Asociacioni/ Vuçiç përmend luftën si mundësi

Presidenti i Serbisë, Aleksandar Vuçiç, ka thënë se nuk ka luaj nga kerkesa për Asociacionin dhe se Serbia do ta mbajë fjalën e do të përmbushë pjesën e saj të punës kur Kosova te përmbushë obligimin e saj

“Ju themeloni Asociacionin me kompetenca thelbësore dhe kur ta bëni këtë, Serbia gjithmonë e ka mbajtur fjalën dhe do të përmbushë pjesën e saj të punës. Asnjë lojë. Vetëm kur ta përmbushni ju, ne do te përmbushim tonën”, tha Vuçiç.

Vuçiç tha se ndoshta Serbia do të bëjë diçka në mënyrë të njëanshme në shenjë vullneti të mirë, por se kjo nuk ka të bëjë me obligimin e Prishtinës.

“Është një detyrim që nuk është nënshkruar as në shkurt e as në mars, por që ekziston që nga 19 prilli i vitit 2013”, nënvizoi ai.

Presidenti serb theksoi se duhet të përmbushen obligimet që të mos përfundojnë si disa marrëveshje të tjera që kanë përfunduar me luftëra, sepse disa i konsideruan ato marrëveshje vetëm si të përkohshme dhe për të fituar kohë.

“Ne në Serbi mund të jemi budallenj, por jo edhe aq të mëdhenj. Kemi patur mundësinë të mësojmë nga ajo që po ndodh në botë. Kur te përmbushni obligimin tuaj, atëherë ne do t’i futemi punës me gëzimin më të madh për të përmbushur atë që kemi premtuar publikisht”, theksoi Vuçic.