuk kam deshirё tё njihem me njerёz tё zbulimeve dhe mbulimeve tё tilla. Ish –kryespunin Gazidede e kam patur shok qё nga shtatori i vitit 1983 deri nё mars tё vitit 1997, kohё kur ai u ngarkua krye -gjeneral i ushtrise sё vdekur shqiptare tё Berishёs dhe pati fundin e saj. Nё vitin 1996, kandidat pёr deputet, Berisha me kontrolloi “biografinё” se mos kisha qenё ndonjёherё spiun i sigurimit, sipas ligjit pёrkatёs tё tij dhe dola “i pastёr”. Prandaj ato qё do tё thuhen kёtu nuk kanё asnjё lidhje me veten time, kanё lidhe me tё tjera anё tё kёsaj historie tё pёrzier me corbё tё prishur.

Djalli fshihet pas detajeve, thotё njё fjalё e urtё e huaj. Ka dhe do tё ketё shumё “djaj”  te kjo histori e tanishme e SPAK-ut me Vlora Hysenin. “Djalli” i parё na u shfaq qё nё njoftimin publik tё  SPAK –ut pёr arrestimin e saj, kur ajo ishte jashtё vendit pёr aktivitet zyrtar, e autorizuar nga qeveria shqiptare. Ky njoftim ishte si njoftimi i Hrushovit pёr shkarkimin nga detyra te ministrit tё Mbrojtjes sё Bashkimit Sovjetik Zhokuv, kur ky ishte pёr vizitё zyrtare  nё Shqipёri nё fund tё viteve 50 tё shekullitt tё kaluar. Hrushovi kishte frikё ta shkarkonte Zhukovin kur ai ishte brenda vendit tё vet, se kishte ende nё duar ushtrinё.

Kёshtu tani edhe me SPAK – un tonё. Pse duhet qё SPAK – u ta bёnte publik njoftimin e arestimit, kur dihej qё ajo do tё kthehej nё Shqipёri pas shёrbimit jashtё vendit? Njoftimi u bё publik sepse SPAK – u shpresonte qё ajo tё mos kthehej mё nё Shqipёri, thotё analisti kosovar Berat Buzhala. A ka tё drejtё kolegu Berat? Unё mendoj se po. Dhe kёshtu vijmё te titulli i kёtij shkrimi. Vetё SPAK- u kishte frikё qё Hyseni tё rikthehej nё Shqipёri, sepse marrja me tё i hap telashe dikujt apo disave, ndoshta edhe brёnda vetё SPAK- ut, prandaj boll kemi probleme tё tjera kёtu, le tё merremi me to. Nuk na duhet edhe nje “patate tjeter e nxehtё” ne duar.

SPAK-u  deri tani ka treguar “trimёri tё lartё” ndaj tё gjitha institucioneve tё shtetit shqiptar, gati dridhen ato para tij, aq sa shumё analistё e quajnё Shqipёrinё “republika e prokurorёve”. Vetё kryetari i ri i tij deklaroi trimёrisht para disa kohёsh nё Kuvend:  “Po tё ishte pёr mua, deputetёt nuk duhet tё kishin fare imunitet”. Shyqyr zotit qe deputetёt nuk janё nё duar tё tij. Tani, me kthimin e Hysenit nё Shqipёri, vetё atij, SPAK-ut pra, mund t’i hasё sharra nё gozhdё. Rasti i gazetares Lala nuk ёshtё asgjё para kёsaj. Ish -shefja e shёrbimit tё fshehtё, pёr shkaqe pune, di shume “xhevahire” tё fshehta pёr individё dhe institucione qё mund t’i prishin punё shumёkujt.

Nё vitin 1994 Presidenti i vendit Sali Berisha akuzoi ministrin e tij tё financave Genc Ruli pёr “shpёrdorim tё drurit” tё arrёs, njё akuzё absurde kjo dhe e vuri atё nёn ndjekje penali. Zoti Ruli, ende minister, i thirri gazetarёt nё shtёpinё e tij dhe dha njё konferencё shtypi pёr akuzat. Isha vetё atje si gazetar i opozitёs. Pasi foli pёr akuzat e pabaza tё  Berishёs,  ministri i financave bёri kёtё deklaratё: “Nuk kam ndёrmend ta dorёzoj kokёn time nё sini tё ergjёndtё”.

Ruli dinte shumё gjёra pёr Berishёn. Dinte pёr shembull pёr lumin e naftёs qё vёrshonte kontrabande nga Durrёsi drejt Sёrbisё nga firma e PD-sё “Shqiponja”, e drejtuar nga kryetari i partisё Tritan shehu, ndёrkohё qё Sёrbia ishte nen embargon e OKB-sё prej luftёs nё Bosnje. Kjo fraze e tij u botua tё nesёrmen nё tё gjitha gazetat e lira. Pas asaj Berisha e mbylli “drurin e arrave”. A do ta mbyllё edhe SPAKU tani cёshtjen e ish – kryespiunes pas deklaratёs sё saj pёr gazetaren? Tё shohim. Njё gjё ёshtё e saktё: Mediat do tё kenё lajme interesante nga kjo “luftё spiunesh” e saposhpalllur.

Na del pra se deklarata e Hysenit, e bёrё te porta e gjykatёs pёrballё disa gazetarёve “rreh lart”.  Ajo nuk ёshtё thjesht ndaj njё gazetareje, e çila sidoqoftё, duhet tё marrё pjesёn qё i takon. Sfida e parё, e fituar nga Hyseni ndaj SPAK, ishte rikthimi i saj nё Shqipёri, pas akuzёs publike tё tij.  Sfida e dytё e mbyllur “jek e jek” ishte ajo me gazetaren. Po sfida e trete cila do tё jetё?