“Khloe Kardashian” dhe varsia ndaj ndërhyrjeve estetike në fytyrë, shpenzimet marramëndëse nuk do ti besoni

Khloe, 36, vjeç, besohet të ketë shpenzuar një shumë prej £100.000  thuajse çdo muaj, për trajtime dhe procedura estetike në fytyrë.

Rutina e saj tepër e shtrenjtë e bukurisë, ka filluar të shqetësojë edhe anëtarët e familjes së famshme,  të cilët mendojnë se “ajo do të hyjë në borxh”, ose “do të prishë fytyrën e saj me procedurat e vazhdueshme”.

Trajtime të tilla përfshijnë lazer, fillers, botox, të gjitha si një mënyrë për ta bërë atë të ndihet më e sigurt me veten.

“Ata që janë afër Khloe-s janë të shqetësuar se 36-vjeçarja po shpenzon në mënyrë të pakontrolluar dhe kjo mund të dëmtojë pasurinë e saj. Të gjithë janë të shqetësuar se sa larg mund të shkojë ajo”, shprehet një burim për Heat Magazine.

“Fytyra e saj mund të duket në rregull në fotografi por, nga afër, është një histori tjetër. Disa nga miqtë e saj janë të shqetësuar se tani është afër shkatërrimit të fytyrës, sepse ka bërë aq shumë procedura, por ajo nuk dëgjon.”

Sipas burimit, familja e Khloe-s është e shqetësuar se ajo do të prishë plotësisht imazhin e saj.

Kohët e fundit u përball me një sërë kritikash që mendonin se ajo “po përpiqej të ndryshonte racën” apo “po kopjonte Beyonce-n”.

Khloe ka insistuar gjithnjë se nuk ka qenë kurrë “nën thikë”, por ka kryer vetëm procedura estetike.