Connect with us

Kronike

Dëshmitë/ Na thoshte ‘do t’ju vras’, mamanë e rrihte…

Detaje të reja në lidhje me arrestimin e 50-vjeçarit Xherxh Laçi, i cilësuar nga policia si ekstremist. Gjatë marrjes në pyetje, Laçi ka mohuar të ketë dhunuar bashkëshorten e tij, si dhe dy djemtë, përkatësisht 15 dhe 17 vjeç. 50-vjeçari Laçi ka dëshmuar para oficerëve të policisë dhe të Antiterrorit se nuk i linte fëmijët të dilnin nga banesa për të mos u infektuar.

Kam ndjekur parimet e mia fetare. Fëmijët dhe bashkëshorten nuk i kam lënë të dalin për t’i ruajtur nga e keqja. Nuk doja që ata të nisnin drogën apo të infektoheshin”, ka pohuar Laçi.

Por krahas dëshmisë së tij, dy djemtë dhe nëna e tyre kanë treguar në prani të psikologëve se ata dhunoheshin sistematikisht. Tashmë ata janë dërguar në një qendër rehabilitimi. Xherxh Laçi, i njohur edhe me emrin Gjergj Laçi pritet të dalë të martën në Gjykatën Penale të Tiranës për t’u njohur me masën e sigurisë.

Fillimisht kanë qenë komshinjtë që lajmëruan policinë pasi dyshuan se Xherxh Laçi mund të kishte dhunuar familjarët. Pasi ka mbërritur policia, Laçi është shprehur se jetojnë në kushte të veshtira ekonomike, ku gruaja e tij nuk punon, ndërkohë fëmijët nuk i dërgonte në shkollë për shkak të besimit radikal dhe frikës se mos infektoheshin apo merrnin rrugë te keqe. Me pas policia është rikthyer dhe e ka arrestuar.

Ai kishte ngujuar bashkëshorten e tij për 6 vite me radhë në zonën e ‘5 Majit’ në Tiranë. Prej 1 viti, 50-vjeçari kishte ngujuar edhe dy fëmijët e tij, të cilët nuk i kishte lënë të vazhdonin gjimnazin pasi kishin përfunduar shkollën 9-vjeçare. Vetë Laçi dilte nga shtëpia vetëm ditën e premte, pasi shkonte në xhami për t’u falur, ndërsa në momentin e arrestimit i janë gjetur edhe libra fetarë.

NTV.AL  ishte dje në banesën e 50-vjeçarit, ku vihet re se ata jetonin gjendja e vështirë ekonomike. Sipas fqinjëve ata nuk kishin paguar as faturat e energjisë elektrike, çka ka sjellë edhe ndërprerjen me furnizimin me energji nga ana e OSHEE. Ajo çfarë vihej re në banesë është se Laçi e kishte izoluar ballkonin me çarçafë, për të shmangur çdo kontakt të familjes me botën e jashtme.

Pas operacionit të zhvilluar, në banesë janë gjetur dy thika, shkopinj druri dhe 700 fishekë të cilët i kishte groposur në oborrin e shtëpisë. Xherxh Laçi, i njohur edhe me emrin Gjergji, nuk është krejtësisht emër i panjohur për policinë. Ai është arrestuar në vitin 2013 pasi në të njëjtën zonë ku banon edhe sot qëlloi me breshëri kallashnikovi duke terrorizuar banorët përreth.

Nuk do dilni se të tjetrët duan t’ju vrasin’, zbardhet dëshmia e djalit të Gjergj Laçit: Mamanë e rrihte me shkop e grushte

Djemtë e mitur të të Gjergj Laçit, i prangosur ditën e djeshme pasi akuzohet se mbante të ngujuar prej gjashtë vitesh në shtëpi gruan dhe fëmijët, kanë dëshmuar para grupit hetimor duke dhënë detaje për bashkëjetesën në familjen e tyre.

Një prej djemve, S.L. ka rrëfyer se  i ati kishte shkëputur marrëdhëniet me të gjithë të afërmit e tij dhe të gruas. Ai thotë se Laçi ushtronte dhunë ndaj nënës duke e goditur “me shkop, shuplaka dhe grushte”.

Në dosjen e siguruar nga NTV.AL  thuhet se djali i mitur ka deklaruar se prej 3 vitesh babi i tij nuk i ka lejuar të dalin asnjëri nga shtëpia ku banoinë, atë e së bashku me vëllain e mitur dhe mamanë e tij.

Babi I tij nuk i ka lejuar te dalin fare nga shtëpia, duke I kërcënuar se ” ai e di me mirë, se te tjetër  duan ti vrasin, ndërsa ai ka fituar”.

“Qe pas kthimit të Xherxhit nga Italia, ai prej 20 vitesh nuk ka punuar me dhe se fundmi ka filluar te ushtroje me shpesh dhe fenë myslimane. Atë e ka praktikuar më shpesh 4 muajt e fundit, ku shkonte çdo të premte në xhaminë e Medresest, ndërsa prej javësh e ka shkëputur nuk ka shkuar me. Asnjeri prej prindërve të tij nuk punon, ai është shume I dhunshëm ndaj mamasë se tij, kundrejt te cilës ka ushtruar shpesh here dune ne sy te tyre, duke e goditur me shkop, me shuplaka me grushte, madje mamaja 1 ka treguar se i ka vene dhe thikën ne fyt. Për sa i përket jetesës, ai nuk I lejon te dalin nga shtepia pasi I kërcënon, ata jetojnë brenda 4 mureve pa energii elektrike, pasi ia kane ndërprere, dhe ushqehen vetëm kur i çojnë ushqim dhe ua lejnë tek dera familjaret si xhaxha Aliu nga Dibra, gjyshi ose daja I tij”, thuhet në dosje për dëshminë e djalit të mitur.

Në dosje theksohet se ai dhe vëllai I tij janë ne një gjendje shumë të renduar psikologjike, pasi kohet e fundit nuk merrnin as mundimin për t’i kërkuar me te dilnin, sepse nuk I lejonte.  Në dijëninë e tij babai mbante thika ne shtëpi, e here pas here kur vinte rrotull neper shtëpi I mbante te varura ne brez. Ëndrra e tii me e madhe është ti rikthehet jetës normale si gjithë bashkëmoshatarët e tjerë e të shkoje ne shkolle.

Motra e radikalistit Xherxh Laçi që ngujoi guran dhe fëmijët për 6 vjet në Tiranë ka mohuar se vëllai të ketë probleme të shëndetit mendor. Ndryshe nga çfarë deklaroi i ati, ajo shprehet para mediave se nuk është i sëmurë dhe fëmijët nuk kanë vijuar arsimin e mesëm për shkak të problemeve ekonomike. Ajo hedh akuza ndaj qeverisë që nuk i ndihmon për të gjetur punë. Ndër për pretendimet e gruas dhe fëmijëve se janë ngujuar për 6 vite, shprehet se e bëjnë për të dalë.

“Të lirohet e t’i gjejnë Xherxhit një punë të lehtë, roje ta çojnë. Të çoje fëmijët në shkollë. Gruan t’ja fusin në një punë, pastruese në bashki a kudo. A ka shtet apo jo? Ti marri se ka punë plot. Problemet janë të qeverisë se ka dhënë urdhër të prishë shtëpinë. Xherxhi nuk është i sëmurë, është me diabet, asnjë sëmundje nuk ka. Trutë fiks fare i ka. Të shkojnë të arrestojnë doktorin pse nuk i jep pension Xherxhit. Gruan e fëmijët nuk i ka dhunuar, në asnjë mënyrë. S’është e vërtetë. Pretendojnë se duan të dalin e të bredhin rrugëve. Nuk i ka mbajtur as ngujuar. Nuk ka mundësi Xherxhi t’i çojë në gjimnaz. Xherxhi ka mbaru shkollën e lartë, profesor është. Ai është njish, i marrtë të keqen kush e shan”, tha Rita Kaca.

Kronike

Ekskluzive/ Vrasja e kryekomisar Adem Tahiraj nga ‘i forti i Shijakut’, vendimi për dy policët

Gjykata e Lartë la në fuqi konsiderimin për t’i shpallur fajtorë dy oficerë policie të cilët ishin të pranishëm gjatë arrestimit të Ilir Xhakjas i cili qëlloi për vdekje shefin e komisariatit të Shijakut, Adem Tahiraj.

Në vendimin që ju vendos në dispozicion Top Channel, kolegji penal thotë se dy oficerët F. H dhe K.SH  shpërdoruan detyrën dhe nuk kryen asnjë veprim në momentin që u vra shefi i policisë duke mos reaguar për  neutralizuar ngjarjen dhe autorin, duke lejuar që ai më pas të largohej nga vendngjarja.

Gazetarja Anila Hoxha raportoi se në vendimin e zbardhur që ju vendos në dispozicion TCH  arsyetohet se përse dy oficerët konsiderohen fajtorë me mos veprimin që cilësohet si shpërdorim detyre

Kolegji ka konstatuar se gjykata e shkallës së parë, i ka gjetur fajtor të gjykuarit K. Sh dhe  F. H, për veprën penale “Shpërdorimi i detyrës”, parashikuar nga neni 248  i KP. Konkretisht, gjykata e shkallës së parë ka arsyetuar se, të gjykuarit janë subjekte të posaçme, të cilët ushtrojnë një funksion publik pasi në kohën e kryerjes së veprës penale për të cilën akuzohen, kanë qenë me detyrë oficerë policie dhe veprën penale e kanë kryer pikërisht për shkak se kanë patur këto cilësi që i buronin nga detyra. Në lidhje me anën objektive të kësaj figure krimi, gjykata e shkallës së parë ka arsyetuar se të dy të gjykuarit kanë konsumuar këtë vepër penale me mosveprim (pra me qëndrim pasiv), në kundërshtim me përmbushjen e rregullt të detyrës dhe në shkelje të ligjit funksional për policinë e shtetit.

Kjo për arsye se ndonëse kanë patur detyrimin të vepronin dhe të merrnin masa konkrete dhe ka ekzistuar mundësia reale për të vepruar (si persona me aftësi të posaçme për të vepruar në këto lloj situatash para kriminale) ata nuk kanë vepruar dhe si pasojë e këtij mosveprimi Ilir Xhakja ka kryer veprën penale tepër të rëndë në dëm të jetës së Shefit të Komisariatit. Sipas vlerësimit të gjykatës është provuar ardhja e pasojës që ligji kërkon dhe pikërisht cenimi i rëndë i rendit dhe sigurisë publike, besimit të qytetareve tek shteti, pasi subjekti i krimit në këtë rast ka qenë pikërisht një punonjës i policisë së shtetit, i cili që në marrjen përsipër të detyrës, ka pranuar të gjitha rrethanat faktike ku mund të ndodhet gjatë ushtrimit të saj, duke marrë përsipër detyrimin për të zbatuar ligjin e çdo rast në funksion të mbrojtjes në radhë të parë të jetës së çdo qytetari’ thuhet në vendim ku shtohet se prishet vendimi i apelit dhe lihet në fuqi ai i shkallës së parë që i ka konsideruar  dy oficerët e policisë fajtorë

Si u vra kryekomisari

Në 13 shtator 2012, me urdhër të Shefit të Komisariatit të Policisë, forcat e policisë të Komisariatit të Policisë Shijak janë urdhëruar të kryejnë patrullime në qytetin Shijak dhe rrethinat e tij, deri tek Lapidari në Katundin e Ri. Fillimisht, në operacion janë përdorur tre automjete policie dhe pesë efektiva oficerë e policë, nën drejtimin e Shefit të Komisariatit. Automjetet kishin të shënuara në mënyrë të dukshme të gjitha mbishkrimet dhe shenjat e policisë, siç rezulton dhe nga tabelat fotografike në vendin e ngjarjes. Qëllimi i patrullimit ka qenë verifikimi i dokumentacionit dhe titullit të pronësisë së automjeteve me targa të huaja, pa targa dhe me xhama të errët që qarkullonin në zonë.

Në dosje përmendet se “Në automjetin tip Chevrolet me targë “Policia 2085” patrullonin Shefi i Komisariatit të Policisë Shijak dhe punonjësi i policisë F. H, ndërsa patrulla e përgjithshme e policisë e përbërë nga punonjësit e policisë H. SH  dhe K. Sh  patrullonin me automjetin tip Chevrolet, me targë “Policia 2084”, dhe punonjësit e policisë V. XH  dhe A. T patrullonin me një automjet tip fuoristradë, edhe ai me mbishkrimet dhe të gjitha shenjat dalluese të policisë. Automjetet lëviznin në njëshkolonë, njëri pas tjetrit.

Fillimisht, sipas planit të masave u patrullua në rrugën drejt fshatit Katund i Ri. Rrugës, në afërsi të shkollës së Sukthit, Shefi i Komisariatit urdhëroi kthimin prapa të automjetit tip fuoristradë së bashku me dy punonjësit e policisë, për të dhënë ndihmën e nevojshme pas njoftimit për rënien e një zjarri, siç rezulton nga deklarimet e personave që kanë patur dijeni për rrethana të ngjarjes.

Nga Lapidari në Katundin e Ri, patrulla është kthyer në drejtim të rrugës për Shijak me një mjet më pak në përbërje të saj. Pas disa verifikimesh rutinë në vendparkimin e Kompleksit “V. ”, është urdhëruar shoqërimi i një automjeti pa targa. Për shoqërimin e tij në Komisariat u ngarkua polici H. SH . Nga ky çast, patrullimi vazhdoi me dy automjete nën drejtimin e Shefit të Komisariatit, i shoqëruar vetëm nga oficeri K.  G.  dhe punonjësi i policisë F.  H.

Në vijim të patrullimit është shoqëruar një automjet tjetër i tipit VW Golf pa targa, që i përkiste shtetasit Seid Gashi. Nga këtë çast, automjetet në patrullim rreshtohen si vijon: Autokolonën e printe automjeti me targë “Policia 2085”, i drejtuar nga punonjësi i policisë F. H , ku në sedilen e parë të tij ndodhej Shefi i Komisariatit. Pas tij vinte automjeti tip VW Golf, në kabinën e të cilit ndodheshin S.  J. . g  (babë e bir), kurse pas tij vinte automjeti me targë “Policia 2084” i drejtuar nga oficeri K. Sh. .

Në vendngjarje Shefi i Komisariatit ka urdhëruar shoferin F.  H.  të zhvendosej majtas, për t’i bllokuar rrugën një automjeti tip Opel, me ngjyrë të zezë, me targë të huaj GMLM 811, i cili po vinte në drejtim të kundërt me automjetet e policisë. Në kabinën e tij ndodhej vetëm një person, i cili është identifikuar më pas, si shtetasi Ledian Krasni 17 vjeç, banues në Katund Sukth. Drejtuesi i mjetit i është bindur urdhrit, duke ndaluar.

Shefi i Komisariatit dhe dy punonjësit që e shoqëronin kanë zbritur nga automjetet për të verifikuar rastin. Në këtë moment, është urdhëruar shoqërimi i automjetit për në Komisariatin e Policisë Shijak, pasi ka rezultuar pa dokumente regjistrimi sipas ligjit. Shtetasi Ledian Krasni nuk ka kundërshtuar dhe punonjësi i policisë F.  H është urdhëruar të hipte në kabinë për të siguruar shoqërimin dhe drejtuesi ka filluar manovrën për kthimin e automjetit mbrapsht, me drejtimin për Shijak. Provohet se në këto momente është larguar nga vendngjarja edhe automjeti i shoqëruar VW Golf me lejen e drejtuesit të operacionit, për shkak të vështirësive që janë krijuar në ato çaste për qarkullimit e mjeteve në këtë segment rruge.

Teksa automjeti Opel sapo kishte përfunduar, apo ishte duke përfunduar manovrën, në vendngjarje është afruar një automjet Mercedes, tip Regina 320, i pajisur vetëm me një targë të huaj në pjesën e pasme, i cili ka ndaluar përbri automjeteve të policisë. Prej tij ka zbritur një person, i identifikuar më pas si shtetasi Ilir Xhakja, person me precedentë të shumtë kriminalë. Ky person menjëherë është drejtuar tek automjeti tip Opel, ka hapur derën e pasagjerit dhe ka nxjerrë përjashta me dhunë punonjësin e policisë F. H. , duke iu drejtuar me fjalët: “Ç’punë ke ti me nipin tim?” (provohet se shtetasi Ledion Krasni është nipi i Ilir Xhakjes). Punonjësi i policisë F. H  është prezantuar dhe personi që ka sulmuar, në një moment i ka ndërprerë veprimet ndaj tij. Në këtë konflikt është përfshirë dhe Shefi i Komisariatit, i cili në ushtrim të detyrës, e ka pyetur personin kush ishte dhe çfarë kërkonte. Sipas dëshmisë së punonjësit të policisë F. H , Ilir Xhakja ka reaguar në mënyrë të dhunshme, duke u shprehur “Unë jam ai që të q… motrën” dhe ka nxjerrë pistoletën nga brezi. Në këtë moment, Shefi i Komisariatit ka bërë mbrapa, duke i bërë thirrje shtetasit Ilir Xhakja që të mos afrohej, kurse punonjësi i policisë F. H  ka ndërhyrë, duke i dalë para autorit dhe duke bërtitur disa herë me zë të lartë: “Është Shefi i Komisariatit…!” Autori, duke shtyrë me trup punonjësin e policisë F. H , ka mundur që të vendosë dorën mbi supin e tij dhe ka qëlluar gjashtë herë rresht mbi trupin e Kryekomisarit, duke i shkaktuar vdekjen e menjëhershme, për shkak të shokut traumatik-hemoragjik dhe më pas, është larguar menjëherë nga vendi i ngjarjes.

Është provuar se punonjësi i policisë F. H , megjithëse ka qenë në vendngjarje, ku siç provohet ka tentuar të qetësojë personin nën hetim Ilir Xhakja, gjatë debatit verbal që po zhvillohej mes këtij të fundit dhe Shefit të Komisariatit, nuk ka kryer asnjë veprim për të parandaluar ngjarjen, neutralizimin e autorit të ngjarjes dhe më pas, kapjen e këtij të fundit, duke lejuar me mosveprimet e tij që të ndodhë ngjarja dhe autorit t’i krijohej mundësia e largimit nga vendngjarja.Rezulton se disa metra larg, përballë autorit të ngjarjes Ilir Xhakja, para se ai të qëllonte, ndodhej dhe oficeri i policisë K. Sh , i cili në momentin kur është vrarë Shefi i Komisariatit Adem Tahiraj, nuk ka kryer asnjë veprim konform ligjit për të parandaluar ngjarjen, neutralizimin e autorit të ngjarjes, duke lejuar me mosveprimet e tij t’i jepet mundësia autorit Ilir Xhakja të kryente krimin e rëndë dhe më pas të largohej nga vendngjarja. Për këtë arsye ndaj dy oficerëve u ngritën akuza duke u dënuar nga shkalla e parë me shërbim prove.

Continue Reading

Kronike

Çifti i të moshuarve u gjet i vdekur në banesë/ Policia në Gjirokastër shoqëron tre persona, dyshohet se…

Policia e Gjirokastres ka shoqëruar tre persona në lidhje me ngjarjen e sotme kriminale, ku janë gjetur të pajetë çifti i të moshuarve Ilia në fshatin Bodrishtë.

Bëhet fjalë për dy banorë të këtij fshati dhe një bari, shtegtar i të imtave.

Shoqërimi i tyre është bërë në cilësinë e personave që mund të kenë dijeni për krimin brutal.

Policia e Gjirokastrës ndërkohë po hulumton për zbulimin e vrasësit, si pista kryesore e ngjarjes.

Continue Reading

Kronike

Humb jetën punonjësi i një lavanderie në Tiranë, çfarë dyshohet

Mesditën e sotme një 65-vjeçar është gjetur i vdekur në një lavanderi në rrugën “Todi Shkurti” në kryeqytet.

65-vjeçari ishte punonjës i lavanderisë ndërsa dyshohet se ka ndërruar jetë për shkaqe natyrale. Policia ndodhet në vendngjarje dhe po punon për zbardhjen e rrethanave të ngjarjes.

NJOFTIMI I POLICISË:

Tiranë/Informacion paraprak

Më datë 02.05.2024, rreth orës 14:45, në një lavanderi në rrugën “Todi Shkurti”, ka humbur jetën, dyshohet për shkaqe natyrale, shtetasi Gj. P., 65 vjeç (punonjës i lavanderisë).

Grupi hetimor ndodhet në vendngjarje dhe po punon për sqarimin e rrethanave të ngjarjes.

Continue Reading

Kronike

EMRAT/ Gjenden të vdekur burrë dhe grua në Dropull

Burrë e grua, të moshuar, janë gjetur  të pajetë ne fshatin Bodrishtë në Bashkinë Dropull.

Burime jo zyrtare thonë se të moshuarit kanë pasur shenja dhune në trup çka mund të thuhet se bëhet fjale për krim të ndodhur ndaj tyre.

Të moshuarit janë Kosta Ilia 84 vjeç dhe Kleoniqi Ikia 88 vjeçe.

Policia ka shkuar ne vendngjarje ku po merret me hetimin e këtij krimi makabër.

Njoftimi i policisë:

Rreth orës 08:00, janë gjetur nga fqinjët, të pajetë, në banesën e tyre në fshatin Bodrisht, shtetasit K. I., 84 vjeç dhe K. I., 88 vjeçe (bashkëshortë). Nga këqyrjet paraprake të trupave të 2 shtetasve, janë konstatuar shenja dhune, dyshohet të shkaktuara me mjete të forta rrethanore.

Gjithashtu, nga këqyrja paraprake e vendit të ngjarjes, nuk janë konstatuar thyerje të dyerve apo dritareve, si dhe në brendësi të banesës nuk janë konstatuar çrregullime të orendive.

Menjëherë pas njoftimit, shërbimet e Policisë kanë shkuar në vendngjarje dhe së bashku me grupin e posaçëm hetimor të ngritur për këtë rast, në drejtimin e Prokurorisë, po vijojnë hetimet intensive për sqarimin e rrethanave të ngjarjes.

Continue Reading

Kronike

Operacion antidrogë në Tiranë, lëshohen 30 masa arresti, ekzekutohen 25 prej tyre

Antidroga e Tiranës ka zhvilluar një operacion, përmes së cilit janë lëshuar 30 masa arresti me vendim gjykate.

Deri tani mësohet se janë ekzekutuar 20 prej tyre. Ndërkohë 5 masa të tjera janë komunikuar në qeli, pasi ishin kapur më herët.

Bëhet fjalë për grup të organizuar që merrej me shitjen e lëndëve narkotike kokainë, heroinë dhe kanabis me hetimet që kanë nisur që në muajin janar.

I përfshirë në këtë grup është dhe Enea Sulejmani, i arrestuar pak javë më parë në Rrugë të Kavajës në tentativë për t’iu larguar agjentëve të Antidrogës, pasi tentoi t’i përplasë me makinë.

 

 

Continue Reading
Advertisement

TRENDING