Lifestyle

Lodhje në punë dhe probleme financiare, parashikimi i horoskopit për të dielën

Dashi

Hëna do ju bëjë shumë më të vendosur sot. Do jeni edhe më të motivuar dhe nuk do ndaleni përpara sfidave që do ju dalin. Ju që jeni në një lidhje do i shtoni dozat e fantazisë dhe do jeni të gatshëm të bëni çdo gjë që ambienti të jetë përherë i ngrohtë. Idetë origjinale dhe ngrohtësia që do ofroni do e bindin edhe më shumë partnerin se ka bërë mirë që ju ka zgjedhur. Ju beqarët duhet t’i merrni gjërat me shumë qetësi, por nga ana tjetër nuk duhet të keni frikë të hidhni hapa. Në punë do ndiheni shpesh si të bllokuar, por nuk do dorëzoheni. Mesazhet që do iu japin kolegët duhet t’i dëgjoni me kujdes. Shpenzimet kryejini të mirëmenduara që të mos keni probleme më pas.

Demi

Gjërat nuk do ju ecin shumë mirë gjatë kësaj dite dhe në disa momente mund të gjendeni në situata vërtet të vështira. Komunikimi do lërë për të dëshiruar. Për ju që keni një lidhje dita do jetë shumë e paqëndrueshme për të gjithë ju që jeni në një lidhje. Shpesh do keni mendime tërësisht ndryshe nga partneri dhe nuk do pranoni për asgjë çast të hapni rrugë. Ju beqarët duhet të njiheni mirë me disa persona para se të hidhni hapa sepse në të kundërt mund të lëndoheni. Në punë mos u mundoni gjithë kohës si të ndihmoni kolegët t’ia dalin mbanë sepse keni për të mbetur mbrapa vetë. Shpenzimet bëjini të mirëmenduara dhe nuk keni për të pasur tronditje financiare.

Binjakët

Arsyetimi nuk do jetë pika juaj e fortë sot. Hëna dhe Plutoni shpesh do ju bëjnë të palogjikshëm. Nëse keni një lidhje mundohuni të jeni më të përgjegjshëm dhe t’i kërkoni falje atij që keni në krah për gabimet që keni bërë. Marrëdhënia mes jush do ketë më shumë përmirësime edhe nga sa vetë keni menduar. Ju beqarët do kenë takime vendimtare të cilat do ua ndryshojnë jetën përgjithmonë. Në punë stresi do ju pushtojë gjithë kohës dhe nuk do e keni shumë të lehtë të përmbushni objektivat që iu janë dhënë. Sido që të jenë financat tuaja sot është mirë të mos rrezikoni duke shpenzuar pafund.

Gaforrja

Gjatë kësaj dite do jeni me humor shumë të mirë dhe do dini ta kontrolloni veten në çdo moment. Për ju që keni një lidhje dita do jetë mjaft e favorshme për të rregulluar njëherë e mirë problemet që keni pasur në çift. Për shumë gjera do reflektoni me më shumë kujdes dhe do kuptoni gabimet e mëdha. Ju beqaret do jeni pafund impulsive dhe ka rrezik që pjesa më e madhe të gabojë në zgjedhjen e partnerit. Në punë nuk do keni aspak dëshirë të merreni me projektet që keni nisur dhe do dëshironi të pushoni shpesh. Kritikat mund t’iu bëjnë edhe pak agresivë. Buxheti do dobësohet goxha për shkak të shpenzimeve të pamenduara që do kryeni.

Luani

Qielli sot do jetë gri dhe rrezet e diellit do e kenë të vështirë të depërtojnë. Probleme serioze nuk priten, por as ndonjë emocion i madh. Ju të dashuruarit do keni një ditë ndryshe nga sa e prisnit. Partneri do ju mbushë me dhurata. Dashuria e tij për ju e kalon çdo kufi kështu që edhe ju duhet të silleni mirë dhe t’i përkushtoheni më tepër. Nëse jeni beqarë do bëni çdo gjë që të jetë e mundur me qellim që ta bëni për vete atë që pëlqeni. Në punë do filloni të testoni disa ide që keni në kokë dhe rezultatet që do arrini do ju bëjnë të ndiheni më krenarë për veten. Në planin financiar nuk keni për të pasur aspak tronditje sepse gjithmonë do reflektoni para se të hidhni hapa.

Virgjëresha

Dielli do favorizojë reflektimin dhe maturinë gjatë kësaj dite. Do rifitoni edhe besimin në vetvete. Për ju të dashuruarit kjo e sotmja do jetë pozitive. Nuk do konfliktoheni më për asgjë me atë që keni në krah, përkundrazi do mundoheni si ta bëni sa më të bukur çdo moment. Ju beqarët nuk duhet t’iu besoni të gjithë personave që do iu joshin sepse disa nuk janë aspak të vërtetë. Në planin profesional do bëni më të mirën për të arritur atë që dëshironi. Vërtet do bëni shumë kolegë xheloze dhe do keni konkurrentë të fortë, por do ja dilni me sukses. Reflektim dhe durimi do jenë pikat tuaja të forta. Financat do jenë tej mase të stabilizuara. Shfrytëzoni rastin për të shlyer disa borxhe të vjetra.

Peshorja

Dita e sotme nuk ka për të qenë shumë e mirë dhe gjithë kohës do ju mungojë besimi tek vetja. Për ju të dashuruarit mëngjesi do fillojë me vrull e me debate të zjarrta. Të dy palët do jeni kokëfortë dhe për asgjë në botë nuk do hapni rrugë. Ju beqarët duhet t’iu besoni pak më shumë miqve që do iu prezantojnë me disa persona sepse ata ju duan vetëm të mirën. Në punë do jetë Jupiteri që do ju mbështesë fort dhe do ju ndriçojë mendimet. Ka mundësi që ju të arrini edhe më lart nga sa e kishit menduar. Mund t’iu bëhet edhe një propozim intrigues që nuk duhet humbur. Në planin financiar, po u treguat vigjilentë dhe po përfituat nga mbështetja e yjeve gjendja do ju përmirësohet tej mase.

Akrepi

Gjatë kësaj dite do jeni gjithë kohës në lëvizje dhe do bëni të pamundurën për ta bërë çdo gjë të ecë sa më mirë. Në fakt kjo mënyrë jetese edhe mund t’iu lodhë. Për ju që jeni në një lidhje kjo do jetë një ditë e mbushur me momente të lumtura. Marrëdhënia në çift do intensifikohet akoma më tepër dhe shpesh do ndiheni si mbi re. Nëse jeni beqarë duhet të bëni pak më shumë përpjekje për ta gjetur dashurinë. Në punë do vlerësoheni mjaft për çdo gjë që keni bërë. Edhe disa kolegë konkurrentë do i respektojnë zgjedhjet që keni bërë. Në planin financiar do keni shumë fat. Edhe nëse vendosin lotari do fitoni shuma të konsiderueshme e do ndiheni më mirë.

Shigjetari

Urani do bëjë të pamundurën t’u mbrojë nga problemet gjatë kësaj dite, por edhe ju duhet të bëni pjesën tuaj. Nëse keni një lidhje mundohuni të mos tregoheni për asnjë moment agresivë me partnerin tuaj sot sepse do keni probleme të mëdha me njeri-tjetrin. Qetësia do jetë e çmuar. Ju beqarët nuk do e keni mendjen për të krijuar një lidhje serioze, por një person që do takoni rastësisht do iu bëjë të ndryshoni mendim. Në punë do rrethoheni nga miq të mirë që do ju ndihmojnë t’i kaloni sfidat dhe të arrini më të mirën. Problemet financiare do zgjidhen më shpejt nga sa kishit menduar kështu që do mund të merrni frymë lirisht.

Bricjapi

Sot priten të merren vendime shumë të rëndësishme. Reflektoni me shumë kujdes sepse këto vendime do ua ndryshojnë përgjithmonë të ardhmen. Nëse keni një lidhje mundohuni të jeni sa më të hapur dhe bashkëpunues me partnerin. Po të shtoni edhe më tepër dozat e humorit çdo gjë ka për të ecur edhe më mirë. Ju beqarët nuk do i dëgjoni këshillat e miqve dhe mund të bëni gabime të pafalshme. Në punë, Jupiteri do ju bëjë më ambiciozë, megjithatë për të ndërmarrë hapa gjigande më mirë të prisni edhe pak kohë. Propozimet që do ju bëhen duhet t’i mendoni me kujdes. Gjendja e financave ka për të qenë goxha e mirë.

Ujori

Ka mundësi që gjatë kësaj dite të filloni të bëni shumë gjëra njëherësh, por pa përfunduar si duhet asnjërën. Nëse jeni në një lidhje kjo e sotmja nuk ka për të qenë një ditë shumë e qetë. Herë pas here situata mund të dalë edhe jashtë kontrollit dhe vështirë se do gjeni qetësi. Ju beqarët do jenë tej mase joshës dhe do arrini ta bëni për vete cilindo që do pëlqejnë. Punën askush nuk do ua shajë sepse dini gjithmonë si të veproni për të bërë më të mirën. Gjithsesi mundohuni të jeni realistë dhe mos ju besoni shumë premtimeve të disa kolegëve. Në planin financiar keni për të qenë me fat dhe kjo do ju ndihmojë ta kaloni situatën e vështirë në të cilën kishit rënë.

Peshqit

Jo çdo gjë do shkojë ashtu si ju e kishit menduar gjatë kësaj dite. Në fakt po ta mendosh mirë perfeksioni nuk mund të ekzistojë në këtë botë. Ju që keni një lidhje do kaloni një dite të mbushur me emocione të forta, por ato do jenë si pozitive ashtu edhe negative. Ju beqarët do jene specialistë të joshjes dhe flirtimit kështu që do bëni për vete persona të shumtë. Për ju do fillojë një tjetër jetë. Në punë do ndiheni shpesh të bllokuar dhe pavarësisht se do doni të hidhni hapa para nuk do mundeni dot. Për financat këshillohuni sa më parë me specialistët sepse vete nuk do mund ta mbani dot situatën nën kontroll.

Related Topics:DASHURI fat lifestyle lodhje marredhenie para pune shenja horoskopi stres

Lifestyle

Faktorët që ju çojnë drejt divorcit dhe ju nuk e kuptoni

Është vërtet e vështirë krijimi i një familje. Ju do të përballeni me konflikte, kriza, dyshime dhe kjo është diçka normale. Por ka edhe disa faktorë që mund ta çojnë martesën tuaj drejt fundit.

Shkencëtarët që punojnë në Universitetin e Utah pretendojnë se gratë që kishin më pak se 3 partnerë, ishin më të predispozuara për divorc sesa gratë me më tepër eksperiencë. Kjo ndoshta është për shkak të faktit që vajzat e reja ndonjëherë martohen vetëm sepse mendojnë se kanë rënë në dashuri. Por, në fakt, kjo ndjenjë përfundon shpejt. Çfarë duhet të bëni?! Martesa është e vështirë, e qëndrueshme dhe jo gjithmonë punë e këndshme. Nëse vendosni të martoheni, duhet ta kuptoni plotësisht: “Po marr përgjegjësinë për marrëdhënien tonë dhe më në fund jam gati të jap më të mirën në të.”

Punët rutinë në familje
Psikologjia moderne beson se rregullat strikte në një familje mund të jenë gjithashtu një arsye për divorc. Rregullat e tilla japin përshtypjen e një pune të dytë, jo një shtëpi komode. Çfarë duhet të bëni?! Bëhu krijues! Bëj shaka duke i kthyer detyrat rutinë në lojëra emocionuese. Merreni me qetësi. Jepini vetes mundësinë e porositjes së një pice kur nuk dëshironi të gatuani. Lëreni për më vonë pastrimin e shtëpisë, ose bëni një garë me partnerin për të parë “kush do ta pastrojë pluhurin më shpejt” në këmbim të disa “çmimeve” të mira.

Miqtë tuaj janë duke u divorcuar
Marrëdhëniet e ngushta me njerëzit që po shkurorëzojnë martesën gjithashtu mund të ndikojnë keq në martesën tuaj nëse keni disa keqkuptime. Ju mund të filloni të krahasoni veten me ata që sapo janë ndarë. Dhe ekziston rreziku që të gjeni shumë gjëra të përbashkëta dhe të vendosni se martesa juaj ka mbaruar. Çfarë duhet të bëni?! Duhet ta kuptoni se nëse e ndaloni takimin e këtij çifti “të rrezikshëm”, nuk do të zgjidhni problemet tuaja të marrëdhënieve. Ju duhet të keni marrëdhënie të ngushta me ta gjithë kohën, jo vetëm para ose pas divorcit të një miku. Hapni zemrat tuaja me njëri-tjetrin dhe jini të ndershëm. Kur ka një atmosferë të mirë në marrëdhënien tuaj, faktorët e jashtëm nuk mund ta shkatërrojnë atë.

Mbingarkesa e punës
Një karrierë është e përsosur kur nuk ndikon në jetën tuaj personale. Imazhi juaj si një specialist i kualifikuar do të bëhet më pak i rëndësishëm nëse papritur do të përballeni me kërcënimin e humbjes së familjes suaj. Natyrisht, ju nuk duhet të neglizhoni detyrat tuaja në punë, por as nuk duhet t’i shpërfillni detyrat tuaja në shtëpi. Çfarë duhet të bëni?! Caktoni prioritetet tuaja. Ndajeni punën tuaj nga familja dhe mos e teproni rëndësinë e një gjëje mbi tjetrën. Ji i gatshëm të thuash “jo” shefit tënd nëse dëshiron që të qëndrosh vonë në mbrëmjen. Ji i gatshëm t’i shpjegosh të partneres/it tënd se takimi i sotëm është me rëndësi të madhe dhe nuk ka asnjë mundësi ta shtyjë atë.

Lifestyle

Si ndikojnë orët e gjumit te shëndeti i zemrës

Lidhja e gjumit me shëndetin e mirë është tashmë e njohur dhe e vërtetuar. Orët e gjumit dhe sidomos ato të gjumit të natës, janë shumë të rëndësishme për të mbajtur organizmin në formë.

Mjekët prej shumë kohësh pohojnë së mungesa e këtij procesi kaq të rëndësishëm mund të çojë në probleme të shëndetit.

Një aspekt që mund të prekë mungesa e gjumit është edhe shëndeti i zemrës dhe problemet kardiovaskulare.

Sipas shumë studimeve nëse flini pak keni më shumë shanse të zhvilloni sëmundje si artereoskleroza.

Kjo sëmundje ka tendencën të bllokojë arteriet, kryesisht ato të zemrës me mbiprodhimin e kolesterolit të keq.

Në këtë artikull ju shpjegon se si ndikojnë 7 orë gjumë në shëndetin e zemrës.

Çfarë rekomandojnë mjekët

Siç thamë dhe më lart, gjumi është një ndër proçeset më të rëndësishme për të ruajtur shëndetin e mirë.

Jo vetëm çlodhës për muskujt, nëse flini mjaftueshëm gjumi mund të jetë edhe sekreti për një zemër të fortë.

Mjekët thonë se minimuni 7 orë gjumë çdo natë janë shumë të rëndësishme për të mbajtur sëmundjet larg.

Sipas Kolegjit Amerikan të Kardiologjisë për personat që flenë më pak se 7 orë gjumë rritet shanci i prekjes nga sëmundje të ndryshme.

Megjithëse dietat e forta, aktiviteti fizik janë çelësi për një jetesë të mirë gjumi mund të jetë elementi magjik që do t’ju shpetojë nga shumë sëmundje.

Mungesa e gjumit rrit edhe shancet për t’u prekur nga diabeti apo presioni lartë i gjakut.

Personat që flenë më pak se 6 orë në ditë do të thotë se kanë nivele më të larta të një proteine të quajtur miRNAs që është përgjegjëse për mosbalancimin e mirë të qelizave të gjakut.

Ndërsa për personat që flenë 7-8 orë nivelet e kësaj proteine që prodhon trupin ulen me 40-60%.

Duke lejuar arteriet të bllokohen rritet edhe rrisku i prekjes nga ishemia apo ataku në zemër .

Ndikimi i gjumit në shëndet sipas mjekëve nuk duhet nënvlerësuar pasi mund të çojë edhe në një mori sëmundjesh të tjera.

Duke filluar që nga ato muskulare, nervore, dhe së fundëmi sipas mjekëve edhe probleme të shëndetit të zemrës.

Sigurohuni të kujdeseni dhe t’a qetësoni trupin tuaj sa më shumë që të jetë e mundur në mënyrë që të promovoni shëndetin e mirë të zemrës dhe mendjes.

Lifestyle

Veprimet që mund ta dërgojnë martesën drejt fundit

A e dini se veprimet e juaja, qoftë edhe ato më të zakonshmet, sikur shfletimi i rrjeteve sociale derisa jeni në shtrat mund ta sjellë martesën tuaj drejt fundi?

“Disa studimet të fundit tregojnë se janë disa gjëra shumë të vogla, që bëjnë që njerëzit të kenë probleme seriozë në lidhjen e tyre të dashurisë”, ka thënë Carrie Cole, një psikologe e çifteve në Houston.

Lajmi i mirë? Fakti se keni probleme me partnerin tuaj, nuk do të thotë se lidhja juaj po shkon drejt divorcit.

Një studim i fundit ka gjetur se shumica e çifteve janë të prirur të zgjedhin problemet e tyre – dhe t’i largojnë shprehitë e këqija. Por, megjithatë më poshtë mund të shihni disa nga këto shprehi, që dëmtojnë një lidhje të dashurisë, madje edhe ta dërgojnë drejt divorcit.

– Të flasësh keq për njëri-tjetrin prapa shpinës

– T’i përmendësh vazhdimisht gjërat që tjetri bën gabim

– Kur nuk e vendos asnjëherë veten në pozitën e partnerit
– Kur nis debatet me veprime të tilla, si drejtimi i gishtit drejtues
– Kur nuk e kupton kur një debati i ka ardhur fundi
– Kur nuk debaton asnjëherë
– Kur pret shumë gjatë për të zgjidhur ose diskutuar problemet që keni

Lifestyle

Prindërit mund të “brengosen më pak” për kohën e fëmijëve në ekran

Ka pak dëshmi se përdorimi i ekraneve nga fëmijët është i dëmshëm, kështu thuhet në një udhëzues të një grupi të pediatrëve.

Prindërit duhet të shqetësohen më pak për aq kohë sa ata kanë kaluar nëpër një listë kontrolli mbi efektin e kohës së ekranit në fëmijën e tyre, thotë udhëzuesi.

Ndërsa udhëzimi shmang vendosjen e afatit kohor të ekranit, rekomandon që mos t’i përdorin ato para kohës së gjumit.

Ekspertët thonë se është e rëndësishme që përdorimi i pajisjeve teknologjike të mos zëvendësojë gjumin, stërvitjen dhe kohën me familjen, transmeton Klan Kosova.

Kjo u bë e ditur pas rishikimit të të dhënave të botuara njëkohësisht në revistën mjekësore Open BMJ, dhe pasoi një debat në lidhje me nëse të rinjtë duhet të kenë kohën e kufizuar për pajisjet.

Ndërkohë, një studim i veçantë zbuloi se vajzat kanë dy herë më shumë gjasa të tregojnë shenja të simptomave depresive të lidhura me përdorimin e mediave sociale në moshën 14 vjeç arekrahasuar me djemtë.

Lifestyle

Studimi: Ja pse kotelet janë më të zgjuara se qenushët

Një studim i kryer së fundmi nga ekspertët zbulon një detaj shumë interesant për kafshën tuaj shtëpiake dhe në këtë rast po flasim për kotelen apo qenushin tuaj.

Përmes dy eksperimentesh është provuar se kotelet shtatë javëshe janë më të zgjuara se qenushët, pasi siç specifikon ky studim ato kanë aftësi të kryejnë “llogari matematikore”. Në të parën, 25 nga 26 kotele preferuan sasinë më të madhe kur raportet ishin bi 0.4.

Eksperimenti i dytë tregoi se 18 nga 24 kotele zgjodhën pjesën më të madhe të ushqimit kur raporti i madhësisë ishte nën 0.5. Kjo vërteton faktin se pse macet mund të bëjnë dallimin midis sasive të ndryshme, një aftësi thelbësore e mbijetesës.

Në të dyja eksperimentet, kotelet zgjodhën vazhdimisht sasi më të mëdha ushqimi. Është interesante se aftësitë sasiore të koteleve zhvillohen më herët se ato të këlyshëve.

Ky zhvillim i hershëm tek kotelet mund të jetë për shkak të prejardhjes së tyre të vetmuar të gjuetisë, duke kërkuar vendimmarrje të hershme, ndryshe nga këlyshët që mbështeten më gjatë në grupet sociale.

Studimi gjithashtu vuri në dukje se kur një artikull ushqimor ishte pesë herë më i madh, kotelet prireshin të zgjidhnin pjesën më të vogël, ndoshta për shkak të një preference për gjahun jo kërcënues.

Ky hulumtim nxjerr në pah aftësitë e habitshme matematikore të koteleve, duke i shtuar listës së tyre të aftësive mbresëlënëse si kërcimi dhe loja.

Përkthyer nga MaltaDaily.