Kurti dhe Washingtoni janë në dy planete të ndryshme

Kryeministri i Kosovës, Albin Kurti ka bërë të ditur se nga Roma, sot do të udhëtojë për në Bruksel, duke e konfiromuar pjesëmarrjen e tij në takimin e nivelit të lartë të dialogut të thirrur nga Përfaqësuesi i Lartë i BE-së, Josep Borrell. Megjithatë, i dërguari amerikan për Ballkanin Perëndimor Gabriel Escobar tha se takimi Kurti – Vuçic nuk pritet të ndodhë këtë javë.

Nënkryetar i Kuvendit të Kosovës, nga radhët e Partisë Demoratike, Enver Hoxhaj tha se nëse Escobar nuk e di që Kurti mund të udhëtojë për në Bruksel, kjo tregon se kryeministri dhe Washingtoni janë në dy planete të ndryshme.

“Vetëm pjesa e konfirmimit dhe moskonfirmimit të takimit tregon sesa ka koordinim ka dhe se çfarë po ndodhë në Bruksel. Mendoj se kjo është pika më e ulët e çdo situate që e kemi pasur brenda dhe jashtë” tha Hoxhaj.

Ai u shpreh se shkuarja e Kurtit në Bruksel pa koordinim me Amerikën pa e pranuar planin 3-pikësh: De-eskalim, zgjedhje, rikthim në dialog, por, marrja vetëm me tre policët e rrembyer, tregon se edhe dialogu nuk është i njëti. Nuk zhvillohet në mes dy shteteve, dialogu që zhvillohet në Bruksel e ka një emër dhe ai është “Menaxhim i krizës”.