Sulmoi partneren duke e plagosur rëndë në kokë, arrestohet i riu shqiptar

Ngjarja, sipas mediave greke, ka ndodhur në shtëpinë ku jeton 35-vjeçarja nga Moldavia. Autori ka hyrë nga një derë e hapur ballkoni dhe ka sulmuar 35-vjeçaren, duke e goditur me kokë.

Fqinjët që kanë dëgjuar zëra kanë lajmëruar policinë, e cila ka shkuar në vendngjarje. E plagosura është dërguar në Spitalin e Përgjithshëm të Larisës. 25-vjeçari pas ngjarjes u zhduk për t’u gjetur më vonë nga policia në zonën e Karditës. Ndaj tij është ngritur akuza për lëndim të rrezikshëm trupor.