Protesta e së shtunës në Tiranë, 12 persona të shoqëruar dhe 10 të gjobitur pas tensioneve

Protesta e tensionuar e së shtunës në Tiranë është shoqëruar me masa nga Policia e Shtetit. Në përfundim të tubimit, 12 persona janë shoqëruar në polici, ndërsa 10 të tjerë janë ndëshkuar me gjoba për bllokim të rendit publik.

Tensionet u përqendruan kryesisht pranë Ministrisë së Arsimit dhe përpara Kryeministrisë, ku protestuesit përdorën fishekzjarrë, bomba molotov dhe gurë.

Përballë situatës së krijuar, policia ndërhyri me autobotet me ujë për të shpërndarë turmën dhe për të rikthyer normalitetin.

Ngjarjet e regjistruara gjatë protestës sollën edhe ndërhyrjen e forcave të rendit, ndërsa personat e shoqëruar dhe ata të gjobitur do të përballen me procedurat përkatëse ligjore.