Pamje të rënda te Kryeministria/ Qytetari qëllohet me plumb gome në kokë nga policia

Një qytetar është qëlluar me plumb gome në kokë gjatë protestës përpara Kryeministrisë dhe ka mbetur i shtrirë në trotuar.  Gjendja shëndetësore e qytetarit nuk është bërë ende e ditur, ndërsa mbeten të paqarta rrethanat e plota të incidentit. Ky veprim vjen në një moment kur përplasjet mes protestuesve dhe forcave të policisë janë përshkallëzuar.

Efektivët nga ana tjetër hodhën në sasi të lartë gaz lotsjellës. Gjithashtu në bulevard janë gjetur plumba gome në sasi të shumtë përtokë që janë hedhur nga policia gjatë gjithë protestës së sotme në drejtim të të rinjve para Kryeministrisë