Kryeministri i vendit Edi Rama në fjalën e tij nga Shtëpia e Biznesit tek Piramida, deklaroi se shteti shqiptar do të bëjë më shumë kundër korrupsionit.

Rama theksoi se bizneset do të klasifikohen. Ai tha se nuk do të ketë më gjoba të befasishme, duke shtuar se do të kryhet reforma e Inspektorateve.

Edi Rama: Ne kemi një luftë shtetbërjeje, që hapësira e korrupsionit të ngushtohet. Dikur korrupsioni ishte kapilar. Na ndihmon dija e fituar në këto vite, por edhe dija e Bashkimit Europian. Duhet të kryejmë reformën e Inspektorateve. Ato do të jenë autonome prej ministrive. Duhet të ndryshojmë figurën e inspektorit. Nuk do jetë trup që edhe do vendosë gjoba, edhe do marrë ankesa. Do ketë edhe Komisione Apelimi të përfaqësuesve të biznesit, në mënyrë transparente dhe kolegjiale, për të kaluar një barrikadë, që nuk kapërcehet kaq lehtë sa ç’kapërcehet sot. Do të vendosim parimin “jo gjobë në vizitën e parë”. Kjo do ta bëjë të pamundur që të vihet një gjobë në mënyrë të papritur. Është shteti që i shërben biznesit, për të garantuar konkurrencën e lirë dhe të drejtë. Vizita e parë ka vetëm këshillim dhe regjistrim të problemit. Herën e dytë do të rikthehet një trup, që është e monitoruar ndërkaq. Bizneset do të klasifikohen, pasi sekush ka nivelin e tij të suksesit. Bizneset që do jenë korrekte në raport me shtetin, nuk do të kontrollohen, do jenë në fashën A të bizneseve dhe askush nuk mund të bëjë kontroll, pasi kanë treguar në proces kohor se i janë përmbajtur rregullave.

Seanca ndaj kreut të Partisë Demokratike, Sali Berisha, në GJKKO është shtyrë pasi avokatët e këtij të fundit kanë kërkuar kohë për t’u njohur me dosjen. Avokatët e Berishës kanë kërkuar sërish përjashtimin e gjyqtares së çështjes, Irena Gjoka. Në një prononcim për mediat, avokati Genc Gjokutaj tha se nëse kjo gjyqtare nuk jep dorëheqje, brenda tre ditësh, ata do të bëjnë kërkesën për përjashtimin e saj.

Ai shtoi se gjyqtarja duhet të bëjë një gjyq të vetes dhe se ajo nuk ka ku t’i shmanget gjykimit sepse ka qenë kërkuese në atë gjykim. Gjokutaj tha se ata kanë bërë të gjitha kërkimet shkresërisht sepse janë të detyruar t’i pajisin me dokumentet që lidhen me çështjen që ka në mbrojtje

“Siç e dini kemi ardhur në dijeni nëpërmjet shtypi grek dhe vendimit të gjykatës së Athinës që pohon ndalimin e gjyqtares për hyrjen në zonën Shengen. Shkaku jonë qëndron për heqjen dorë sepse KLGJ më 4 prill ka thënë se fabrikojmë fakte për të intimiduar gjykatën. Por kjo nuk është e vërtetë, kjo është shumë specifike sepse i vetmi person që e di qartë dhe saktë është gjyqtarja.

Avancimi i kësaj procedure mund ta çojë gjykimin deri në nul. Nëse kjo gjyqtare nuk jep dorëheqje, brenda tre ditësh do të bëjmë kërkesën për përjashtimin e saj. Kjo kërkesë që bëmë, ajo duhet të bëjë një gjykim të vetvetes. Ajo nuk ka ku t’i shmanget sepse ka qenë kërkuese në atë gjykim. Në dhjetor 2024, ajo gjykatë është vënë në lëvizje nga kërkuesja, gjyqtarja Irena Gjoka.

Ne kemi bërë të gjitha kërkimet shkresërisht sepse janë të detyruar të na pajisin me dokumentet që lidhen me çështjen që ka në mbrojtje. Prokuroria e Përgjithshëm dihet të çojë letër porosi në Athinë për t’i marrë këto prova. Nuk kemi gjë me gjyqtaren. Ky proces nuk është gjyqësor është i pastër politike”, tha Gjokutaj.

Berisha ndodhet në masën e sigurisë arrest shtëpie prej datës 30 dhjetor 2023. Ai është nën hetim pasi dyshohet për korrupsion pasiv në bashkëpunim në lidhje me çështjen e procedurave të privatizimit të ish kompleksit sportiv Partizani. SPAK dyshon se ai me akte nga më të ndryshmet ka ushtruar ndikim dhe presion, duke favorizuar dhëndrin e tij Jamarbër Malltezi, një nga pronarët e atij trualli, që u mbush shpejt me një grup pallatesh.

Në një intervistë me emisionin “Opinion” në Tv Klan menjëherë pas takimit me shqiptarët në Athinë, kryeministri Rama u ndal edhe te anëtarësimi i Shqipërisë në Bashkimin Europian. Pa përcaktuar një afat, ai u shpreh se “jemi shumë pranë hyrjes në BE”.

Kryeministri nënvizoi se dikur për Shqipërinë dëgjohej se ishte e fundit, por sot është në vijën e parë për anëtarësimin në BE. Rama tha se deri në vitin 2030 vendi do të jetë gati që të sillet si një shtet i Bashkimit Europian.

Edi Rama: Unë jam Kryeministri i Shqipërisë por jam edhe kryetar i Partisë Socialiste. Më intereson fakti që sot jemi në një moment historik dhe jemi shumë pranë futjes në Bashkimin Europian,sa na takon ne, jemi shumë pranë.

Blendi Fevziu: Ç’do me thënë shumë pranë?

Edi Rama: Jemi shumë pranë.

Blendi Fevziu: Më jep një ‘deadline’.

Blendi Fevziu: Më jep një të përafërt se dëgjova Scholz-in që tha “Mali i Zi nuk është çudi të jetë në 2030-ën në Bashkimin Europian”. Kjo do të thotë që jemi një paketë të gjithë apo do të na ndajnë?

Edi Rama: Unë kam dëgjuar, jo Scholz-in, kam dëgjuar të tjerë që pastaj ju sigurisht i citonit që pararoja ishte Serbia dhe Mali i zi, Shqipëria ishte në fund fare se akoma… Sot të gjithë thonë që Shqipëria është ‘front runner’. Këto janë gjëra që kanë të bëjnë si lëvizin vendet. Unë di të them këtë: Në vitin 2030 Shqipëria do të jetë gati, kjo është gjëja që do të thotë që do të plotësojmë të gjitha ato reforma, jo për ata, por do t’i plotësojmë për vete dhe pastaj është çështje vendimmarrjeje, por fakti që Shqipëria do të jetë gati nuk do të thotë që është gati që të marrë diplomën atje por është gati që të sillet si shtet brenda vetes, si shtet i Bashkimit Europian.

Kryeministri u përgjigj edhe nëse BE-ja është e gatshme që të pranojë Shqipërinë në mesin e saj.

“Këtë do ta shikojmë kur t’i vijë radha BE-së. Për momentin ne duhet të bëhemi gati dhe ne do të bëhemi gati, kjo është gjëja”, përfundoi Rama

Bamir Topi, ka qenë i ftuar në emisionin “Të Paekspozuarit”, ku ka ka folur për opozitën.

Ish Presidenti tha se Partia Demokratike gjendet në pikën e vet më të “zezë” dhe se problemi nuk është më Berisha, pasi ai e ka “ezauruar” karrierën politike, por ai ka prodhuar 20 të tjerë, që kanë mentalitet akoma më të vjetër se ai, ndaj e sheh krizën e opozitës mjaft të thellë.

Topi u shpreh optimist për lëvizjet e reja politika dhe tha se do të ishte mirë që ata të bashkohen, pasi dështimi i këtyre forcave do të ishte një ngjarje mjaft e keqe pë shoqërinë shqiptare.

Ylli Rakipi: Ju kam parë në një takim me Lulzim Bashën. Pse vajtët aty?

Ylli Rakipi: Lulzimi ka vulën dhe e mban fortë. Këtë tjetrin e kanë vënë në dritare. Pjesë tjetër është Ilir Meta që thotë se kam parti të re, hipën edhe nëpër këto hekurat. Kanë dalë edhe disa të rinj, që ndoshta vlejnë. Por, pak e vagullt është kjo punë. Si mendoni ju Basha është lider legjitim i PD, pse i kanë dhënë atë vulën?

Basha nuk ka qenë asnjëherë i lirë në vendimarrjen e tij. Nuk e them për ta justifikuar, sepse njeriu bën zgjidhjet e veta. Por, jap argumentin pse PD është në këtë gjendje, që nuk ka asnjë lloj fryme dhe identiteti. Jam shprehur që në periudhën më të fortë të përplasjeve, kam thënë lëreni siglën dhe vulën, dilni me një sigël tjetër, sepse ndoshta kjo mund t’i lironte nga ai lloj obsesioni. Në fund një miku im thoshte, ai do të gëlltisë edhe vulën…

Tani do ta shohim sepse juridikisht nuk ka marrë akoma formë. Por, një gjë e quaj të rëndë, që po zgjatet pafundësisht verdikti. Nuk mund të lihet një parti si PD edhe pse janë në ditën e tyre më të zezë, pa asnjë lloj verdikti për siglën dhe vulën. Zgjat e zgjat…

Ylli Rakipi: Doktorin e kanë hipur lart në dritare, flasin disa njerëz aty te rrugica, si e mendon opozitën e Berishës? Ju kur jeni takuar me të për herë të fundit?

Bamir Topi: Ndarja ime përfundimtare me Berishën është që në 21 Janar. Kemi patur një shtrëngim duarsh në 28 nëntor 2012 në Vlorë.

Kur jam larguar nga FRD nuk preferoj ti bëj asnjë lloj komenti. Gjëja që vlerësoj më shumë, pa qenë narcist, kur marr vendime i marr dhe nuk e kthej kokën mbrapa.

Ylli Rakipi: Pra doktori në dritare?

Bamir Topi: Nuk është çështje e Doktorit, por historia e doktorëve. Shkolla e Sali Berishës ka klonuar 20 të tjerë. Problemi nuk është te ai që e ka ezauruar karrierën politike, por ata që konsiderohen të rinj në moshë, por kanë të njëjtin mentalitet. Kanë mbetur të vjetër po aq sa Doktori. Tjetër konsideratë kam për partitë e reja.

Për herë të parë, Kryeministri Edi Rama ka treguar se cili është misioni i tij në krye të qeverisë shqiptare, i cili nuk e ka fshehur që kërkon një mandat të 4-t qeverisës vitin e ardhshëm.

Në një intervistë për emisionin Opinion në Tv Klan nga Athina, Kryeministri Edi Rama u pyet nga gazetari Blendi Fevziu për largimin e të rinjve nga vendi.

Kjo krizë e largimit të të rinjve, Kryeministri premtoi se do të ndryshojë dhe është pjesë e projektit Shqipëria 2023. E sipas Ramës, frenimi i largimit të të rinjve do të jetë pjesa kur do të mbyllë misionin e tij.

Këtu fillon gjëja. Sigurisht që Shqipëria nuk e ka sot forcën e brendshme që thotë pse të iki jam mirë këtu. Po ndryshon dhe kjo gjë. Kjo është pjesa më e vështirë dhe është pjesa që do t’i vendosë kapak të gjithë misionit tim dhe Shqipëria e 2030-s do të jetë një vend ku kjo tendencë do të jetë e ekuilibruar”, u shpreh Kryeministri Edi Rama.