Lirimi i dy pengjeve të tjerë është bërë i ditur mbrëmjen e sotme nga një përfaqësues i Hamasit.
Abu Ubaydah, një zëdhënës i krahut të armatosur të Hamasit, tha se u vendos që të liroheshin dy pengje si një gjest vullneti i mirë në kontekstin e nismës së ndërmarrë nga Katari dhe Egjipti për të de-përshkallëzuar krizën.
Zëdhënësi shtoi se Hamasi vendosi t’i lirojë të dy “për arsye humanitare”, sipas Haaretz.
Kujtojmë se disa ditë më parë u liruan dy pengje amerikane, nënë e bijë.
