EMRAT- Plagosen me thikë një 32-vjeçar, arrestohen dy vëllezërit

Një 32-vjeçar është plagosur me thikë në Durrës. Policia bën me dije se ka arrestuar dy vëllezër, Eno Gaga, 36 vjeç dhe Ivo Gega, 33 vjeç, të cilët pas një konflikti goditën me thikë Gentian Bajtamin.

Palët kanë pasur konflikt bedhe më parë për shkak të biznesit të tyre, të cilët kanë një agjenci biletash. Dyshohet se plagosja ka ndodhur për shkak të konkurrecës. I plagosuri është konfliktuar me njërin nga vëllezërit dhe më pas ndërhuy tjetri. Ngjarja ndodhi rreth orës 18:45, në lagjen nr. 4 të qytetit.

“Plagosën me mjet prerës (thikë) një 32-vjeçar, dyshohet pas një konflikti të çastit, ndërhyrja e menjëherëshme e shërbimeve të Policisë, bëri të mundur kapjen dhe shoqërimin e autorëve të dyshuar.

Rreth orës 18:45, në lagjen nr. 4 Durrës, dyshohet se pas një konflikti të çastit, dyshohet për motive të dobëta, shtetasit E.G, 36 vjeç dhe I. G. 33 vjeç, (vëllezër) kanë plagosur me mjet prerës (thikë), shtetasin G. B., 32 vjeç.

Ndërhyrja e menjëherëshme e shërbimeve të Policisë, bëri të mundur kapjen dhe shoqërimin në Komisariat, të dy vëllezërve për veprime të mëtejshme procedurale.

32-vjeçari është transportuar në spitalin e Durrësit, ku po merr ndihmë mjekësore dhe ndodhet jashtë rrezikut për jetën.

Grupi hetimor nën drejtimin e Prokurorisë po punon për sqarimin e plotë të rrethanave të rastit”, njofton policia.